Hamar

Meistaraflokkurinn flytur

2008-04-17T18:28:00.001Z

Grýluvöllur 2020?

Fréttaveita meistaraflokks Hamars hefur flutt sig um set.

Framvegis munu allar fréttir af meistaraflokknum birtast á heimasíðu íþróttafélagsins Hamars (www.hamarsport.is). Eftir sem áður verður þessi síða virk, a.m.k. eins mikið verið hefur, og því hægt að spjalla um málefni meistaraflokksins og dótturfélags hans, F.C.Bjórvambar, áfram.

Fyrirhugað er að þessi síða muni í framtíðinn hýsa fréttir af stuðningsmannafélagi Hamars og því sem í gangi verður þar.

Fyrsti leikurinn í Lengjubikarnum

2008-03-10T11:38:00.004Z

Marri í leiknum í gær

Hamar spilaði sinn fyrsta leik í Lengjubikarnum í gær, sunnudag, á móti liði Víðis frá Garði, leikurinn var liður í 2. riðli B-deildar. Leikið var í blíðskapar veðri í Reykjaneshöllinni þar sem nýja gervigrasið var reynt.Líkt og vanalega tók það Hamarsmenn u.þ.b. 10 mínútur að hefja sinn leik og þegar það gerðist var staðan orðin 1-0 fyrir Víði. Sóknarmaður Víðis fékk stungusendingu inn fyrir vörnina, var á undan Hlyni í boltann og chippaði honum yfir og í markið. Víðismenn voru töluvert meira með boltann og voru skeinuhættari í flestum aðgerðum sínum á vellinum. Rétt áður en leikurinn var flautaður á bað Helgi formanninn að skjótast í smá sendiför fyrir sig, brást formaðurinn vel við þeirri bón en sagði að slíkt erindi kostaði eitt mark og það skyldi hann fá borgað ellegar hlyti Helgi verra af. Þegar nálgaðist svo lok fyrri hálfleiks og staðan 1-0 fyrir Víði, mundi Helgi allt í einu eftir skuld sinni við formanninn. Það var ekki að spyrja, Helgi fékk boltann á lofti rétt fyrir utan vítateig Víðismanna og smellti honum viðstöðulaust í markið. Staðan orðin 1-1 og var hún svo í hléi.

Síðari hálfleikurinn var fjörugur, mikið um pústra, kýlingar og færi. Sama var upp á teningnum varðandi byrjun og viðveru leikmanna Hamars. Víðir komst í 3-1 með 2 mörkum sem hefði mátt koma í veg fyrir. Flestir á hliðarlínunni bjuggust við að eftirleikurinn yrði auðveldur fyrir Víði en inn á vellinum var sveit vaskra manna sem voru ekki á sama máli. Zoran setti eitt með þrumuskoti af 20 metrum og breytti stöðunni í 3-2 og nýr leikur hafinn. Hamar sótti töluvert eftir þetta og uppskar vítaspyrnu þegar Víðsmaður handlék boltann inn í teig. Marri fór með boltann á punktinn og bjóst til að setja enn eitt vítið á ferlinum inn, enda spyrnukóngur mikill. Ekki fer ég að ljóstra upp hér á síðunni hvernig Marri tekur spyrnur en sú sem hann framkvæmdi í leiknum kom flestum á óvart, þversláin þvældist fyrir boltanum á leið sinni inn í markið og til að toppa allt þá skaust hann út í teig en ekki inn í markið. Undir lok leiksins komust svo Víðismenn í hraðaupphlaup sem endaði með marki, 4-2 og þar við sat.

Formleysið var eitthvað að hrjá mönnum sem og almennt skipulag á vellinum. Það tekur tíma að slípa saman hópinn og á heildina litið var leikur liðsins ekki svo slæmur, miðað við allt. Nýju strákarnir stóðu sig ágætlega í leiknum og þeir “gömlu” skiluðu flestir sínu. Næsti leikur liðsins er æfingaleikur við Stjörnuna og fer hann fram í Garðabæ laugardaginn 15. mars kl:11:00.

Lengjubikarinn og nýir leikmenn

2008-03-07T12:34:00.003Z

Boltinn byrjaður að rúlla

Næsta sunnudag, þann 9. mars, hefja Hamarsmenn leik í B-deild Lengjubikarsins. Mótherjar okkar eru Víðismenn úr Garðinum sem sigruðu 3. deildina í fyrra og munu þ.a.l. vera með okkur í 2. deildinni á komandi tímabili.Þessi leikur verður fyrsti opinberi mótsleikur fimm nýrra liðsmanna Hamars. Þeir Ágúst Ingi Brynjarsson (KFS), Almar Björn Viðarsson, Hilmir Hjaltason, Kristinn Aron Hjartarson og Ágúst Örlaugur Magnússon (allir frá Kára) skiptu yfir til Hamars í vikunni og eru því löglegir í leikinn. Þá skiptu einnig "gamlir" Hamarsmenn yfir til okkar, Markverðirnir Simmi (Selfoss) og Hlynur (Ægir) eru nú löglegir eðalknattspyrnumenn og munu klæðast fallega bláa Hamarslitnum í sumar.

Við hvetjum Hvergerðinga sem og aðra unnendur sambabolta að kíkja í Reykjaneshöllina á sunnudaginn kl.14:00 og styðja við bak okkar manna. Frést hefur að formaðurinn muni mæta á svæðið með kaffi og kleinur fyrir ferðalanga úr Hveragerði og því ætti enginn að verða svikin af ferð til Keflavíkur.

Hamar að spila, heitt kaffi og mjúkar kleinur... það gerist varla betra

Hamar... bezt í heimi!!!

Hamar í úrslit!!!

2007-08-10T22:08:00.000Z

Hamar í úrslit!!!

Hamar vann Árborg glæsilega en þó naumelega í kvöld í hörkuleik á Grýluvelli. Með sigrinum tryggði liðið sér sæti í úrslitakeppninni í fyrsta skipti í sögu félagsins. Árborgarmenn komust yfir með klaufalegu marki í byrjun seinni hálfleiks en mörk frá Svenna og super-subinum Bjössa Rauða tryggðu frábæran baráttusigur og sætið í úrslitakeppninni.

Mikilvægur sigur í Kópavogi

2007-07-27T23:46:00.000Z

Smelltu til að sjá stöðuna í riðlinum

Hamar vann Ými 0-1 í Kópavogi í kvöld en sigurinn er gríðarlega mikilvægur fyrir stöðu liðsins í riðlinum. Á sama tíma gerðu Ægir og KFS jafntefli í Þorlákshöfn en þessi lið eru í 3. og 4. sæti riðilsins.....

Fyrri hálfleikur leiksins í kvöld var eign Hamarsmanna. Engan bilbug var að finna á liðinu og útlit var fyrir að leikurinn yrði ganga í garðinum. Það gekk hins vegar illa að finna netmöskvana en Boban skoraði eina mark fyrri hálfleiksins með hnitmiðuðu vinstrifótarskoti í hægra hliðarnet andstæðinganna. Staðan þokkaleg og ekkert útlit fyrir breytingu á því.

Í seinni hálfleik virtust Hamarsmenn hins vegar gleyma markmiði leiksins. Menn duttu algjörlega á hælana og Ýmismenn gengu á lagið. Allan hálfleikinn voru Ýmismenn líklegri til að skora en Hamar. Þeim gekk þó illa að koma sér í markverð færi og þrátt fyrir að berjast líflega tókst Ýmismönnum ekki að skora og Hamarsmenn héldu fengnum hlut. 0-1 sigur staðreynd og Hamarsmenn fegnir að heyra síðasta flaut kvöldsins.

Byrjunarliðið:
Rocky(m)
Önni(f) - Sammi - Marri - Björn Aron
Rafn - Svenni - Vladan - Helgi
Boban - Siggi Gísli

Bekkurinn:
Ásgeir - Bjarni - Danislav - Egill - Simmi(m)

Liðstjórn:
Hjörtur og Lilja Rún

Allir á Selfossvöll

2007-06-21T12:35:00.000Z

Nágrannaslagur í kvöld!

Hamar mætir Árborg á Selfossvelli í kvöld og eru allir stuðningsmenn liðsins hvattir til að fjölmenna á völlinn. Hamar mun fara með eftirfarandi hóp: Jónas, Kristmar, Danislav, Svenni, Rafn, Zoran, Bjössi, Sammi, Björn Aron, Vladan, Helgi, Önni, Atli, Simmi, Ásgeir og Boban.

Hamarsmenn mæta í súpu og brauð klukkan 17:00 á Kaffi Kidda Rót. Svo verður lagt af stað frá íþróttahúsinu klukkan 18:30 en mæting er á Selfoss eigi síðar en 18:45.

Nágrannaslagur í höfninni

2007-06-15T08:14:00.000Z

Þessi mynd kemur
leiknum ekkert við

Leikið verður í Þorlákshöfn í kvöld klukkan 20:00 í nágrannaslag gegn Ægi. 16 manna hópur Hamars er þannig skipaður: Rocky, Ásgeir, Atli, Önni, Helgi, Árni Geir, Björn Aron, Sammi, Bjössi, Zoran, Rafn, Svenni, Danislav, Siggi Gísli, Kristmar og Jónas.

Mæting í íþróttahúsið í Þorlákshöfn í síðasta lagi 18:45. þeir sem fara frá Hveragerði hittast við íþróttahúsið klukkan 18:15 og hoppuppí bíla með hveeerjum sem eeeeer, já trúðu mér ég er ekki að plata þig, kæri vinur viltu treysta mér, á drekanum við förum í Þorlákshöfn í fjórða gíííír....

Sigur á Grýluvelli

2007-06-05T12:14:00.000Z

Zoran öruggur á punktinum
Mynd: gks

Hamar tók í gær á móti b-liði HK sem spilar undir merkjum Ýmis í 3. deildinni. Veðrið var ekki fýsilegt til knattspyrnuiðkunar, hífandi rok og grenjandi rigning á köflum.....

Hamarsmenn byrjuðu á að spila á móti sterkum vindinum en það kom ekki að sök því liðið spilaði glæsilegan fótbolta frá fyrstu mínútu þar sem boltinn gekk vel innan liðsins og margar glæsilegar sóknir litu dagsins ljós. Það voru þó Ýmismenn sem skoruðu fyrsta mark leiksins úr vítaspyrnu er Rafn felldi sóknarmann Ýmis klaufalega eftir misheppnað hreinsun hjá Robert. Staðan 0-1 fyrir Ými strax á 4. mínútu. Frá þeirri mínútu var aðeins eitt lið á vellinum, Hamar gjörsamlega tætti sundur Ýmis liðið og áttu nokkur upplögð marktækifæri, m.a. sláarskot. Á 32. mínútu var svo brotið á Sigurði Gísla innan teygs og skoraði Zoran örugglega af punktinum, staðan orðin 1-1 og þar við sat í hálfleik.

Með vindinn í bakið byrjuðu Hamarsmenn seinni hálfleikinn af krafti og sóttu mjög stíft. Strax á 48. mínútu var svo aftur brotið á Sigurði Gísla innan teygs og réttilega dæmd vítaspyrna. Eitthvað fór sá dómur illa í einn leikmann Ýmis sem uppskar rauða spjaldið og gat því hlýjað sér í rútunni lungann úr seinni hálfleiknum. Zoran fór því aftur á punktinn og skoraði af öryggi, staðan því orðin 2-1 fyrir Hamar. Um miðjan hálfleikinn fóru Ýmismenn að sækja í sig (ó)veðrið og fengu nokkur hálffæri án þess þó að skapa mikla hættu við mark Hamarsmanna, fyrir utan eina sókn er skot þeirra fór framhjá markinu. Frekar slakur dómari leiksins flautaði hann svo af nákvæmlega á 90. mínútu, líklegast hans besta ákvörðun (fyrir utan vítaspyrnurnar tvær sem Hamar fékk) í leiknum.

Lið Hamars:
Robert(m)
Rafn(f) - Sammi - Zoran - Björn Aron
Danislav - Svenni - Boban (Helgi 81.) - Björn B (Árni Geir 85.)
Siggi Gísli - Kristmar

Mörk Hamars:
Zoran 2 (32.vsp., 48.vsp.)

Bekkurinn:
Egill - Tryggvi - Ásgeir

Liðsstjórn:
Hjörtur - Önni - Siggi Gú

Frétt á Suðurland.is
Heimasíða Ýmis
Leikskýrsla KSÍ (ekki komin)

Fyrsti heimaleikur í kvöld

2007-06-04T12:23:00.000Z

Íslandsmótið í kvöld

Hamar mætir Ými úr Kópavogi í kvöld í þriðju umferð A-riðils 3. deildar og fer leikurinn fram á Grýluvelli. Ýmismenn unnu lið KB örugglega í síðustu umferð og unnu þeir 2. deildar lið ÍH í visa bikarnum á fimmtudaginn. Ýmismenn hafa styrkt sig mikið á undanförnum vikum en fjölmargir leikmenn úr HK spila nú með liðinu.

Allur æfingahópur Hamars er boðaður í leikinn og verður 16 manna hópur tilkynntur klukkutíma fyrir leik. Það er mæting klukkan 18:45 í íþróttahöll allra Hvergerðinga.

Heimasíða Ýmis
Veðurspáin

Vító á Grýluvelli

2007-06-03T12:39:00.000Z

Áfram í bikarnum!

Það var ekki mikið um mörk á Grýluvelli þegar Álftanes kom í heimsókn. Visabikarinn var ekki í augsýn og heldur ekki mörkin því eftir venjulegan leiktíma og 30 mínútur auka í framlengingu þá var staðan enn 0-0. Lið Hamars var nokkuð breytt frá síðustu leikjum og fengu nokkrir leikmenn tækifæri í þessum leik sem ekki höfðu spilað mikið hingað til. Það voru gestirnir sem komust nærri að skora í tvígang í venjulegum leiktíma en sláin og Robert í markinu sáu til þess að gestirnir skoruðu ekki.....

Það sem kom í veg fyrir að okkar menn skoruðu voru frekar lélegar ákvarðanir á 2-3 ögurstundum og var þar að mati áhorfenda dómarinn í eitt skiptið. Fróðir menn hliðarlínunnar heimtuðu vítaspyrnu í lok fyrri hálfleiks en uppskáru aðeins eigið ergelsi og Sigurður Gísli gula spjaldið fyrir leikaraskap (að mati dómara). Annars var leikurinn í daufara lagi. Í vítaspyrnukeppnini voru svo Hamarsmenn sterkari á tauginni og skoruðu úr 3 af 4 teknum spynum en Álftanesmenn settu aðeins 1 mark úr 4 spyrnum og því 3-1 sigur og leikmenn og fjölmargir áhorfendur fögnuðu vel. Dregið verður í næstu umferð á morgun, mánudaginn 4.júni nk.

Byrjunarliðið
Rocky(m)
Önni(22) - Zoran(115) - Sammi - Björn Aron
Rafn(f) - Svenni - Boban(111) - Bjössi
Siggi Gísli - Danislav

Varamenn
Ásgeir - Árni Geir(111) - Helgi(115) - Kristmar(22) - Tryggvi

Liðsstjórn
Valli - Siggi Gú

Heimasíða Álfanes
Leikskýrsla KSÍ

Bikarinn í dag

2007-05-31T22:30:00.000Z

Menn að ganga til hálfleiks í
leiknum gegn KFR

Hamar spilar í annari umferð Visa bikarsins í kvöld en liðið mætir Álftanesi á Grýluvelli klukkan 20:00. Álftanes lék Hamar grátt á undirbúningstímabilinu og vann báða leikina sem liðin spiluðu á vormánuðunum. Hamarsmenn eiga því harma að hefna þegar liðin mætast í kvöld og eru Hvergerðingar hvattir til að fjölmenna á völlinn og styðja Hamar til besta árangurs liðsins í bikarkeppni KSÍ frá upphafi.

Þó nokkrar breytingar verða á leikmannahóp Hamars fyrir leikinn en hann verður ekki kynntur fyrr en klukkutíma fyrir leik. Allur æfingahópurinn er því boðaður út í íþróttahús Hveragerðisbæjar klukkan 18:45.

Haldið á söguslóðir

2007-05-25T06:00:00.000Z

Bjössi og Siggi að athuga
drykkjarföngin fyrir austan

Í dag halda Hamarsmenn á slóðir Gunnars og Hallgerðar Langbrókar þegar haldið verður á Hvolsvöll og spilað gegn Knattspyrnufélagi Rangæinga. Þessi lið hafa ekki mæst opinberlega en liðin skildu jöfn 0-0 í æfingaleik í Árbænum í vor. Ein breyting er á leikmannahópi Hamars frá því í síðasta leik en þessir sextán eru í hópnum:

Robert - Sammi - Boban - Zoran - Helgi - Svenni - Önni - Rafn - Atli - Siggi Gísli - Bjössi - Marri - Tryggvi - Heimir - Ásgeir - Danislav

Það er mæting í súpu og brauð á Kaffi Kidda Rót klukkan 17:00 og lagt verður af stað þaðan klukkan 17:50.

Veðurspá
Heimasíða KFR

Jafntefli í eyjum

2007-05-20T23:05:00.000Z

Lesið yfir mönnum í hálfleik

Hamar fór og heimsótti litlu eyjuna í suðri í dag og mætti sameinuðu liði Framherja og Smástundar á Helgafellsvelli. Leikurinn fór fram í úrhellis rigningu og roki sem hafði sín áhrif á leikinn sem annars var jafn og opinn allt til enda. Átján galvaskir Hamarsmenn fóru í dauðaflug til eyja og sóttu stig í fyrsta skipti í háa herrans tíð og voru fegnir að snúa aftur á lífi....

Fyrri hálfleikur var tíðinda lítill og báðum liðum gekk illa að ná tökum á boltanum. Leikurinn fór að mestu fram á miðjunni þar sem hart var barist en lítið komist áfram. Í síðari hálfleik virtust leikmenn KFS ætla að tryggja sér sigurinn en þeir fengu tvö dauðafæri sem hæglega hefðu getað gert út um leikinn. Rocky var þó öflugur í markinu og sá til þess að Hamarsmenn voru enn með stig. Þegar leið á seinni hálfleikinn sótti Hamar í sig óveðrið og á tímabili fór leikurinn að mestu fram í vítateig KFS en á milli sóttu þeir hratt og reyndu að lauma inn marki. Þegar fáeinar mínútur voru eftir af leiknum fengu Hamarsmenn eina af mörgum hornspyrnum í leiknum og úr henni átti Svenni þrumu skalla í stöng. Boltinn barst út í teiginn og hoppaði þar og skoppaði en ekkert skot náðist á markið. Þar við sat og Kjartan Björnsson ágætur dómari leiksins flautaði ósköpin af.

Í hnotskurn: Erfiður slagveðurs viðbjóður og lítill fótbolti í gangi. Þó er alltaf gott að ná í stig í Vestmannaeyjum og ef ég þekki mína menn rétt eiga einhverjir eftir fara aftur út til eyja og ná í fleiri stig er kennd eru við karlmennsku seinna í sumar.

Byrjunarliðið
Rocky(M)
Önni - Zoran - Helgi - Bjössi
Atli - Svenni - Rafn(F) - Danislav
Boban(Þ) - Siggi

Bekkurinn
Ásgeir - Egill - Heimir - Sammi - Tryggvi

Liðsstjórn
Hjörtur - Siggi Gústafs

Leikskýrsla KSÍ HÉR
Myndir úr ferðinni og leiknum HÉR
KFS-menn segja þetta HÉR
Þær breytingar hafa verið gerðar á æfingaáætlun að miðvikudagsæfingin hefur verið felld niður af augljósum ástæðum. Þannig að það eru æfingar á þriðjudag og fimmtudag klukkan 19:00 á Grýluvelli og svo leikur á föstudag á Hvolsvelli.

Eyjar 2007

2007-05-19T18:29:00.000Z

Menn að gíra sig upp
fyrir síðasta leik

Jæja, þá er komið að árlegri ferð Hamarsmanna til Vestmannaeyja en ferðin er í fyrra fallinu þetta árið. Það hefur aldrei verið auðvelt að sækja stig til eyja og verður þetta skiptið ekki undanskilið því. KFS vann sinn fyrsta leik í mótinu 3-1 gegn Ými og létu þar með rækilega vita af sér. Síðuhaldari vill hér nota tækifærið og afsaka skýrsluleysi síðasta leiks, en svona er lífið, fullt af óvæntum uppákomum og ekkert skal tekið sem sjálfsögðum hlut........

Það eru þó komnar inn myndir úr leiknum og hægt að nálgast þær undir "Myndir" og svo er hægt að nálgast smá umfjöllun um leikinn HÉR

En fyrir leikinn gegn KFS tilkynnti þjálfarinn hópinn á æfingu í morgun og eru tvær breytingar frá því í síðasta leik. Hópurinn er svona:

Robert - Sammi - Boban - Zoran - Helgi - Svenni - Önni - Rafn - Atli - Siggi Gísli - Bjössi - Egill - Tryggvi - Heimir - Ásgeir - Danislav

Svo koma að sjálfsögðu Hjörtur formaður og Gúgú lukkudýr.

Veðurspá fyrir leikinn er HÉR

Heimasíða KFS er HÉR

Það er mæting í íþróttahöll Hveragerðisbæjar klukkan 11:30 og lagt verður af stað þaðan klukkan 11:45. Flugið frá Bakka verður klukkan 13:15.

Gras, gras, gras!

2007-05-14T23:18:00.000Z

Önni kampakátur
á grasinu!

Fyrsta æfingin á Grýluvelli þetta árið fór fram nú í kvöld við mikinn fögnuð Hamarsmanna og ekki annað að sjá að menn komi þokkalegir undan vetri. Hörku mæting var á æfinguna líkt og verið hefur í vor en eins og lög gera ráð fyrir bættust nokkrir kálfar í hópinn við tilkomu Grýluvallar. Völlurinn er í þokkalegu standi en fyrsti leikur sumarsins fer fram á honum á fimmtudaginn næstkomandi. Hjörtur formaður og Valli framkvæmdarstjóri voru að vonum glaðbeittir við þetta tilefni í kvöld og gáfu leikmönnum flottar íþróttatöskur með skóbotni, merktar Hamri og Powerade sem styrkir Hamar í baráttunni í sumar. Smellt var af nokkrum myndum á æfingunni og fylgja þær hér að neðan...

Leikmannamál

2007-05-10T14:23:00.000Z

Milos í slorið

Þó nokkrir leikmenn hafa komið og farið hjá Hamri undanfarna vormánuði og nú nýverið skiptu þrír yfir til erkifjenda okkar í Þorlákshöfn. Farið verður nánar yfir þá leikmenn sem hafa gengið til liðs við liðið að undanförnu en þeir leikmenn sem hafa skipt úr Hamri eru:

Björn Aron Magnússon í Selfoss: Bjössi gekk á ný í raðir Selfoss en hann spilaði 12 leiki með Hamri síðasta sumar.

Jón Einar Pétursson í Árborg: Jón skipti aftur yfir til sinna gömlu félaga í Árborg en hann spilaði 6 leiki með Hamri framan af sumri árið 2005.

Milos Milojevic í Ægi: Milos spilaði 13 leiki með Hamri síðasta sumar og skoraði í þeim 3 mörk. Hann kom af sjálfsdáðum aftur hingað til lands í vor og spilaði alla leiki Hamars í riðlakeppni Lengjubikarsins.

Dalibor Lazic í Ægi: Dalibor gekk í raðir Hamars fyrir Lengjubikarinn nú í vor og skoraði 3 mörk í fjórum leikjum sínum þar.

Mladen Ilic í Ægi: Mladen spilaði 14 leiki með Hamri síðasta sumar og skoraði í þeim 4 mörk. Hann kom til landsins af sjálfsdáðum nú á dögunum í leit að félagi og fann Ægi.

Stefán Óskar Orlandi í Höfrung: Stefán spilaði 7 leiki fyrir Hamar árið 2005.

Við Hamarsmenn þökkum þesum kumpánum að sjálfsögðu fyrir framlag sitt til Hamars og óskum þeim velfarnaðar hjá nýju félögunum.

Tap í úrslitum

2007-05-06T20:38:00.000Z

Harður úrslitaleikur að baki

Hamar tapaði í úrslitaleik C-deildar Lengjubikarsins í dag gegn Hvöt frá Blönduósi. Leikurinn fór fram á Ásvöllum í Hafnafirði og voru lokatölur 0-1 Hvöt í vil. Leikurinn var gríðarlega jafn allan tíman en Hvöt gerði nóg til að tryggja sér sigur eftir mark úr föstu leikatriði um miðjan seinni hálfleik. Að sögn áhorfanda voru Hamarsmenn líklegri meira og minna í fyrri hálfleik og lengst framan af þeim seinni en báðum liðum gekk illa að skapa sér færi enda greinilegt að bæði lið voru vel undirbúin fyrir leikinn. Hamarsmenn geta unað sáttir við árangurinn í ár þar sem að liðið vann sinn fyrsta riðil og spilaði sinn fyrsta úrslitaleik í móti á vegum KSÍ.

Meira síðar...

F.C. Bjórvömb snýr aftur!

2007-05-03T18:45:00.000Z

Bjórvömb back in buisness

Í ljósi vaxandi knattspyrnuáhuga í Hveragerðisborg hefur stjórn meistaraflokks Hamars og nýskipuð stjórn F.C. Bjórvambar ákveðið að senda liðið á ný til keppni í Sunnlensku deildinni. Hjörtur Sveinsson formaður meistaraflokks Hamars og Ólafur Gíslason einn af stjórnarmönnum Bjórvambar mættu á fund hjá stjórn Sunnlensku deildarinnar á dögunum og lögðu til breytingar sem snúa að þátttöku leikmanna sem æfa með liðum í íslandsmóti KSÍ. Tillagan var samþykkt sem gerir Bjórvömb kleift að hefja þátttöku á ný en allir leikmenn sem ekki hafa verið í byrjunarliði á vegum KSÍ mega nú spila í Sunnlensku deildinni........

Bjórvömb verður skipað öllum þeim sem hafa áhuga á að iðka knattspyrnu í góðum félagsskap en þeir leikmenn Hamars sem spila minna en aðrir hafa þar einnig tækifæri til að spila meira. Í stjórn Bjórvambar sitja Ólafur Gíslason, Þráinn Ómar Jónsson og Guðmundur Jónsson en allir voru þeir burðarásar í liði Bjórvambar á sínum tíma og allir eiga þeir fjölda leikja að baki með Hamri. Þeir munu halda utan um rekstur félagsins og sjá um allt sem að því snýr svo sem búningakaup, æfingar og vali á liðinu hverju sinni en stjórn meistaraflokks Hamars mun leggja til æfingasvæði, dómara og ýmsa aðstoð eftir þörfum.

Fyrsta æfing Bjórvambar var nú í kvöld og fyrirhugað er að taka einn eða tvo æfingaleiki áður en deildin hefst. Frekari upplýsingar um framhaldið munu svo birtast á nýjum þræði Bjórvambar sem hefur verið opnaður á Spjallsíðu Hamars en nú þegar er farið að huga að búningakaupum og þurfa þeir sem ætla sér að vera með að láta vita á spjallinu eða með því að hringja í Óla í síma: 821 7488.

Endurvakning Bjórvambar er fagnaðarefni og er gaman að sjá hve mikill knattspyrnuáhugi er fyrir hendi í Hveragerði um þessar mundir. Við óskum okkur Bjórvömburum til hamingju með þetta og vonum bara að bæði Bjórvömb A (a.k.a. Hamar) og Bjórvömb B eigi gott sumar í vændum.

Ohhhhhhhh Tule, Tuborg, Carlsberg!!!

Æfingabúðir á Hellu 4.-6. maí

2007-05-02T18:27:00.000Z

Meira en bara gisting...

Nú hefur verið lögð fram æfingaáætlun fyrir maímánuð og má finna hana undir "Æfingar" hér að ofan. Á föstudaginn verður svo farið í æfingaferð á Hellu þar sem æft verður í fyrsta sinn á grasi þetta árið og slakað á þess á milli við nið Rangár. Við munum dvelja á Hellu þangað til að úrslitaleikurinn verður háður á sunnudaginn og hafa 20 leikmenn staðfest komu sína í ferðina. Búið er að ganga frá gistingu fyrir alla í bústöðum Árhúsa á Hellu en þar munu fjórir vera saman í hverju húsi. Búið er að negla niður dagskrá ferðarinnar og er hún svona:......

Æfingabúðir á Hellu 4.-6. maí

- Dagskrá -

Föstudagur
19:30 - Mæting á Hellu, farangri komið fyrir í bústöðum Árhúsa við Rangá
20:00 - Æfing á Helluvelli
22:00 - Kvöldhressing

Laugardagur
09:00 - Vakna!!!
09:30 - Morgunmatur
11:00 - Æfing á Helluvelli
13:00 - Hádegismatur
14:00 - Frjáls tími; Afslöppun, lærdómur, golf, ganga, enski boltinn, sund...
18:00 - Æfing á Helluvelli
20:00 - Kvöldmatur og skemmtiatriði í boði Bjössa, Krulla og Rabba

Sunnudagur
09:00 - Vakna!!!
09:30 - Morgunmatur
10:30 - Fundur; farið yfir helgina og næsta leik. Göngutúr.
12:30 - Léttur hádegismatur
13:00 - Lagt af stað til Hafnafjarðar þar sem úrslitaleikurinn gegn Hvöt fer fram
16:00 - Flautað til Úrslitaleiks í Lengjubikarnum gegn Hvöt á Ásvöllum í Hafnafirði.

ATH: Munið að taka með æfingafatnað og annað sem þið þurfið á meðan við verðum á Hellu en rúmföt verða á staðnum. Öll neysla áfengis er bönnuð í ferðinni og það ber að virða!

Farið verður á einkabílum á staðinn og því er upplagt að sameina í bíla og nýta þanning ferðirnar austur vel.

Heimasíða Árhúsa

Hamar í úrslit!

2007-05-01T21:06:00.000Z

Bjössi sýndi flotta takta á
súlunni

Hamar og Augnablik mættust í rokinu á Blásvöllum í dag í undanúrslitum C-deildar Lengjubikarsins. Leikurinn átti að hefjast klukkan 14:00 en hófst ekki fyrr en að klukkuna vantaði 15 mínútur í þrjú vegna framlengingar í leik Hvatar og KV þar sem staðan var 1-1 eftir venjulegan leiktíma. Hvatarmenn unnu leikinn á endanum 1-4 með einu marki í fyrri hálfleik framlengingar og tvö í þeim seinni. Hamarsmenn munu því mæta Hvöt á sunnudaginn í úrslitaleiknum en Hamarsmenn unnu sinn leik gegn Augnablik.....

Augnabliksmenn byrjuðu leikinn af mun meiri ákveðni og að sama skapi virtust Hamarsmenn ekki alveg mættir í leikinn. Illa gekk að fá boltan í fæturnar í rokinu og Augnabliksmenn fengu þokkalegt næði til að athafna sig með boltan þar sem Hamarsmenn héldu sig í eins til tveggja metra fjarlægð frá þeim grænklæddu. Það skilaði Augnabliki marki eftir um 15 mínútna leik þegar einn þeirra átti ágætis skot frá vítateig sem Robert varði. Kári Blásvallason tók hins vegar frákastið og skoraði af öryggi framhjá Rocky sem var ekki en lentur. Við þetta vöknuðu þeir bláklæddu við vondan draum og spýttu í lófana. Siggi Gísli fékk tilvalið færi til þess að jafna leikinn eftir að hafa leikið sig vel í gegnum vörn Augnabliks en skot hans rataði ekki á ramman. Stuttu síðar á 19. mínútu fékk Siggi frábæra stungusendingu sem hann nýtti vel og skoraði af öryggi. Leikurinn var jafn eftir þetta og liðin skiptust á að reyna að beisla boltan og það tókst þegar Siggi Gísli bætti við öðru marki á 39. mínútu. Það gerði hann með skoti úr vítateignum og boltinn steinlá ekki í netinu, en yfir línuna fór hann. Staðan 1-2 í hálfleik.

Í seinni hálfleik mættu Hamarsmenn vel stemmdir og staðráðnir í að tapa ekki þriðja seinni hálfleiknum í röð. Augnabliksmenn voru þó líka staðráðnir í að landa sigri og því var leikurinn opinn og skemmtilegur. Það var svo á 51. mínútu seinni hálfleiks að Atli lék laglega á tvo varnarmenn Augnabliks og sólaði svo markmann þeirra sem braut á honum og réttilega dæmd vítaspyrna og eins og reglur gera ráð fyrir var markmaður Augnabliks rekinn út af. Zoran tók vítaspyrnuna og skoraði af miklu öryggi. Þrátt fyrir að Augnabliksmenn væru aðeins 10 var leikurinn enn jafn en þegar leið á fóru þeir að láta allt fara í taugarnar á sér með meðfylgjandi tuði og leiðindum. Eina sem þeir uppskáru úr því var annað rautt spjald á 66. mínutu eftir að einn leikmanna þeirra braut á Svenna sem datt í kjölfarið af slysni ofan á mannin sem braut á honum og því tók hann upp á því að slæma til Svenna og hlaut að launum sitt annað gula spjald. Eftir það var leikurinn aldrei í hættu og fátt markvert gerðist. Það var svo ekki fyrr en þegar um 5 mínútur voru eftir að Siggi Gísli skoraði fjórða mark Hamars og fullkomnaði þar með þrennuna sína, sannarlega frábær leikur hjá þessum knáa framherja. Stuttu síðar lokaði Atli svo leiknum með þrumuskoti í stöngina og inn eftir frábæran undirbúning Sigga og staðan orðin 1-5 og þar við sat þrátt fyrir að Hamar hefði hæglega getað bætt við mörkum.

Í hnotskurn: Ágætur leikur þrátt fyrir dræma byrjun en kærkomið að vinna loksins seinni hálfleik líka. Við erum komnir í úrslitaleik Lengjubikarsins sem er frábært.

Byrjunarliðið
Rocky(m)
Önni(77) - Zoran - Jónas - Rafn(f)
Árni Geir(46) - Boban(70) - Svenni(79) - Dalibor(81)
Siggi Gísli - Atli Levy

Bekkurinn
Ásgeir(79) - Bjössi(70) - Egill - Heimir(77) - Helgi(46) - Hlynur(m) - Tryggvi(81)

Liðsstjórn
Hjörtur - Valli - Baldur Valla - Kristján - Trausti - Siggi Gú

Ýmislegt:
Leikskýrsla KSÍ
Heimasíða Augnabliks
Myndir úr leiknum

Hópurinn gegn Augnablik

2007-04-30T23:00:00.000Z

Undanúrslitin
frammundan!

Boban tilkynnti í kvöld 18 manna hóp fyrir leikinn gegn Augnablik sem fer fram á Ásvöllum á morgun. Þó nokkrar breytingar eru á hópnum frá því í síðasta leik en hópurinn er skipaður eftirfarandi leikmönnum:

Atli, Árni Geir, Ásgeir, Bjössi, Boban, Dalibor, Egill, Heimir, Helgi, Hlynur, Jónas, Rafn, Robert, Siggi Gísli, Svenni, Tryggvi, Zoran og Önni.

Það er mæting klukkan 12:45 í Hafnarfjörðinn og lagt verður af stað klukkan 12:00 frá Hveragerði. Einhverjir ætla að mæta klukkan 12:00 í Hafnafjörðinn og sjá fyrri hálfleik Hvatar og KV og eru þeir hvattir til að vera í bandi og sameina í bíla.

Tap á skaganum

2007-04-30T22:23:00.000Z

Skallagrímur hafði Hamar

Hamarsmenn töpuðu fyrir Skallagrím í síðasta leik riðilsins á Akranesi á föstudaginn. Leikurinn fór 2-1 Skallagrím í vil en Hamar var 0-1 yfir í hálfleik. Leikurinn var jafn allan tíman en Hamarsmenn misstu leikinn úr höndunum þegar flautað var til seinni hálfleiks. Annar leikurinn í röð sem tapast í seinni hálfleik sem eru mjög slæm tíðindi. Þó nokkuð var um forföll manna en Zoran, Svenni, Siggi Gísli og Bjössi voru til að mynda ekki með....

Leikurinn byrjaði ágætlega af hálfu Hamars með ágætis spili á köflum. Ákveðið hugmyndaleysi var þó fram á við sem gerði það að verkum að fá hættuleg færi sköpuðust. Þrátt fyrir skýr fyrirmæli þjálfarans hófust tilraunir á háum sendingum inn á miðsvæði vallarhelmings Skallagríms þar sem Óli Adolfs ríkti eins og kóngur. Hættulegasta færi Hamars framan af átti Boban þegar hann hamraði boltan í samskeytinn. Þegar leið á fóru Hamarsmenn að reyna aðrar leiðir en háar sendingar og það skilaði árangri á 33. mínútu. Þá léku Boban og Atli vel saman og Boban sendi snilldar sendingu inn fyrir vörn Skallagríms á Dalibor sem kláraði færið vel með hnitmiðuðu skoti á fimm metrunum. Eftir markið áttu Hamarsmenn leikinn og allt leit út fyrir að fleiri mörk kæmu í kjölfarið. Þá tók dómari leiksins upp á því að blása fyrri hálfleikinn af.

Seinni hálfleikur var hnífjafn á öllum tölum og bæði lið áttu sín færi. Hamarsmenn voru heldur líklegri framan af hálfleiknum en Skallagrímsmenn sóttu í sig veðrið þegar á leið. Á 52. mínútu jöfnuðu Skallagrímsmenn svo eftir að aðstoðadómarinn tapaði rangstöðukunnáttu sinni í tvígang en sofanda háttur í vörninni auðveldaði einnig málið. Við markið greip um sig mikið óðagot hjá Hamarsmönnum og illa gekk að spila yfirvegað og markvisst. Skallagrímsmenn héldu áfram að spila sinn leik í rólegheitum enda ekkert í húfi hjá þeim. Liðin skiptust á að sækja það sem eftir lifði leiks en Hamarsmenn reyndu að byggja upp sóknir og Skallagrímur sótti hratt á móti. Á 82. mínútu skoruðu Skallagrímsmenn svo sigurmarkið en Hamarsmenn reyndu hvað þeir gátu að jafna það sem eftir lifði leiks en allt kom fyrir ekki.

Í hnotskurn: Súrt

Byrjunarliðið
Rocky
Jónas - Milos - Rafn(f) - Ásgeir(73)
Árni Geir(63) - Helgi - Önni(83) - Dalibor
Boban(þ) - Atli

Bekkurinn: Hlynur(m) - Tryggvi(83) - Trausti(63) - Heimir - Sindri - Kristján - Egill(73)

Liðstjórn: Hjörtur - Bjarni Haukur - Anton

Mark: Dalibor 33. mínútu

Leikskýrsla KSÍ

Augnablik í undanúrslitin

2007-04-28T19:06:00.000Z

Augnablik og Hamar mætast
í undanúrslitum

Nú hefur verið dregið í undanúrslit C-deildar Lengjubikarsins. Hamarsmenn unnu 2. riðil C-deildarinnar þrátt fyrir 2-1 tap gegn Skallagrím í gær á skaganum og sigurlið riðlanna þriggja komust í undanúrslit ásamt því öðru sæti sem hafði bestu stiga og markatöluna hlutfallslega.

Hvöt vann sinn riðil og dróst á móti KV sem einnig vann sinn riðil. Hamarsmenn sem unnu sinn riðil drógust á móti Augnablik sem var í öðru sæti á eftir KV með aðeins lakari markatölu. Báðir leikirnir fara fram á þriðjudaginn á Ásvöllum. Hvöt og KV mætast klukkan 12:00 og Hamar og Augnablik klukkan 14:00 og ljóst að æsispennandi keppni er frammundan.

Leikur gegn Skallagrím

2007-04-26T22:52:00.000Z

Hjálmur á mús?

Á morgun fer fram síðasti leikur Hamars í riðlakeppni Lengjubikarsins á Akranesi. Leikurinn er gegn Skallagrím og fer fram klukkan 18:30 að staðartíma og samkvæmt veðurspá hallarinnar lítur út fyrir að það verði úrkomulaust og logn. Skallagrímsmenn eru með mjög góðan hóp sem samanstendur af ungum og sprækum og reynslumiklum í bland og nægir þar að nefna sleggjurnar Óla og Steinar Adolfssyni. Hamarsmenn geta með sigri tryggt sér toppsæti riðilsins og þar með sæti í undanúrslitum C-deildar Lengjubikarsins sem yrði þá í fyrsta skipti sem Hamar næði þeim árangri.

Lagt verður af stað klukkan 16:00 frá íþróttahúsinu í Hveragerði og sameinað í bíla. Í Reykjavík verður hist í Select við vesturlandsveg í sama tilgangi klukkan 16:30.

Undirritaður mun bíða við göngin og útbýta miðum í þau en skilirði fyrir miða eru fjórir farþegar í bíl. Það er gert svo að menn séu ekki að rjúka af stað á tuttugu bílum.

18 verða á skýrslu sem leikmenn en allur æfingahópurinn er boðaður í leikinn (Bjössi líka!). Sameinaðir stöndum, sundraðir föllum!

Fyrirhuguð æfingaferð

2007-04-24T18:17:00.000Z

Búið að kaupa græju fyrir
ferðina

Stjórn Hamars hefur tilkynnt að fyrirhugað sé að fara í þriggja daga æfingaferð helgina 4., 5. og 6. maí. Þær upplýsingar sem birtast hér eru aðeins drög að því hvernig ferðinni verður háttað en þeir leikmenn sem ætla sér í ferðina verða að tilkynna það eigi síðar en á æfingu miðvikudaginn 25. apríl. Þeir sem eru í prófum taka bara með sér bækur þar sem um áfengislausa, rólega æfingaferð er að ræða.....

Farið verður í æfingaparadísina á Hellu þar sem hægt er að æfa á alvöru grasi en lagt verður af stað seinni part föstudags 4. maí. Þeir sem eru að vinna til 18:00 þann dag ættu að huga að því að fá að hætta eitthvað fyrr, þó er það ekki skilirði, en stefnt er að föstudagsæfingu á áfangastað um klukkan 19:00. Á laugardeginum verður svo morgunæfing og svo líklega hádegismatur á ónefndum stað. Eftir hádegi verður fundað og svo aftur önnur æfing seinni part dags. Um kvöldið verður slegið upp veglegri grillveislu í boði stjórnarinnar og svo rólegt spilakvöld í híbýlum okkar um kvöldið. Snemma á sunnudagsmorgun verður svo aftur æfing og fundur en seinni partur sunnudags er enn óráðinn þar sem enn er möguleiki á að við komumst í úrslitaleik Lengjubikarsins sem verður háður þann daginn. Margt fleira verður á dagskránni og er til dæmis fyrirséð að hópurinn verði einkar stílhreinn og glæsilegur á æfingasvæðinu. Nánari dagskrá verður birt þegar nær dregur.

Farið verður á einkabílum og bensínkosnaði því deilt milli farþega hvers bíls. Gisting, morgunverður og kvöldverður eru í boði en snarl þess á milli verða leikmenn að sjá um sjálfir.

Allur æfingahópurinn er boðaður í æfingaferðina hvort sem þeir eru meiddir eða í prófum. Láta þarf að vita á æfingu á miðvikudag þannig að hægt sé að gera ráðstafanir varðandi gistingu og fæði. Þeir sem eru nú þegar búnir að ákveða sig geta kommentað hér eða á spjallinu, hvort sem þeir ætla sér með eða ekki.

Spjalda- og markasúpa

2007-04-23T02:18:00.000Z

Svenni í baráttunni
(mynd: Siggi Gú)

Hamar og Álftanes áttust við í æfingaleik á Selfossvelli á laugardaginn. Hægur vindur lék um fagurhærða og örlítil rigning á köflum kældi menn niður eins og hægt var. Hamarsmenn voru mættir með góðan og stóran hóp en þó vantaði nokkra og þar á meðal Árna Geir, Bjössa, Egil, Jónas og Trausta. Rocky kom inn í liðið aftur eftir vetrarfrí í heimalandi sínu og ánægjulegt að fá þennan viðkunnanlega markmann aftur til liðs við liðið.....

Hamarsmenn byrjuðu leikinn vel og voru ráðandi mest allan fyrri hálfleikinn. Álftnesingar voru þó snöggir fram og fengu nokkur ágætis færi inn á milli. Hamarsmenn reyndu eftir megni að byggja upp markvissar sóknir en einungis tvær skiluðu marki í fyrri hálfleik. Það fyrra skoraði Dalibor eftir gott samspil við Atla og Atli skoraði svo seinna markið sjálfur en hann pressaði þá vel á vörn Álftnesinga og skoraði af harðfylgni. Staðan var því 2-0 í hálfleik fyrir Hamar og útlitið gott.

Snemma í seinni hálfleik minnkuðu Álftnesingar munin eftir að Robert missti boltan í vætunni. Siggi Gísli svaraði þó að bragði með glæsilegu marki og kom Hamri í 3-2. Bæði lið voru líkleg til þess að ná leiknum á sitt band eftir það og Álftnesingar gerðu það þegar ca. 15 mínútur voru liðnar af seinni hálfleik. Þeir jöfnuðu þá leikinn 3-3 og komust svo fljótlega í 3-4 og Hamarsmenn búnir að missa öll tök á leiknum því að í sömu andrá kom það fimma. Staðan orðinn 3-5. Tryggvi stimplaði sig svo vel inn í leikinn og minnkaði munin í 4-5 og kveikti aftur í Hamarsmönnum en undir lok leiksins skoruðu Álftnesingar flott mark beint úr aukaspyrnu og tryggðu þeim 4-6 sigur.

Önni og Zoran fylgjast vel
með hinum hrokkinhærða
(mynd: Siggi Gú)

Í hnotskurn: Frábær fyrri hálfleikur en jafn hræðilegur seinni hálfleikur. Misstum öll tök á því sem við vorum búnir að vera að gera. Hefðum samkvæmt öllu átt að vera búnir að klára leikinn en það segir sig sjálft að 6 mörk á 40 mínútum er ekki vænlegt til vinnings. Leikurinn var harður og því miður hafði dómarinn enginn tök á honum enda veifaði hann 5 rauðum spjöldum og á annan tug gulra sem hlýtur að teljast mikið fyrir æfingaleik.

Byrjunarliðið:
Mark: Rocky
Vörn: Rafn(F)(70) - Milos(70) - Önni - Ásgeir(60)
Miðja: Helgi(75) - Zoran - Svenni(R) - Dalibor(75)
Sókn: Siggi Gísli(R) - Atli(75)

Varamenn: Anton - Heimir - Kristján - Mate - Siggi Gú - Sindri - Tryggvi

Liðstjórn: Boban(Þ) - Hjörtur - Egill - Hlynur
(ATH: skiptingar voru ekki skráðar þannig að ekki verður birt hver kom inn á fyrir hvern og af hverju)

Æfingaleikur gegn Álftanesi

2007-04-20T10:40:00.000Z

Önni á flugi í síðasta leik

Á morgun, laugardag, mun Hamar etja kappi gegn Álftanesi í æfingaleik á gervigrasvellinum á Selfossi. Liðin hafa aðeins einu sinni áður mæst á vellinum en það var fyrr í vor í fyrsta æfingaleik Hamars þetta árið. Álftnesingar unnu þann leik auðveldlega 8-2 og eru nú taplausir í sínum riðli í Lengjubikarnum. Það er því ljóst að um hörkulið er að ræða og vonandi hörkuleik líka.

Leikurinn er á laugardaginn og hefst klukkan 14:00 á gervigrasvellinum á selfossi.

Mæting hjá Hamarsmönnum klukkan 12:45 í íþróttahúsið í Hveragerði eða klukkan 13:00 á Selfoss.

Allur æfingahópur Hamars er boðaður í leikinn!

Hamar-Hamrarnir 5-0

2007-04-16T15:57:00.000Z

Hamar hamraði Hamranna

Topplið 2. riðils í C-deild Lengjubikarsins, Hamar og Hamrarnir frá Akureyri, áttust við á Selfossvelli í gær í blíðskapar veðri. Það var ljóst fyrir leikinn að Hamarsmenn ættu erfiðan leik fyrir höndum því Akureyringarnir hafa verið á mikilli siglingu síðustu vikur og ekki tapað leik í Lengjubikarnum líkt og Hamar. Í lið Hamars vantaði fimm leikmenn og munar um minna þegar kemur að toppslag líkt og þessum, á móti kom að tveir nýir leikmenn voru að spila sinn fyrsta leik fyrir félagið og áttu þeir báðir eftir að koma við sögu í leiknum. . . .

Leikurinn byrjaði með miklum látum, Hamarsmenn voru staðráðir í að sýna Akureyringunum hverjir ættu toppsæti riðilsins réttilega skilið. Dalibor skoraði flott mark strax á 4. mínútu eftir að Hamarsmenn höfðu tætt sundur vörn Akureyringana, hans fyrsta opinbera mark fyrir Hamar. Á 9. mínútu skoraði nýliðinn Atli Levy og breytti stöðunni í 2-0, Atli tók þá á varnarmann Akureyringanna, komst einn á móti markmanninum og afgreidd boltann snyrtilega í markið. Hamarsmenn stjórnuðu leiknum algjörlega í fyrri hálfleik og var það hending ef Akureyringarnir komust fram yfir miðju. Þó áttu þeir eina hættulega sókn sem kom upp úr klaufalegum mistökum varnarmanna Hamars en Hlynur stóð sína plikt og bjargaði glæsilega eins og honum einum er lagið. Hamar sótti án afláts og á 44. mínútu kom flottasta mark leiksins. Dalibor fékk þá boltann rétt fyrir innan vinstra vítateygs hornið og þrumaði honum inn í markhornið fjær, gull af marki og algjörlega óverjandi fyrir markvörð Akureyringanna. Staðan var því 3-0 fyrir Hamar þegar flautað var til hálfleiks.

Seinni hálfleikur byrjaði á svipuðum nótum og sá fyrri, Hamarsmenn stjórnuðu leiknum en Akureyringarnir reyndu hvað þeir gátu til að komast inn í leikinn. Á 51. mínútu skoraði hinn ,,nýliðinn”, Sölvi Örn Sölvason, flott mark. Önni, eins og hann var kallaður í Hveragerði í gamladaga, sem spilaði í vörninni hafði þá brugðið sér fram og var réttur maður á réttum stað og kláraði verkið með stæl. Gaman að fá Önna heim og aftur í Hamarsbúninginn, en hann spilaði síðast fyrir Hamar sumarið 1995 þar sem hann skoraði 3 mörk í 15 leikjum liðsins. Atli Levy sá svo um að reka síðasta naglann í kistu Akureyringanna með því að bæta við öðru marki sínu á 56. mínútu. Eftir þetta róaðist leikurinn örlítið en nokkrar sóknir voru efnilegar og hefðu með örlítilli heppni getað skilað marki. Helst var það Siggi Gísli sem varð fyrir barðinu á óheppninni en þeir sem viðstaddir voru töldu það vera vegna þess að hann hafi verið með hugann við það að hann þyrfti að mæta í skírn hjá frænku sinni þar sem hann yrði ,,you know, godfather...”. Don Siggi náði því miður ekki að setja inn mark í leiknum en var grátlega nálægt því í allmörg skipti og átti meðal annars skot í innanverða stöngina þar sem boltinn dansaði á línunni og lak út. Á síðustu mínútu leiksins var svo brotið á Tryggva inna vítateygs en ekkert dæmt og leikurinn endaði því 5-0 fyrir Hamar.

Á heildina litið var þetta góður leikur að hálfu Hamarsmanna, við héldum markinu hreinu og skoruðum 5 mörk. Spil innan liðsins var ágætt en má alveg bæta, stundum voru menn að hanga óþarflega mikið á boltanum. Vörnin og markvarslan kom vel út, örfá klaufamistök sköpuðu sem betur fer ekki mikla hættu en gegn sterkari andstæðingum væri okkur refsað illilega fyrir slíkt. Miðjan og sóknin náði vel saman og eru nýju leikmennirnir okkar að passa vel við ,,eldri” Hamarsmenn. Það er vonandi að þessi stígandi hjá liðinu haldi áfram og skili okkur árangri þegar alvaran hefst í sumar. En það er enn góður tími í Íslandsmótið og þurfa því menn að vera á tánum og alls ekki slaka á í æfingum. Við þurfum að sýna að hungrið í árangur er til staðar og að við munum berjast til síðasta manns til að uppfylla okkar drauma og væntingar fyrir sumarið.

Björn Björnsson var svo tekinn í létt viðtal eftir leikinn og spurður álita. Björn, sem ekki má sparka í bolta næstu fjórar vikurnar vegna aðgerðar hann var í, var að vonum kampakátur eftir leikinn enda óþreyttur á hliðarlínunni, aldrei þessu vant.

Síðuhaldari: Sæll Bjössi, ánægður með leikinn?
Bjössi: Jaah, blizzaer ma!

Síðuhaldari: Ha?
Bjössi: Já, margir jákvæðir puntkar frá mínum sjónarhóli, t.d. Önni sem stóð sig mjög vel og kom með mikla baráttu og leikgleði inn í liðið.

Síðuhaldari:Er hann ekkert orðinn of gamall í þetta?
Bjössi: Neinei, alls ekki.

Síðuhaldari: Voru fleiri nýliðar að blómstra í leiknum?
Bjössi: Já, Svenni var líka að spila vel, kom boltanum vel frá sér og vann vel og Atli var að tengja vel við miðjuna og hann og Siggi virtust ná vel saman.

Síðuhaldari: Voru úrslitin sanngjörn miðað við gang leiksins?
Bjössi: Já ég myndi segja það, en það var annars greinilegt að Hamrarnir voru þreyttir eftir leikinn gegn Skallagrími frá því daginn áður.

Síðuhaldari: Var Hlynur eitthvað fyrir í leiknum?
Bjössi: Hlynur hafði lítið að gera í fyrri hálfleik og í raun þurfti hann lítið að gera fyrr en í lok leiksins þegar Hamrarnir voru farnir að komast inn í leikinn en hann var klár í það þegar á reyndi.

Síðuhaldari: Eitthvað að lokum?
Bjössi: Jahh, bara að þeir strákar sem komu inn í byrjunarliðið voru að standa sig mjög vel sem er rosalega gott því að í dag reyndi á breiddina. Menn ganga ekkert inn í byrjunarliðið sem er ekkert nema snilld.

Byrjunarlið Hamars:
Hlynur
Örn - Zoran - Rafn - Milos(82)
Trausti - Boban(57) - Svenni - Dalibor(77)
Siggi Gísli(72) - Atli

Varamenn:
Egill(82) - Hafþór(57) - Sindri(77) - Tryggvi(72)

Mörk:
Dalibor 2 (4., 44.)
Atli 2 (9., 56.)
Örn (51.)

http://www.hamrarnir.tk/
Leikskýrsla KSÍ
Úrslit og staðan í riðlinum

Skrifað af formanninum

Æfingar í apríl

2007-04-10T11:57:00.000Z

Æfingin skapar. . ?

Æfingaráætlun fyrir aprílmánuð liggur nú fyrir og fylgir hér fyrir neðan. Einnig er þó alltaf hægt að nálgast æfingaráætlunina í hnappnum "Æfingar" hér fyrir ofan.

Sem fyrr er æfingaráætlunin að sjálfsögðu lögð fram með fyrirvara um fyrirvaralausar breytingar og skulu þeir sem ekki komast á æfingu láta Boban þjálfara vita í eigin persónu. . . .

Boban: 899-7784

Æfingar og Leikir í apríl

Kári-Hamar 1-2

2007-04-05T21:05:00.000Z

Kári ekki sáttur

Hamarsmenn höfðu betur í æfingaleik gegn Kára upp á Akranesi í dag. Leikurinn fór 2-1 Hamri í vil en Káramenn komust yfir snemma. Zoran strax í kjölfarið með marki beint úr aukaspyrnu og svo kláraði Siggi Gísli leikinn í seinni hálfleik með öðru marki okkar.

Meira síðar...

Æfingaleikur

2007-04-05T00:13:00.000Z

Kári verður erfiður

Hamarsmenn munu gera sér ferð uppá Akranes í dag, skírdag, og spila æfingaleik gegn Kára. Blásið verður til leiks klukkan 16:00 í Akraneshöllinni og ljóst að þeir verða erfiðir heim að sækja. Þjálfari Kára er okkur Hamarsmönnum vel kunnugur en það er enginn annar en gamla Hamars kempan Óli Jó sem stýrir þeim.

Mæting er klukkan 15:00 uppá Skaga. Lagt verður af stað frá íþróttahúsinu í Hveragerði stundvíslega klukkan 13:45 og frá Select í Reykjavík klukkan 14:15.

Allur æfingahópurinn er boðaður í leikinn!
Heimasíða kára er hér

Enginn leikur!!

2007-03-30T16:39:00.000Z

McDonalds skilti á hlið
í gettóinu

ATH! ATH! Leiknum gegn KB sem vera átti á morgun hefur því miður verið frestað. Ástæðan er sú að sturturnar í Breiðholtinu eru bilaðar og því engin ástæða til þess að vera að djöflast í 90 mínútur.

Þjappan er þó en á áætlun og fundist hafa sturtur sem virka mjög vel. Áhugasamir ætla nefninlega að skella sér í Laugardalinn í staðin og hittast í sundlauginni kl 17:30 og taka þar pottin og rennibrautina. Annars er mæting fyrir sturtufælna á Trocaderos á Suðurlandsbraut klukkan 18:45.

Allur æfingahópurinn er boðaður í þjöppuna, og einnig þeir sem hafa áhuga á almennum skemtilegheitum.

Hamar-Snæfell 6-1

2007-03-27T22:29:00.000Z

Snæfell laut
í gervigras

Hamar og Snæfell áttust við í Lengjubikarnum á sunnudag en þetta er í fyrsta skipti sem þessi lið mætast eftir endurlífgun beggja liða. Þetta var annar leikur Hamars í Lengjubikarnum en fyrsti leikur fór fram síðustu helgi þar sem Hamar vann BÍ/Bolungarvík 3-2. Leikurinn gegn Snæfell fór fram í Akraneshöllinni og voru Hamarsmenn mættir með 18 manna hóp ásamt fögru fylgjarliði....

Línur leiksins voru skýrar frá því að dómari leiksins flautaði hann á. Strax á fyrstu mínútu overlappaði Árni Geir Bjössa á hægri kantinum og sendi boltan inn í teig en Snæfellingar björguðu í horn. Hamar sótti án afláts í kjölfarið og á 6. mínútu fékk Dalibor kjörið tækifæri til að skora sitt fyrsta mark fyrir Hamar en þrátt fyrir hörkuskot rataði það ekki á ramman. Ný færi voru á hverri mínútu og á 11. mínútu fékk Siggi boltan inn í vítateig, hann náði góðu skoti á markið sem að markmaður Snæfells varði út í teigin, þar var Jónas mættur og setti boltan laglega í netið. Hann skoraði þar með í öðrum leiknum í röð. Þegar þarna var komið höfðu Snæfellingar komist tvisvar inn á vallarhelming Hamars en þó ekki langt.

Innan við mínútu síðar var Jónas hin sókndjarfi aftur á ferðinni en hann átti skot við vítateiginn sem fór rétt framhjá. Eftir það hægðist aðeins á sókn Hamars og “marksvefninn” góði tók völdin - það er nýyrði yfir meðvitundarleysið sem grípur Hamarsmenn eftir að við skorum. Bjössi var þó vaknaður fimm mínútum síðar og átti tvö skot með stuttu millibili sem fóru bæði rétt framhjá. Á 22. mínútu gerðist það svo að Snæfellingar fengu sitt fyrsta færi en allnokkrir Hamarsmenn sváfu þá enn værum blundi. Ástandið varð þó aldrei svo slæmt að Hamar missti yfirhöndina á leiknum en Snæfellingar komust þó lengra og lengra í sóknum sínum þegar líða tók á leikinn.

Hamarsmenn vöknuðu af svefninum smátt og smátt og sókn Hamars þyngdist. Hreint ótrúlegt verður að teljast að boltinn skyldi ekki hafa ratað oftar í mark andstæðinganna. Hættulegustu færin fram að hálfleik voru m.a. skot frá Milos við vítateig, skalli frá Bjössa eftir horn og svo stórhættuleg hjólhestaspyrna frá kapteininum eftir að boltinn barst til hans í kjölfar hornspyrnu. Á 34. mínútu leit svo besta færi hálfleiksins svo ljós þegar Árni Geir átti fínan sprett upp kantinn, sendi boltan fyrir þar sem Jónas kom aðvífandi og skallaði boltan í átt að Bjössa sem skallaði boltan rétt framhjá – og verður hann því héðan í frá kallaður "Bjössi-réttframhjá". Stuttu síðar tók Zoran hornspyrnu, Rafn fékk boltan á fjær (druga), tók laglega á móti boltanum og skaut viðstöðulaust á markið en boltinn vildi sem fyrr ekki á ramman. Tveimur mínútum síðar, nánar tiltekið á þeirri 40., komst Siggi Gísli einn á móti markmanni en markmaður Snæfells sá við honum. Í kjölfarið fylgdi svo glæsileg sókn sem hófst á snilldarsendingu frá Zoran á Árna Geir, sem renndi boltanum á Sigga sem hafði ekki heppnina með sér frekar en áður og sendi boltan framhjá. Jónas skallaði svo framhjá á markteig eftir góða sendingu frá Bjössa-réttframhjá og Milos átti einnig skalla yfir eftir horn áður en dómarinn flautaði til hálfleiks. Staðan af einhverjum óskiljanegum ástæðum bara 1-0 fyrir Hamri í hálfleik og ritarinn búinn með hálfa glósubók.

Í Seinni hálfleik hélt leitin áfram. Jónas klóraði sér í kollinum rétt áður en hann átti þrumu skalla rétt framhjá og Bjössi-réttframhjá vinkaði til áhorfenda áður en hann kom sér í dauðafæri sem endaði, eins og vanalega, rétt framhjá. Siggi átti skalla í slánna. Dalibor, Jónas og Siggi léku vel saman sem endaði með skoti hjá Sigga framhjá markinu. Jónas þrumaði boltanum á markið við vítateig en það var varið í horn og stuttu síðar skaut Dalibor niður dúfu sem hafði komi sér fyrir í rjáfum Akraneshallarinnar. Á 55. mínútu tölti Siggi inn í teig með boltan og var um það bil að koma sér í skotstöðu þegar varnarmaður Snæfell “braut” á honum. Vítaspyrna dæmd og Zoran skoraði af öryggi úr spyrnunni. Þá ákvað Hamarsliðið að leggja sig aðeins og Snæfellingar nýttu sér það og skoruðu á 58. mínútu og staðan orðinn 2-1. En sem fyrr var Bjössi-réttframhjá fljótur að vakna af svefninum og hann skoraði með skalla á 61. mínútu eftir sendingu frá hægri kanti.

Þá voru gerðar breytingar á Hamarsliðinu og Tryggvi kom inn á fyrir Dalibor og Heimir fyrir Árna Geir. Rafn bauð þá velkomna inn á völlinn með því að skora fjórða mark Hamars með “dauðakipp” í teignum eftir hornspyrnu eins og Svenni orðaði það. En Svenni sá, sem var áminntur eftir síðasta leik fyrir að skjóta ekkert á markið, bætti úr því á 73. mínútu er hann átti eina skot sitt í leiknum. Hann hefur gefið loforð um að í næsta leik verði skotin tvö og sýnir þannig markvissan stíganda í leik sínum, ef það gengur eftir. Eftir þetta kom Pontíus Pílatus svífandi inn á völlin í stað Trausta en Sigga varð svo starsýnt á þennan mikla konung að hann lét verja frá sér á línu. Zoran hjálpaði honum hins vegar að bæta úr því er hann sendi frábæra sendingu inn á hann sem hann kláraði vel. Siggi hljóp og náði í boltan úr netinu því hann átti jú eftir að skora eitt mark til þess að sigra veðmál sitt við Boban. Boban sá að veðmálið var í hættu og tók því Bjössa-réttframhjá út af af því að hann gefur alltaf á Sigga. Stjáni kom inn á í hans stað en hann gefur einmitt aldrei á Sigga. Snæfellingar fengu svo tækifæri til að minnka munin er þeir fengu aukaspyrnu á lokamínútu leiksins en Hlynur varði frábærlega þrátt fyrir að hafa haft tiltölulega lítið að gera í markinu. Það var svo komið rúmri mínútu fram yfir venjulegan leiktíma þegar Siggi komst einn á móti markmanni og gerði sig líklegan til að ganga frá veðmálinu. Markmaður Snæfellinga kom þó í veg fyrir það en hann náði ekki að koma í veg fyrir Tryggva sem fylgdi vel eftir og setti boltan örugglega í “druga” hornið.

Leikurinn í hnotskurn: Hreint ótrúleg nýting færa. Þrátt fyrir það voru skoruð sex mörk og ekkert þeirra af sama manninum. Allir að skila sínu og hópurinn stór og mjög góður. ”Marksvefninn” - þegar við skorum leggst liðið í dvala þangað til að andstæðingurinn refsar okkur fyrir það.

Byrjunarliðið: Hlynur í marki
Vörnin: Trausti(74)– Milos – Rafn(f) – Árni Geir(68)
Miðjan: Jónas – Zoran – Svenni
Sóknin: Dalibor(68) – Siggi Gísli – Bjössi(78)
Bekkurinn: Ásgeir(74) – Haffi – Heimir(68) – Kristján(68) – Siggi Gú – Sindri – Tryggvi(68)
Liðsstjórn: Boban(þ) – Hjörtur – Valli – Anton

Hamar-BÍ/Bolungarvík 3-2

2007-03-19T19:45:00.000Z

Kærkominn 3-2 sigur

Það var frekar kalt en þó ótrúlega lyngt í höllinni á Akranesi í gær þegar Hamar og BÍ/Bolungarvík mættust í Lengjubikarnum. Liðin hafa aldrei mæst eftir að BÍ og Bolungarvík sameinuðust en Hamar mætti BÍ síðast í Deildarbikarnum í apríl í fyrra. Þá höfðu BÍ betur 3-2 í baráttuleik þar sem Árni Geir og Siggi Gísli skoruðu mörk Hamars. Í gær voru 22 Hamarsmenn mættir á Skagan og af því 19 leikmenn en aðeins 18 komust á skýrslu. Það er þó fagnaðarefni að hópurinn sé stór því samkeppni gerir alla að betri leikmönnum....

Leikurinn byrjaði á því að liðin skiptust á því að sækja og bæði lið fengu ágætis færi en náðu ekki að nýta sér þau. Bestu færi Hamars fengu Siggi Gísli og Árni Geir, að mig minnir, sem voru báðir nálægt því að endurtaka leikinn frá því í fyrra en því miður var heppnin ekki með okkur. Það var síðan ekki fyrr en eftir um það bil hálftíma leik að Zoran skoraði mark leiksins af 40 metra færi. Hann fékk boltan á miðjunni, lét vaða á markið og boltinn fór í slánna og inn. Markið var þó algjörlega Rabba að þakka þar sem að hann hafði sent Zoran þrjú eða fjögur hugboð á serbnesku um að láta vaða á markið. Eftir markið sóttu Hamarsmenn í sig veðrið og leit út fyrir að við myndum klára leikinn. Það breyttist þó snarlega þegar BÍ/Bol-menn fengu hornspyrnu í lok hálfleiksins. Boltinn barst fyrir markið, þar skallaði einhver boltan í einhvern og upp í loftið, þaðan barst boltinn á vestfirðing sem setti boltan í markið. Staðan 1-1 í hálfleik en Hamarsmenn líklegri til að skora þótt jafnræði hefði verið með liðunum.

Í seinni hálfleik byrjuðu bæði lið af krafti. BÍ/Bol-menn náðu ágætis 10 mínútna kafla þar sem nokkrar hornspyrnur litu dagsins ljós og mikið fór fram á vallarhelmingi Hamars. Hlynur bjargaði nokkrum sinnum vel og fljótlega komust Hamarsmenn aftur inn í leikinn. Mörg færi litu dagsins ljós hjá okkar mönnum og hreint ótrúlegt að ekki tækist að skora. Siggi Gísli átti nokkra spretti og einhver átti skot í stöngina en inn vildi boltinn ekki. Það var ekki fyrr en að Jónas nokkur Guðnason var færður úr vinstri bakverði í vinstri kant að sóknarleikur Hamars skilaði árangri. Zoran fékk boltan á miðjunni, sendi frábæra sendingu út á vinstri kantinn þar sem Jónas kom á öðru hundraðinu. Hann rak boltan rétt inn fyrir vítateigs hornið og flengdi boltanum í slánna og inn. Sannarlega frábært mark hjá þessum knáa knattspyrnumanni. Stuttu síðar fékk Jónas góða sendingu inn í teig þar sem hann var í góðri stöðu en hann renndi boltanum rétt framhjá markinu. Rétt þegar venjulegum leiktíma var svo að ljúka var Jónas enn og aftur á ferðinni. Hann fékk boltan á miðjunni, sendi frábæra sendingu inn fyrir á Sigga Gísla sem loksins hafði heppnina með sér og skoraði gott mark með góðu slútti. Venjulegum leiktíma var lokið og Hamarsmenn slökuðu á. Þeir hefðu betur sleppt því vegna þess að BÍ/Bol-menn voru ekki hættir og náðu að skora eftir kæruleysi Hamarsmanna. Þegar boltanum var svo spyrnt í áttina að miðjunni til að taka lokaspyrnu leiksins klóraði Helgi sér í hausnum og dómarinn mat það að sjálfsögðu sem svo að hann hefði verið að tefja og gaf honum gult spjald og svo rautt í kjölfarið þar sem hann hafði áður fengið gult spjald í leiknum.

Í heildina séð ágætur leikur hjá Hamri og margt jákvætt í gangi hjá liðinu. Til dæmis spilaði Bjössi Rauði frábærlega í hægri bakverði í fyrri hálfleik og áttu hann og Árni Geir oft fína spretti saman á hægri kanti. Eins var Jónas að sýna frábæra baráttu og góða takta í leiknum og Milos og Rabbi að spila vel saman í hjarta varnarinnar. Einnig var ánægjulegt að sjá að hópurinn er stór og góður og þeir leikmenn sem komu inn á í leiknum voru að gera fína hluti. Það er þó margt sem að má betur fara og mun þjálfarinn fara betur í þá hluti á æfingu á morgun.

Byrjunarliðið: Hlynur í marki
Vörnin: Bjössi Red (Kristján 80) - Milos - Rafn - Jónas
Miðjan: Árni Geir (Trausti 45) - Helgi - Zoran - Dalibor (Heimir 75)
Sókn: Siggi Gísli - Tryggvi (Svenni 45)
Misnotaðir varamenn: Anton, Ásgeir, Sindri, Bjarni
Liðstjórn: Boban(þ) - Hjörtur - Valli

Firma- og hópakeppni Hamars

2007-03-13T16:23:00.000Z

Allir á pallana!

Laugardaginn 24. mars 2007 verður haldin firma- og hópakeppni í íþróttahúsinu í Hveragerði frá kl:11:00 til 17:00.

Leikið verður í karla og kvennaflokkum og verða glæsileg verðlaun veitt fyrir þrjú efstu liðin í hvorum flokki. Einnig verða veitt verðlaun fyrir frumlegustu/flottustu búninga liðs....

Leiktími hvers leiks er 1 x 8 mín og eru 4 leikmenn úr hverju liði inná í einu, hvert lið má hafa 1-3 varamenn. Hafi fyrirtæki ekki nægan mannskap til þátttöku, getur knattspyrnudeildin útvegað úrvals leikmenn án endurgjalds.

Þátttakendur eru hvattir til að taka vinnufélagana og fjölskylduna með á mótið til að hvetja sig til dáða og skapa góða stemningu á áhorfendapöllum.

Þátttökugjald á hvert lið er kr. 12.000.-

ATH – TAKMARKAÐUR FJÖLDI LIÐA

Veitingasala á staðnum meðan mótið stendur yfir,
samlokur, kaffi, gos, sælgæti o.fl.

Skráning og nánari upplýsingar eru hjá:

Rafn, S: 867-0747 (rafnr05@ru.is)
Bjössi, S: 869-6602 (bjorn@trs.is)

Niðurröðun leikja

2007-03-12T11:08:00.000Z

Erfiður fyrsti leikur
frammundan í Eyjum

Nú hafa verið sett fram fyrstu drög að leikskipulagi riðlanna í 3. deild fyrir komandi sumar. Riðlakeppnin hefst samkvæmt þeim þann 21. maí og mun Hamar byrja á erfiðasta útileik tímabilsins með ferð til Vestmannaeyja. Það verða að teljast góð tíðindi að ljúka eina ferðalaginu strax og koma því frá. Því næst er útileikur gegn KFR á Hvolsvelli þann 25. maí á ilmandi grænu grasi. Þriðji leikur tímabilsins er svo fyrsti heimaleikur okkar í riðlinum þann 5. júní gegn Ými en eins og alþjóð veit eigum við heimaleik í bikarnum gegn Hvíta Riddaranum þann 17. maí. Annars eru drög að öllum leikjum tímabilsins hér.

Leiknum frestað!

2007-03-11T11:48:00.000Z

Leiknum frestað!

Æfingaleiknum milli Hamars og Ýmis sem átti að vera í dag hefur verið frestað um ókomna tíð. Æfing verður á morgun mánudag klukkan 21:00 samkvæmt áætlun.

Hamar-KFR 0-0

2007-03-10T19:41:00.000Z

Siggi Gísli í baráttunni

Hamar og KFR mættust á gervigrasinu í Árbænum í dag í þéttings vindi og snjókomu. Fyrri hálfleikur einkenndist af þreifingum af beggja hálfu og gerðu bæði lið sig líkleg. Liðin skiptust á að hafa undirtökin og KFR fengu þrjú góð færi sem þeir misnotuðu. Sama var upp á teningnum hjá Hamri, sem fengu tvö eða þrjú færi sem hægt er að tala um, en náðu ekki að nýta þau. Moð, barátta og stefnuleysi eru kannski bestu orðin til að lýsa þessum hálfleik beggja liða.

Í seinni hálfleik hafði vindurinn snúist í þver-vallar-rok og heldur bætt í. Snjókoman lagðist í þver-snjó-slyddu-skafrenning með éljum á köflum. Mikið var um inná skiptingar snemma hálfleiksins sem setti æfingarleikja svip á spil liðanna og leikurinn varð tilviljanakenndari. Það litu þó nokkur færi dagsins ljós og KFR-ingar fengu nokkur hálffæri eftir að hafa sloppið í gegnum vörn Hamars en þeir náðu ekki að nýta sér þau. Anton og Ívan fengu bestu færi Hamars í seinni hálfleik en báðir komust þeir einir á móti markmanni KFR sem varði vel sem svo oft áður í leiknum. Æfingarleikur í hnotskurn er besta lýsingin á þessum leik en æfingaleikir hafa sinn tilgang.

Á morgun, sunnudag, er leikur gegn Ými í Kópavogi og mæting á sama stað og síðast klukkan 12:30. Allur æfingahópurinn er boðaður í leikinn.

Æfing í kvöld!

2007-03-09T13:27:00.000Z

Stemmning í
Árbænum

Gerð hefur verið smávægileg breyting á æfingaráætluninni. Breytingin er sú að það mun vera æfing í KVÖLD föstudag klukkan 20:00 á gervigrasinu í Árbænum. Gert er ráð fyrir að menn séu klárir úti á velli klukkan 20:00.

Svo er leikurinn á morgun einnig í Árbænum og verður flautað til leiks klukkan 16:00. Leikurinn er eins og alþjóð veit gegn KFR og er mæting klukkan 15:00 í íþróttahús Árbæinga. Allur æfingahópurinn er boðaður í leikinn.

Æfingaleikir

2007-03-08T00:06:00.000Z

KFR eru næstir

Vegna anna vefumsjónadeildar hefur heimasíðan okkar verið í ólagi undanfarnar vikur og eru hér með allir sem eiga í hlut beðnir innilegrar afsökunar á því. Úr þessu hefur verið bætt og verður bætt enn frekar á komandi vikum með auknum viðbótum og tíðari fréttum. Allar ábendingar eru vel þegnar, til dæmist hvort að þessi síða sé betri en hin eða ekki?

Síðustu þrjár helgar höfum við spilað æfingaleiki með misjöfnum árangri. Fyrsti leikurinn var gegn Álftanesi og var ljóst eftir þann leik að liðið var langt frá því að vera tilbúið. Leikurinn endaði 8-2 fyrir álftnesinga sem eru með stóran og góðan hóp. Leikur tvö var gegn Ægi en þar gekk eilítið betur. Lokatölur voru 1-0 Hamar í vil en sigurinn hefði hæglega getað endað Ægismeginn. Síðasta laugardag spiluðum við svo við Ými í Kópavogi. Við vorum með 90% possesion í fyrri hálfleik og óheppnir að skora ekki fleiri en eitt mark. Í seinni hálfleik jöfnuðu Ýmismenn snemma og komust inn í leikinn en á endanum náðum við loks að skora tvö mörk og tryggja okkur 3-1 sigur.

Það hefur verið ágætur stígandi í leik liðsins í þeim æfingaleikjum sem spilaðir hafa verið og vonandi að það haldi áfram. Næsta laugardag mætum við KFR í fyrsta skipti í áraraðir og verður spennandi að þukla aðeins á þeim fyrir átökin í sumar.

Æfingaleikur

2007-02-16T12:02:00.000Z

Bí, bí og bla, bla!

Fyrsti æfingaleikur Hamars þetta árið verður í kvöld, föstudagskvöld, gegn nýliðunum frá Álftanesi. Álftnesingar senda nú inn lið til keppni í Íslandsmóti í fyrsta skipti og hafa nú þegar nælt sér í marga öfluga leikmenn. Nægir þar að nefna gömlu kempuna Ómar Bendtsen og Kjartan Atla sem skorað hefur 30 mörk í 34 leikjum undanfarin ár fyrir Ými.

Leikurinn fer fram á ÍR vellinum klukkan 21:00 í kvöld en mæting á staðinn klukkan 20:15. Lagt verður af stað frá Hveragerði klukkan 19:30 og eru allir sem hafa verið að mæta á æfingar boðaðir í leikinn.

Æfingar í mars

2007-02-01T14:52:00.000Z

Vömbin að
minnka?

Hér eru drög að æfingar og leikjaprógrammi mars mánaðar. Gert er ráð fyrir að menn tilkynni þjálfara ef þeir komast ekki á æfingu af einhverjum ástæðum og að sjálfsögðu er áætlunin sett fram með fyrirvara um fyrirvaralausar breytingar eins og ávalt.

Þjálfari: Boban Ristic
Sími: 899-7784

Dags	Staðstetning	Tími	Æfing
Fim 1.	Hveragerði	19:00-20:30	Upphitun+æfing á velli
Fös 2.	Fylkisvöllur	20:00-21:30	Upphitun+æfing á velli
Lau 3.	HK-völlur	12:00-14:00	Æfingaleikur Vs. Ýmir

Mán 5.	Fylkisvöllur	21:00-22:30	Upphitun+æfing á velli
Mið 7.	Fylkisvöllur	21:00-22:30	Upphitun+æfing á velli
Fim 8.	Hveragerði	19:00-20:30	Upphitun+æfing á velli
Fös 9.	Fylkisvöllur	20:00-21:30	Upphitun+æfing á velli
Lau 10.	Fylkisvöllur	15:30-17:30	Æfingaleikur Vs. KFR

Mán 12.	Fylkisvöllur	21:00-22:30	Upphitun+æfing á velli
Mið 14.	Fylkisvöllur	21:00-22:30	Upphitun+æfing á velli
Fim 15.	Hveragerði	19:00-20:30	Upphitun+æfing á velli
Fös 16.	Fylkisvöllur	20:00-21:30	Upphitun+æfing á velli
Lau 17.	Íþr.hús.Hvg	11:00-17:00	Firmakeppni mfl
Sun 18.	Akraneshöllin	16:00-18:00	Lengjubikar, Vs. BÍ/Bol

Mán 19.	Fylkisvöllur	21:00-22:30	Upphitun+æfing á velli
Mið 21.	Fylkisvöllur	21:00-22:30	Upphitun+æfing á velli
Fim 22.	Hveragerði	19:00-20:30	Upphitun+æfing á velli
Fös 23.	Fylkisvöllur	20:00-21:30	Upphitun+æfing á velli
Sun 25.	Akraneshöllin	14:00-16:00	Lengjub, Vs. Snæfell

Mán 26.	Fylkisvöllur	21:00-22:30	Upphitun+æfing á velli
Mið 28.	Fylkisvöllur	21:00-22:30	Upphitun+æfing á velli
Fim 29.	Hveragerði	19:00-20:30	Upphitun+æfing á velli
Fös 30.	Fylkisvöllur	20:00-21:30	Upphitun+æfing á velli
Lau 31.	?????	?????	Æfingaleikur Vs. ?????

Leikmannafundur

2007-01-22T23:18:00.000Z

Bækur áritaðar af
Bjössa verða til
sölu á morgun

Á morgun þriðjudaginn 23. Janúar verður haldinn leikmannafundur í íþróttahúsinu í Hveragerði með stjórnarmönnum, þjálfara og leikmönnum. Þar mun meðal annars Rafn Haraldur Rafnsson Þjöppumálaráðherra kynna fyrirhugaða þjöppu næstu helgi og Björn Björnsson mun lesa valda kafla úr nýútgefinni bók sinni "The Serbs". Þjálfari og stjórnarmenn munu svo kynna áætlun og markmið komandi vikna og mánaða og leikmenn geta sagt sínar skoðanir og komið með sínar hugmyndir á þeim málefnum sem rædd verða.

Eftir fundinn verður fyrsta æfing undir stjórn Boban Ristic haldin en ætla má að hún verði létt og skemmtileg og einungis ætluð til þess að þjálfari og leikmenn kynnist örlítið svona rétt áður en alvaran hefst.

Leikmannafundurinn er klukkan 21:20 og æfingin 22:00 og er skyldumæting fyrir alla Hamarsmenn!

Nýr þjálfari ráðinn

2007-01-17T22:41:00.000Z

Boban Ristic ásamt andlitum
hamars út á við

Nú hefur gengið frá ráðningu nýs þjálfara meistaraflokks Hamars fyrir komandi keppnistímabil en skrifað var undir samning við Boban Ristic fyrir skömmu og hefur hann nú tekið til starfa við að fínpússa Hamarsliðið fyrir baráttuna í sumar. Boban Ristic kemur frá Serbíu en hefur íslenskt ríkisfang. Hann kom fyrst til landsins 1998 og lék við góðan orðstír með KVA í 1. deildinni þar sem hann spilaði samtals 19 deildar- og bikarleiki á tímabilinu og skoraði í þeim 12 mörk. Þaðan lá leið hans í Stjörnuna og lék hann í Garðabænum tvö tímabil, annað í úrvalsdeildinni árið 2000. Boban spilaði 39 leiki og skoraði 12 mörk áður en hann hélt til Víkings R. 2001 og lék með þeim eitt tímabil í 1. deildinni. Eftir það lék Boban með Aftureldingu í 1. og 2. deild sumrin 2002 og 2003. Það er því ljóst að við Hamarsmenn höfum náð okkur í mikinn reynslubolta því Boban hefur leikið 109 leiki á 6 árum í þrem efstu deildum Íslandsmótsins og skorað í þeim samtals 33 mörk.

Með tilkomu nýs þjálfara hefjum við nú undirbúning á fullu fyrir næsta keppnistímabil þar sem stefnan er tekin á sæti í úrslitakeppni 3. deildar með það að markmiði að koma okkur upp úr draugadeildinni þriðju og sigla á ný mið. Við áttum okkar besta tímabil frá stofnun félagsins síðastliðið sumar og stefnan verður sett enn ofar í sumar. Útlit er fyrir að við höldum flestum leikmönnum frá því í fyrra þó enn sé ófyrirséð með nokkra. Við stefnum á að styrka hópinn eitthvað eftir því sem þörft krefur en það mun koma í ljós þegar Boban hefur skoðað almenninlga það sem hann hefur í höndunum nú þegar.

Á meðfylgjandi mynd má sjá Boban Ristic við undirritun samningsins við Hamar. Fremri röð f.v. Hjörtur Sveinsson, formaður; Boban Ristic og Valgeir Ásgeirsson, framkvæmdastjóri. Aftari röð f.v. leikmenn Hamars; Sigurður Gísli Guðjónsson og Helgi Guðnason.

Tilvonandi þjálfari

2007-01-15T15:38:00.000Z

Þjálfarinn vill ekki
taka af sér grímuna
fyrir undirskrift

Stjórnarmenn hafa undarfarna daga verið í viðræðum við þjálfara um stjórnun liðsins á tímabilinu og gert er ráð fyrir að það skýrist á næstu dögum hvort af verður. Þessi tilvonandi þjálfari mun mæta annað kvöld, þriðjudagskvöld, á æfingu í íþróttahöll Hveragerðis og þefa undir handarkrika og þreifa á manndómi manna til að athuga hvort að menn hafi það sem til þarf. Leikmenn eru hvattir til að mæta og sýna sig og sjá þennan tilvonandi þjálfara en hann mun þó verða grímuklæddur eins og á myninni sem tekin var í gær.

Af leikmannamálum er það að frétta að besti maður liðsins síðastliðið tímabil, Robert Mitrovic, hefur samþykkt að koma til liðs við meistaraflokkinn á ný nú í sumar og er hafin vinna við að útvega tilskilin leyfi fyrir hann. Óvíst er hvort Kristmar Geir Björnsson muni spila með næsta sumar, en frést hefur að ,,gamli stormsentrerinn af mölinni” hafi keypt skóáburð í Bónus í síðustu viku, því eru nokkrar líkur á að Kristmar nái í takkaskóna sína úr skúrnum og pússi þá upp fyrir tímabilið. Sauðkrækingarnir Árni, Steini, Binni og Árni Geir eru ennþá spurningamerki en með hækkandi sól og grænna grasi getur allt gerst.

Hamarsmenn leggja annars mikla áherslu á að halda öllum öðrum leikmönnum liðsins áfram innan sinna vébanda og stefna þá einnig á að styrkja hópinn með nokkrum nýjum leikmönnum sem liðið á í viðræðum við þessa dagana.

Stjórnarfundur

2007-01-11T15:06:00.000Z

Fabio kemur inn
í stjórnina

Á þriðjudaginn í fyrra var haldinn stjórnarfundur hjá meistaraflokki Hamars þar sem brýn málefni voru tekin fyrir. Fyrsta málefni fundarins var almennt fyrirkomulag á rekstri félagsins sem hefur undanfarin fjögur ár verið á fáum öflugum höndum. Það var því lagt til að auka bjúrókratíkina í starfinu og koma á skilvirku stigveldis fyrirkomulagi svo að einn til tveir menn sitji ekki um harkið. Þetta er einna helst komið til þar sem við litlu strákarnir sem byrjuðum að reka meistaraflokkin erum nú að verða að mönnum og því fylgir aukinn ábyrgð eins og að skipta á bleyjum og negla upp myndir.

Til að ná þessum markmiðum buðu sig þrír einstaklingar fram til stjórnarstarfa. Það þýðir að nú sitja rúmlega helmingi fleiri í stjórn en hafa gert undanfarin ár. Þessir þrír fallegu drengir eru:

Björn Björnsson: Björn hefur verið valin leikmaður ársins af stuðningsmönnum félagsins síðustu þrjú tímabil og er einkar vinsæll meðal bæjarbúa jafnt sem liðsmanna. Hann kemur því inn í stjórn meistaraflokksins sem tengiliður við stuðningsmenn bæjarfélagsins og almennur skemmtikraftur og mun taka að sér ýmis störf.

Rafn Haraldur Rafnsson: Rafn hefur verið fyrirliði liðsins meira og minna síðustu fjögur árin og verið það samfleytt síðustu tvö tímabil. Rafn Kemur því inn í stjórn liðsins sem leiðtogi andlegrar og líkamlegrar virkni hópsins og mun því verða tenging liðsheildarinnar inn í stjórnina.

Tryggvi Torfason: Tryggvi er einn af framtíðar hlekkjum Hamars. Hann, ásamt félögum af sömu kynslóð, hafa verið að koma sterkir inn úr uppeldisstarfi félagsins og koma til með að spila lykilhlutverk í velgengni félagsins á komandi árum. Tryggvi kemur því inn sem tenging yngri kynslóðarinnar við stjórnina og félagið í heild og hefur það metnaðarfulla hlutverk að vera leiðandi í því að brúa kynslóðarbilið og koma hagsmunum yngri kynslóðarinnar til stjórnar og vice-versa.

Hina þrjá stjórnarmeðlimina er óþarft að kynna, en bráð nauðsynlegt samt þar sem þeir eru allir einstaklega fallegir einstaklingar bæði á líkama og sál.

Hjörtur formaður: Mun halda þeim titli undir breyttum formerkum en hann hafði tilkynnt að líklega myndi hann stíga niður. Til þess að koma í veg fyrir að þessi aðal driffjöður félagsins yfirgæfi okkur var fenginn hámenntaður stjórnmálafræðingur til að fara í gegnum stofnanna-strúktur félagsins og með breyttum áherslum hefur Hjörtur samþykkt að vera áfram formaður og leiða hópinn. Það verður þó undir töluvert breyttum formerkjum en nýju stjórnarmeðlimirnir koma til með að taka á sig hluta þeirra ábyrgða sem Hjörtur lætur frá sér.

Valli framkvæmdarstjóri: Valli kom inn í starf meistaraflokksins síðasta vor og má segja með sanni að hann hafi sparkað í rassgatið á allri starfsemi flokksins. Hann mun áfram gegna þessu mikla starfi og væntanlega verða áfram ótæmandi brunnur hugmynda og keyra áfram af brennandi áhuga og alúð gagnvart félaginu líkt og síðasta ár.

Björn Ásgeir snillingur: Það er óþarft að hafa fleiri orð um þennan mikla mann.

Fimm lið upp í ár?

2007-01-07T00:26:00.000Z

ATH: Myndin er ekki í
neinu samhengi við fréttina

Þann 10. febrúar næstkomandi, á ársþingi KSÍ mun verða tekin ákvörðun um það hvort að á næsta ári, árið 2008, spili 12 lið í úrvalsdeild og 2. deild. Í ár munu spila 12 lið í 1. deild en möguleiki er á að árið 2008 muni 12. lið spila í efstu þrem deildunum.

Ef þessi tillaga verður samþykkt munu hvorki færri né fleiri en fimm lið fara upp úr draugadeildinni þriðju sem talin er vera sú erfiðasta í HEIMI. Sem dæmi þess hve erfitt er að komast upp úr 3. deild er það undantekning að lið sem komast upp í 2. deild fari ekki beint upp í 1. deild. Mörg lið hafa lengi stefnt að því að rífa sig upp úr harkinu í 3. deildinni og má búast við því að spýtt verði rækilega í lófana til að nýta þetta einstaka tækifæri. Ef þessi tillaga nær í gegn fá Selfyssingar einnig annan séns á að vera í efstu þrem til að komast upp í 1. deild.

Dregið í deildarbikar

2006-12-21T14:08:00.000Z

Af æfingu hjá Hömrunum
í sumar!

Á þriðjudaginn voru birt drög að skiptingu riðla og leikjaniðurröðunnar í deildarbikarkeppni KSÍ. Fyrirkomulagið í C-deild verður þannig að leikin verður einföld umferð og þrjú efstu lið úr riðlunum þrem, ásamt liðinu sem nær besta árangri í 2. sæti, spila í úrslitakeppni. Hamar lenti í riðli 2 með liðunum BÍ/Bolungarvík, Hömrunum, Skallagrím og Snæfell.

Margir skemmtilegir leikir framundan og þar á meðal fyrsti leikur Hamars og Hamranna og verður spennandi að sjá hvort að eintalan eða fleirtalan vinni. Einnig höfum við ekki mætt Snæfelli undanfarin fjögur ár og því ljóst spennandi mót er frammundan. Fyrsti leikur okkar er að öllu óbreyttu 25. mars í Akraneshöllinni gegn Snæfell, en annars eru drög að leikjum okkar svona:

Akraneshöllin 25. mars: Hamar - Snæfell
Stjörnuvöllur 1. apríl: BÍ/Bolungarvík - Hamar
Selfossvöllur 21. apríl: Hamar - Hamrarnir
Akranesvöllur 27. apríl: Skallagrímur - Hamar

Sjá mót HÉR

Jólahlaðborð Hótel Arkar og Hamars

2006-11-27T18:26:00.000Z

Gísli fer með skrítlur

Föstudaginn 1. desember næstkomandi mun Hótel Örk halda fjáröflunar jólahlaðborð til styrktar meistaraflokki knattspyrnudeildar Hamars.

Veislustjóri kvöldsins verður hin óviðjafnalegi sjónvarpsskemmtikraftur Gísli Einarsson sem skemmt hefur landanum með þáttum sínum "Út og suður" til fjölda ára í Ríkissjónvarpinu.

Stórsveitin "Feðgarnir" mun svo halda uppi fjörinu fyrir skemmtanaþyrsta gesti fram á rauða nótt.

Matseðill kvöldsins

Forréttir:

Rækjusúpa með karrí og kókos, Úrval síldarrétta að hætti Hótels Arkar, Marineraðir sjávarréttir í sítrussoði, Sjávarréttapaté, Grafinn lax, Reyktur lax, Hrefnu carpaccio, Gæsapaté, Reyktur lundi, Grafið lamb, Andalifrarmús.

Kaldir aðalréttir:

Hangikjöt, Hamborgarhryggur, Fyllt kalkúnabringa.

Eftirréttir:

Súkkulaðikaka, Marineraðir ávextir, Jóla marens, Ris a la mande, Sherry triffle, Ostakaka, Heimalagaður ís.
Úrval af brauði, heitum og köldum sósum, kartöflum og viðeigandi meðlæti með hverjum rétti.

----------

Fyrirtæki, hópar og einstaklingar!
Gerum okkur glaðan dag saman og styrkjum um leið öflugt uppbyggingarstarf meistaraflokks knattspyrnudeildar Hamars.

Forsala miða er í Söluturninum Tíunni, Breiðumörk 19
Miðaverð einungis kr. 5.590.-

Með fótboltakveðju,
___________________________
Hjörtur Sveinsson
formaður meistaraflokks
knattspyrnudeildar Hamars

Æfingar hefjast

2006-10-13T16:19:00.000Z

Búið er að panta búninga
fyrir næsta tímabil

Á sunnudaginn verður fyrsta opinbera æfingin á tímabilinu en hamarsmenn hafa nú verið í ströngum æfingnum innandyra síðan síðasta tímabili lauk. Þær æfingar munu halda áfram en við bætast hópæfingar sem koma til með að styrkja liðsandan og auka liðsheildina.

Á æfingunni verður lögð fram tillaga að skipulagi æfinga fram að jólum og verður haldin opin umræða um þau mál í kjölfarið. Það verður þó ekki hægt að breyta þeirri ákvörðun að æfingar eru hafnar en ákveðið var að byrja æfingar strax núna í október í ljósi yfirburðar kosningar októbermánaðar í skoðanakönnun sem farið hefur fram hér á síðunni undanfarnar vikur.

Fyrsta æfingin verður klukkan 20:00 á sunnudaginn á Fylkisvelli en mæting er í Íþróttakvikindið í Hveragerði klukkan 19:00 þar sem þjappað verður í bíla.

Tvífari vikunar

2006-10-10T14:47:00.000Z

Þá er komið að liðnum tvífari vikunar hér á hamarfc.net en ábendingar um tvífara hrúgast inn á borð hjá ritstjórninni. Hjá okkur verður annar aðilinn alltaf að vera að einhverju leiti tengdur Hamri eða Hveragerði og um að gera að vera duglegir að senda inn ábendingar.

Tvífarann að þessu sinni á vatnsgreiddi uppistandarinn Tryggvi-túrbógæji sem spilar iðulega með teygju og blautt hár. Svo dæma menn bara sjálfir hvort að keimur sé með þeim...

Vatnsgreiddir gæjar

Ef þú veist um einhvern sem er líkur einhverjum sendu það þá á netfangið: bab3@hi.is

Skúbb-hornið

2006-10-05T22:32:00.000Z

KFR til keppni?

(Það sem kemur fram hér er birt án ábyrgðar og án nokkurrar staðfestu um nokkurn skapaðan hlut)

Samkvæmt orðrómi af Njáluslóðum hyggjast þarlendir menn vekja upp Knattspyrnufélag Rangæinga (KFR) og senda lið til deildarkeppni KSÍ næsta sumar. Liðið hefur ekki spilað í íslandsmóti síðan 1999 þegar hetjur eins og Magnús Orri (Mosi) Sæmundsson, Garðar Guðmundsson og Hreimur Örn Heimisson voru burðarásar liðsins....

Nú þykir mikið um efni þar fyrir austan og mikill hugur í mönnum að færa utandeildarlið þeirra til alvöru keppni. Þá hafa menn nú þegar sést við æfingar í skjóli nætur þar á bæ og ætla greinilega að vera spútningslið suðurlands í sumar....

Það mun líklega verða dómarinn knái Viktor Steingrímsson sem mun þjálfa liðið....

Þá hefur annað lið verið að gera hosur sínar grænar fyrir íslandsmóti íslenskra karlmanna en það mun vera Ungmennafélag Álftanes. Þar á bæ er líklegast að Brynjar Þór Gestsson, sem tók við liði ÍR í sumar og bjargaði þeim frá falli í 3. deild, verði ráðinn sem þjálfari....

Einnig hefur heyrst að einn af markahæstu mönnum 3. deildarinnar síðustu ár, Ýmismaðurinn Kjartan Atli Kjartansson, verði eitt af trompunum þeirra....

Knattspyrnufélag Árborgar leita nú að eftirmanni fráfarandi formanns síns sem hefur verið aðaldriffjöður félagsins frá stofnun. Þeir þurfa þó væntanlega ekki að leita langt þar sem margir aðilar hafa verið aktívir í starfi félgsins.

Heyrst hefur þó að Már I. Másson, núverandi varaformaður klúbbsins, hafi sér augastað á formannsstólnum....

Ekkert hefur frést úr Þorlákshöfn síðan tímabili lauk annað en að allir sem voru að spila með Ægi í sumar langar nú að spila með liði framtíðarinnar, Hamri!...

Rocky maður ársins!

2006-09-26T12:57:00.000Z

Leikmaður ársins!

Á föstudaginn síðastliðinn var uppskeruhátíð félagsins haldin með pompi og prakt á Hótel Örk. Mæting á kvöldið var gríðarlega góð og gleðin og kátínan eftir því. Fjölmargir listamenn lögðu sitt af mörkum til að gera kvöldið ógleymanlegt og nýjar hefðir litu dagsins ljós. Þar helst má nefna hinn nýja árlega viðburð "hrekkjum þjálfaran". Þjálfarinn sjálfur hélt svo alvörublandna kómíska ræðu og fyrirliðin birti viðtöl sín við nokkra liðsfélaga sem vakti mikla kátínu. Síðast en ekki síst steig svo á svið Tryggvi uppistandari og sagði nokkra létta af sinni alkunnu snilld og vann sér inn titilinn brandarameistari Hamars. Að lokum hélt svo hljómsveitin Hitakútur uppi fjörinu fram eftir kvöldi.

Aldrei áður hafa jafnmörg verðulaun og viðurkenningar verið veittar hjá félaginu og því best að byrja upptalninguna.

Stuðningsverðlaun: Kiddi Rót,Valdimar Kjörís, Sveinbjörn Sveinbjörnsson SS verktökum, Gísli Páll Dvalarheimilinu Ás, Ægir á Hótel Örk og Jói Ísleifs fengu allir liðstreyju Hamars merkta "Stuðningsmaður nr. 1" fyrir góðan stuðning á árinu en án þeirra væri starf okkar ómögulegt. Kiddi Rót var þó eini sem sá sér fært að mæta og þakkaði hann fyrir sig með tölu um gott starf félagsins og bjarta framtíð.

Heiðursverðlaun: Jón Guðmundsson var fyrstur manna gerður að heiðursfélaga Hamars og fékk heiðursskjöld að því tilefni. Jón er einn af frumkvöðlum Hamars og þykir hafa unnið mikilvægt starf í gegnum tíðina fyrir félagið.

Hvatningarverðlaun: Guðmundur Valgeir Ásgeirsson fékk hvatningarverðlaun ársins sem voru nú veitt í annað skipti en Hjörtur Sveinsson hlaut þau í fyrra. Valli fékk verðlaunin fyrir ómetanlegt og óeigingjarnt starf fyrir félagið á tímabilinu. Hann kom aftur inn í stjórn meistaraflokksins í vor og hafði með sér ferska vinda í starfsemi félagsins og hlaut hann að launum 20.000 króna inneign hjá Iceland Express.

Heimir nálgast 50 leiki

Viðurkenningu fyrir 25 leiki hlutu: Björn Björnsson, Hafþór V. Björnsson, Heimir L. Guðbjörnsson, Helgi Guðnason, Jónas Guðnason og Sigurður Gísli Guðjónsson.

Viðurkenningu fyrir 50 leiki hlaut: Björn Ásgeir Björgvinsson

Viðurkenningu fyrir 75 leiki hlaut: Rafn H. Rafnsson sem er nú leikjahæsti maður Hamars frá upphafi með 76 leiki.

Viðurkenningu fyrir 25 mörk hlaut: Sigurður Gísli Guðjónsson sem er nú langmarkahæsti leikmaður Hamars frá upphafi með 27 mörk en næstur honum er Óli Jó með 13 mörk.

Varnarmaður ársins: Robert "Rocky" Mitrovic

Miðjumaður ársins: Rafn H. Rafnsson

Sóknarmaður ársins: Sigurður Gísli Guðjónsson

Tilþrif ársins!

Félagi ársins: Björn Ásgeir Björgvinsson

Efnilegastur: Helgi Guðnason

Tilþrif ársins: átti Mladen Ilic gegn Ægi á útivelli þegar hann skoraði á eigin vallarhelmingi úr aukaspyrnu.

Markahæstur: Sigurður Gísli Guðjónsson með 8 deildarmörk og 14 í öllum opinberum leikjum.

Leikmaður ársins: Robert "Rocky" Mitrovic

Stjórn Hamars vill þakka öllum sem lögðu sitt af mörkum í starf félagsins á einn eða annan hátt, sem leikmenn eða stuðningsmenn, kærlega fyrir frábært tímabil með von um áframhaldandi samstarf og velgengi.

Uppskeruhátíð nálgast!

2006-09-20T18:00:00.001Z

Verður uppskeran góð?

Þá styttist í uppskeruhátíðina okkar góðu sem haldin verður núna á föstudaginn. Mæting er sem áður sagði klukkan 19:00 á Hótel Örk þar sem mótttökunefnd tekur á móti hátíðargestum með léttum veigum. Um fjörtíu einstaklingar hafa skráð sig á hátíðina og má með sanni segja að spennandi kvöld sé frammundan.

Dagskrá kvöldsins verður að sjálfsögðu gríðarlega skemmtileg og nú þegar hafa fjölmargir leikmenn og velunnarar pantað sér tíma í pontu. Meðal efnis er hin árlega skemmtiræða formannsins, viskuræða þjálfarans, tölfræði-slideshow Bulgaria, brandarahorn fyrirliðans, skemmtiliður skemmtilegu gauranna og "spank the serbs" horn Bjössa Red. Ekki verður meira gefið upp af skipulagðri dagskrá kvöldsins en eftir að henni lýkur mun stuðhljómsveitin Hitakútur stíga á svið og halda uppi fjöri fram eftir kvöldi.

Fyrir þá sem vilja þenja barka, bregða á leik eða halda litla tölu verður sviðið opið í óákveðinn tíma eftir skipulagða dagskrá og því um að gera fyrir alla að grafa upp partíbókina og taka þátt í kvöldinu. Þið ykkar sem eruð að hugsa um hvað þið getið gert getið haft í huga að á svæðinu verður eftirfarandi: skjávarpi og talva, Þrír gítarar, kongótromma, kassabassi, þrír míkrafónar, stuðhljómsveit sem spilar undir hvað sem er og fleira. Þannig að nú er bara að láta hugan reika.

Tvífarar!

2006-09-17T00:54:00.000Z

Þá er komið að liðnum tvífari hér á hamarfc.net og stefnir í vikulegan lið á meðan menn eru duglegir að koma með ábendingar. Hjá okkur verður annar aðilinn alltaf að vera að einhverju leiti tengdur Hamri eða Hveragerði.

Í síðustu viku sköpuðust miklar umræður um það hvort Rabbi væri í raun líkur einhverjum en samkvæmt skoðanakönnuninni finnst 59% af gestum síðunnar Rabbi líkur Zak Whitbread en næst því sögðu 14% hann líkan Rúnari Kristins. Þá smelltum við tvífaranum inná fótbolta.net og má sjá hann hér

Tvífarann að þessu sinni á vinstri bakvörðurinn knái Egill Örn Egilsson en ábending barst um að hann og hinn hollenski Jan Kromkamp þættu líkir. Svo dæma menn bara sjálfir.

Egill í Hamri og Kromkamp í PSV

Ef þú veist um einhvern sem er líkur einhverjum sendu það þá á netfangið: bab3@hi.is

Uppskeruhátíð Hamars!

2006-09-14T20:11:00.000Z

Grillað á bakkanum

Þá er komið að uppskeruhátíð meistaraflokks Hamars árið 2006 sem mun fara fram á Hótel Örk föstudaginn 22. september. Hátíðin, sem áætlað er að byrji uppúr klukkan 19:00, mun verða á jarðhæð hótelsins þar sem búið verður að skreyta salinn með litum félagsins og myndasýningu þar sem allar myndir sumarsins rúlla á hvíta tjaldinu. Grilluð verður dýrindis máltíð við sundlaugarbakkan af kokkum Arkarinnar á meðan hátíðargestir dreypa sér á léttvíni eða léttöli.

Eftir matinn mun svo uppgjör tímabilsins fara fram þar sem leikmenn og aðstandendur Hamars verða leystir út með viðurkenningum fyrir sitt framlag til félagsins. Að lokinni verðlauna og viðurkenningaathöfn er áætlað að ein mesta stuðhljómsveit Hveragerðis haldi utan um skemmtidagskránna þar sem míkrafónninn verður opinn gestum fram eftir kvöldi og má búast má við þéttri dagskrá frá ýmsum leikmönnum og velunnurum félagsins.

Öllum, sem á einn eða annan hátt hafa komið að starfi meistaraflokksins í sumar, er skylt að mæta og er sérstaklega bent á að bjóða maka sínum með. Einnig hefur félagið boðið helstu styrktaraðilum félagsins að deila þessu kvöldi með okkur þar sem starf félagsins byggist að sjálfsögðu fyrst og fremst á því að hafa góða bakhjarla. Á boðstólnum verður:

Mallorca matseðill:

Kalt:
Ferskt sumarsalat að hætti Hótels Arkar, kartöflusalat og pastasalat með sjávarréttum.

Heitt:
Sjávarréttagrillspjót “hvítlauks”
Kjúklingagrillspjót “ sæt soya”
Lambalæri “íslenskar kryddjurtir”

Meðlæti 1: Nýbakað brauð, viðeigandi sósur og meðlæti.

Meðlæti 2: Siggi Gísli verður með óviðeigandi fíflagang, dónaskap og með-læti.

Rauðvín, hvítvín og léttöl verður í boði meðan fjárhagur leyfir.

Snyrtilegur klæðnaður.

Verð: 3000,- per mann.

Skráning er hafin og verður opinn til miðnættis þriðjudaginn 19. september á spjallinu eða hjá mér:

Björn Ásgeir
Sími: 865-7035
E-mail: bab3@hi.is

Tvífarar!

2006-09-11T20:40:00.001Z

Þá er komið að nýjum lið hér á hamarfc.net sem er dótturliður liðs á fotbolti.net. Hjá okkur verður þó annar aðilinn alltaf að vera að einhverju leiti tengdur Hamri eða Hveragerði.

Liðurinn mun vera óreglulegur og fara algjörlega eftir því hvort félagsmenn eða Hvergerðingar eru líkir einhverjum. Þess má geta að þessi liður er jafnan sendur inn á fotbolta.net í þeirri von að hann verði birtur þar.

Tvífarann að þessu sinni á Rafn H. Rafnsson fyrirliði Hamars en hann og Rúnar Kristinsson þykja með eindæmum líkir á liðsmyndum sem og á velli.

Rabbibararúnar
mynd: www.sporting.be

Ef þú veist um einhvern sem er líkur einhverjum sendu það þá á netfangið bab3@hi.is

Búningauppboð!

2006-09-07T22:12:00.000Z

Búningarnir sem í boði eru...

Nú er komið að því að minnka draslið í geymslusvæði Hamars í Laufskógunum vegna hótana um hækkandi leigukostnað og til þess að bregðast við því var ákveðið að bregða á það ráð að bregða mönnum svolítið og bregða upp búningauppboði. Þeir búningar sem verða til sölu að þessu sinni eru varabúningar liðsins árin 2004 og 2005 af tegundinni errea.

Markmannsbúningarnir eru annarsvegar grá treyja nr. 1 og hins vegar gul treyja nr. 12 en báðum fylgja markmannsbuxur. Aðaltreyjurnar eru gráar með bláu í og stuttbuxurnar eru bláar með Nátthaga auglýsingunni frægu á botninum. Búningarnir eru vel með farnir en að sjálfsögðu má finna bremsufar hér og þar og eru því búningarnir keyptir á eigin ábyrgð. Aðeins eru til átta pör af sokkum og munu þeir fylgja átta hæstu boðunum.

Allir áhugasamir mega bjóða í búningana hvort sem þeir eru Hamarsmenn eða ekki svo lengi sem menn eru borgunarmenn fyrir þeirri upphæð sem þeir bjóða. Öll boð skulu berast annað hvor með tölvupósti á netfangið: bab3@hi.is eða með sms-skilaboði í síma 865-7035. Í boðinu skal koma fram númer treyju, upphæð og nafn bjóðanda. Ef tvö boð berast áður en uppfærsla á uppboðinu fer fram verður fyrra boðið gilt samkvæmt klukku uppboðshaldara. Upplýsingar um boð í treyjur verða á spjallsíðunni.

Aðalteyjur og stuttbuxur eru allar XX-Large nema annað sé tekið fram hér að neðan, annars eru eftirfarandi búningar falir:

Markmannstreyja og buxur nr. 1 (ATH: Treyja Large og buxur X-Large)
Markmannstreyja og buxur nr. 12 (ATH: Treyja og buxur X-Large)
Treyja og buxur nr. 2
Treyja og buxur nr. 3
Treyja og buxur nr. 4
Treyja og buxur nr. 5
Treyja og buxur nr. 6
Treyja og buxur nr. 7
Treyja og buxur nr. 8
Treyja og buxur nr. 9 (ATH: Ekki boðin upp!)
Treyja og buxur nr. 10 (ATH: Treyja X-Large og buxur XX-Large)
Treyja og buxur nr. 11
Treyja og buxur nr. 12 (ATH: Treyja og buxur X-Large)
Treyja og buxur nr. 13
Treyja og buxur nr. 14
Treyja og buxur nr. 15
Treyja og buxur nr. 16

Allir sem eiga pening og eru fjárráða mega bjóða en lágmarksboð er 2000 krónur. Uppboðið verður opið í um það bil tvær vikur en frekari tilkynningar um lok boðsins verða kynnt með a.m.k. sólahringsfyrirvara.

Netfang: bab3@hi.is
Sími: 865-7035

Uppboðið hefst NÚNA!!!

Fundur!

2006-08-29T21:28:00.000Z

Hvor þeirra sagði skrítlu?
Vegleg verðlaun í boði!

Í tilefni þess að bæði topplið dauðariðilsins eru dottin úr úrslitakeppni þriðjudeildar hefur verið blásið til fundar hjá öllum leikmönnum og aðstandendum Hamars. Á morgun, miðvikudaginn 30. ágúst, skulu menn með mönnum mæta klukkan 19:30 á Pizza Hveragerði og fara yfir framtíðaráætlanir Hamars. Lagðar verða fram tillögur að fyrirkomulagi vetursins en leikmönnum verður einnig heimilt að koma með tillögur að fyrirkomulagi komandi tíma, til dæmis varðandi æfingartíma í vetur og hvort að reka eigi Kristmar úr bæjarfélaginu.

Allir sem æft hafa með félaginu á tímabilinu sem og aðrir sem hafa staðið að félaginu á einn eða annan hátt eru hvattir til að mæta og leggja orð í belg ásamt pizzusneið og kók light í boði Hamar Group.

Staður: Pizza Hveragerði
Dags: Miðvikudaginn 30. ágúst
Tími: 19:30
Tilgangur: Leggja línur
Ástæða: Frí pizza!!

KV-Hamar

2006-08-01T22:42:00.000Z

Zzzzzz

Hamar tapaði 2-0 fyrir KV í Vesturbænum í kvöld en skiptar skoðanir voru um hvort Hamar hefði átt góðan eða slakan leik. Frá hliðarlínunni séð voru liðið álíka slök en boltin fór í markið hjá öðru þeirra. Af ganni merkum við tölfræðina inn sem var svona:

Brot
Hamar: Fyrri 6 -- Seinni 10 -- Alls 16
KV: Fyrri 9 -- Seinni 6 -- Alls 15

Rangstöður
Hamar: Fyrri 5 -- Seinni 1 -- Alls 6
KV: Fyrri 5 -- Seinni 5 -- Alls 10

Horn
Hamar: 5 -- 4 Alls 9
KV: 1 -- 3 -- Alls 4

Skot (á markið)
Hamar: Fyrri 10 (5) -- Seinni 7 (3) -- Alls 17 (8)
KV: Fyrri 5 (3) ...tvö mörk -- Seinni 9 (2) -- Alls 14(5)

Fyrir leik...

2006-08-01T22:24:00.000Z

Heldur með Hamri!

Hamar leggur leið sína í Vesturbæjinn í dag og munu þar mæta Knattspyrnufélagi Vesturbæjar á KR-velli. Í vesturbænum kunna menn að sparka í bolta og því verður hörkuleikur í dag þegar þessi lið, sem nú sitja í fjórða og fimmta sæti, mætast og ljóst að annað liðið getur haldið sér í toppbaráttunni með sigri. Liðin hafa mæst tvisvar áður opinberlega annarsvegar í deildarbikarnum í vor þar sem KV hafði betur 4-0 og hins vegar í fyrri leik liðanna í sumar þar sem Hamar hafði betur 2-1 á Grýluvelli.

Nú á dögunum seldi stjórn Hamars liði KV hin gríðarlega öfluga Hálofta-Hannes eftir að þeir höfðu verið á höttunum eftir honum um tíma. Í viðtali við hamarfc.net sagði talsmaður stjórnarinnar að í ljósi fjárhagsstöðu liðsins hafi ekki verið hægt að hafna þeirri upphæð sem KV bauð í Hannes auk þess sem hann átti erfitt með að aðlagast loftslaginu austan Hellisheiðar. Hanness verður sárt saknað í Hamri en hann hefur spilað með liðinu síðan síðla sumars 2003. Hann spilaði sínar fyrstu mínútur fyrir KV í síðasta leik á móti KFS og á án efa eftir að láta ljós sitt skína á móti sínum "gömlu" félögum í dag. Við óskum Hannesi að sjálfsögðu velfarnaðar hjá KV og lofum að kaupa hann um leið og fjárhagsstaða félagsins lagast.

Annars er liðið í dag svona:

Markið: Kalli Lú
Vörnin: Bolli böllur, Siggi Pé, Stjáni pungur og Óskar feiti
Miðjan: Salli sveri, Gunni bóla, Halli heimski og teddy tussa
Sóknin: Maggi hor og Bragi bytta

Varamannabekkurinn: Er skipaður fimm beitningarmönnum af bátnum Fanný SH 290 sem er sómabátur

Mæting: Klukkan 18:00 í Íþróttahöll Hveragerðis en annars klukkan 18:50 í braggan í vesturbænum.

Hamar-Grótta

2006-07-31T23:40:00.000Z

Baron býr sig til sunds

Topplið A-riðils mætti í Hveragerði á fimmtudaginn í fínt boltaveður og frábæra tónlist. Eitthvað fór þó tónlistin fyrir hjartað á háöldruðum þjálfara Hamars sem bað rótarann um að lækka. Hann svaraði honum um hæl með staðhæfingu sem hlóðaði svo ,,If it's too loud you're too old!"

Leikurinn byrjaði fjörlega og strax ljóst að ekkert yrði gefið eftir. Hamarsmenn náðu sem fyr að halda boltanum vel innan liðsins og byrjaði mjög sannfærandi. Eftir nokkrar sóknir og tvær hornspyrnur kom löng sending frá vörn Gróttu á gulan kall á miðjunni sem fleitti boltanum áfram á áttuna sem tímasetti hlaupið sitt frábærlega, komst einn í gegn og skoraði gott mark. Eftir markið virtust Hamarsmenn slegnir en eftir því sem leið á komst jafnvægi á leikinn og bæði lið áttu sína möguleika. Síðustu mínútur hálfleiksins var mikil barátta en hvorugt liðið komst mikið áfram þangað til Siggi Gísli fékk frábæra sendingu í teiginn og hann kláraði færið vel og jafnaði þegar um mínúta var eftir af fyrri hálfleik.

Seinni hálfleikur byrjaði eins og sá fyrri og bæði lið staðráðin í að gefa ekki tommu eftir en aðeins fimm mínútur voru liðnar af honum þegar Grótta komst aftur yfir. Hamarsmenn svöruðu þó aðeins tveim mínútum síðar með glæsilegu marki Kristmars Geirs. Leikurinn hélt áfram að vera í járnum og hefðu bæði lið getað skorað allnokkrum sinnum. Þegar um tuttugu mínútur voru eftir voru Hamarsmenn mun sannfærandi og héldu því út leikinn með gríðarlegri baráttu. Fjölmörg færi litu dagsins ljós hjá báðum liðum þó Hamarsmenn væru ívið meira með boltan og sköpuðu sér markvissari færi. Það kom því enn og aftur gegn gagni leiksins þegar þjálfari Gróttu skoraði sigurmark leiksins þegar um sex mínútur voru eftir. Þær mínútur sem voru fengu Hamarsmenn tvö dauðafæri og um fimm horn sem hæglega hefðu getað skilað Hamri stigi en allt kom fyrir ekki og Grótta stal öllum stigunum þrem úr einum mest spennandi leik sumarsins. Allir leikmenn Hamars eiga hrós skilið fyrir góðan leik og góða baráttu.

Rabbi kastar vatni

Byrjunarliðið
Robert, Björn Aron, Steini tvíbbi, Milos, Árni tvíbbi.
Unnar Stefán, Rafn(F), Marri(M), Mladen.
Bjössi Red, Siggi Gísli.

Varamenn
Björn Ásgeir
Hafþór Björns
Heimir Logi
Helgi Guðna

Skiptingar
77. Helgi Guðna
77. Unnar Stefán

Liðsstjórn
Hjörtur Sveinsson
Valgeir Ásgeirsson

Spjöld
32. Mladen
78. Marri

Mörk
44. Siggi Gísli
52. Marri

Maður leiksins: Milos

Siggi Gílsli skoraði sitt tuttugasta deildarmark fyrir Hamar í leiknum...

Marri skoraði sitt fimmta deildarmark fyrir Hamar...

Það voru um það bil 150 áhorfendur á leiknum. . .

Leikskýrsla Ksí

Umfjöllun Gróttu um leikinn HÉR

Þið getið smellt á myndirnar til að sjá þær stærri. . .

Og séð fleiri myndir úr leiknum HÉR

Fyrir leik...

2006-07-26T17:15:00.000Z

Siggi Gísli sýnir fína sólan sinn
Mynd: sunnlenska/gks

Á fimmtudaginn er komið að einum stærsta heimaleik sumarins þegar lið Gróttu frá Seltjarnarnesi mætir á Grýluvöll. Grótta er sem stendur efst í A-riðili og hefur einungis tapað einum leik í sumar. Liðið fór í úrslitakeppnina í fyrra og hafnaði þar í þriðja sæti og eru ekki með síðra lið í ár og eru mjög líklegir til að verða annað liðið úr A-riðli sem fer í úrslitakeppnina. Grótta hefur í sínum röðum frábæra einstaklinga bæði unga og spræka sem og eldri reyndari í bland. Spilandi þjálfari þeirra, Ásmundur Guðni Haraldsson, er einn af beittari sóknarmönnum þriðju deildarinnar en hann hefur skorað 12 mörk í níu leikjum og er markahæstur í A-riðli.

Hamarsmenn ætla sér sigur á móti Gróttu og ekkert annað til þess að halda sér í topphlut deildarinnar og baráttunni um sæti í úrslitakeppninni. Hamarsmenn hafa átt frábæra spretti í sumar og verið erfiðir heim að sækja og er ætlunin að halda því áfram. Því hvetjum við alla Hvergerðinga til að fjölmenna á völlinn til að láta í sér heyra og styðja þannig við bakið á okkar mönnum því með miklum og góðum stuðningi ykkar er allt hægt. Allir sem eiga trommur, lúðra eða önnur skemmtileg hljóðfæri eru hvattir til að taka þau með sér á völlinn og skapa þannig brjálaða stemmningu fyrir Hamarsmenn.

Á leiknum verður gestum boðið kaffi og kleinur á sanngjörnu verði hjá fulltrúum yngri flokka Hamars. Þá mun Kjörís einnig bjóða yngri kynslóðinni uppá frían frostpinna.

Sjáumst á vellinum, ÁFRAM HAMAR!!!

KFS-Hamar

2006-07-24T10:23:00.000Z

Úr fyrri leik liðanna

Hamarsmenn lögðu leið sína til eyja á föstudaginn í leik sem fyrirfram var vitað að yrði erfiður á sterkum heimavelli KFS-manna. Veðrið lék við eyjaskeggja og gesti og vallaraðstæður fínar.

Það var bara eitt lið á vellinum fyrstu mínúturnar og það voru heimamenn. Boltinn var stamur af seltu og landkrabbarnir áttu erfitt með að ná tilfinningu fyrir boltanum. Þegar flugriðan var farin úr mönnum og tötsið komið voru eyjamenn komnir í tvö núll. Fyrra markið kom snemma eftir laglegt þríhyrningarspil í gegnum vörn Hamarsmanna. Seinna var að margra mati rangstaða en hún var ekki dæmd og því markið gilt. Eftir markið vöknuðu bláklæddir við vondan draum og fóru loks að spila sinn bolta. Það skilaði sér strax mínútu seinna eftir að sendingar gengu milli Marra, Mladen og Sigga Gísla sem gaf sendingu á Bjössa sem kláraði flotta sókn Hamarsmanna. Undirtökin voru okkar það sem eftir lifði hálfleiksins og mörg dauðafæri lágu í valnum en ekki í netinu.

Seinni hálfleikur byrjaði eins og sá fyrri, þolinmóður sóknarleikur Hamars hélt áfram. Færin stóðu ekki á sér en sem fyrr vildi engin klára og þar af leiðandi skoruðum við ekki. Rabbi átti skot sem markmaður KFS varði í slánna og stuttu seinna átti Bjössi Red skot í stöngina og þar með þriðja skotið á tréverkið. Mladen átti tvær aukaspyrnur í leiknum sem báðar fóru rétt framhjá markinu. Á þessum tímapunkti voru flestir Hamarsmenn í sóknarhug og því fengu KFS oft á tíðum hættulegar skyndisóknir. Þær voru þó flestar stöðvaðar af Roberti aftasta varnarmanni Hamars. Stuttu eftir stangarskot Bjössa misstu Hamarsmenn boltan á slæmum stað á miðjunni sem leiddi til þess að leikmaður númer sjö hjá KFS fékk tíunda færið sitt gegn Robert sem hann nýtti loks. Eftir það var mestur vindur úr leik Hamars. Boltin staðnaði lengi á hverjum manni og flaut ekki innan liðsinns. Í kjölfarið voru reyndar úrslitasendingar trekk í trekk sem gengu ekki upp þó nokkur færi hefðu getað komið Hamarsmönnum aftur inn í leikinn. En sem fyrr fengu KFS sinn skammt af hraðaupphlaupum meðan Hamarsmenn sóttu og sjöan nýtti tuttugasta færið sitt vel á 78. mínútu og gerði með því út um leikinn. Erfiður útileikur að baki þar sem sénsinn á að sækja var tekinn réttilega og hefði hæglega getað skilað okkur stigum, og í raun átt að gera það miðað við færin sem við fengum. En allt kom fyrir ekki og KFS menn nýttu skyndisóknir sínar og gerðu þannig út um leikinn.

Mladen býr sig undir
spyrnu í fyrri leik liðanna

Byrjunarliðið
Robert, Björn Aron, Steini tvíbbi, Árni Geir, Árni tvíbbi.
Milos, Rabbi(F), Marri(Þ), Mladen.
Bjössi Red, Siggi Gísli.

Skiptingar
84. Heimir Logi
84. Marri

86. Haffi Björns
86. Árni tvíbbi

Liðsstjórn
Hjörtur Sveinsson
Valgeir Ásgeirsson

Rútubílstjóri, flugmaður og almenn skemmtilegheit
Björn Ásgeir

Spjöld
40. Rabbi
81. Marri

Mark
30. Bjössi Red

Bjössi Red opnaði markareikning sinn í deildinni í leiknum...

Marri fékk sitt þriðja gula spjald í sumar í leiknum...

Hamar hefur aldrei unnið KFS í eyjum...

Við unnum þá 3-2 í fyrra á Íslandi en það var eini sigurleikur sumarins...

Leikskýrsla Ksí

Þið getið smellt á myndirnar til að sjá þær stærri. . .

Fýluferð til eyja!

2006-07-22T00:55:00.000Z

Úr fyrri leik liðanna

Hamar tapaði sínum fjórða leik í sumar í eyjum nú í kvöld gegn liði KFS. Leikurinn fór 4-1 heimamönnum í vil en þeir byrjuðu á því að setja tvö mörk snemma leiks á meðan Hamarsmenn náðu úr sér ferðaveikinni. Stuttu síðar minnkuðum við muninn og vorum með leikinn í okkar höndum eftir það en skyndisóknir KFS manna voru margar og beittar og skiluðu þeim tveim mörkum í viðbót sem sló þá bláklæddu alveg út af laginu. Meira later....

Fyrir leik...

2006-07-20T22:56:00.000Z

Framherjar Smástund

Hamarsmenn leggja himinn og haf að fótum sér í dag er þeir ferðast til eyjarinnar litlu í suðri. Eyjapeyjarnir í Framherjum Smástundar eru ávallt erfiðir heim að sækja og hafa mestu karlmenni komið grátandi þaðan. Flugveiki, manneklan og aðrir fylgikvillar eru af flestum gestum taldar ástæðurnar en heimamenn hafa góðan stuðning í eyjum og mikið sjálfstraust á heimavelli og er það ekki lægra fjall að klífa fyrir gesti KFS. Af þessum mikla heimavelli suður í ballarhafi hafa Hamarsmenn aldrei silgt feitum báti né flogið feitri flugvél og aldrei náð einu einasta stigi. Af ofantöldu má því gera ráð fyrir að erfiður leikur sé í vændum og því réttara fyrir Hamarsmenn að girða sig í brók í dag, mæta ferskir og taka með sér sjóveikistöflur fyrir flugið, en alls ekki taka þær fyrr en eftir leik.

Hópurinn sem valinn var í kvöld og aðrir sem ætla með eiga að mæta í íþróttahöll Hveragerðisbæjar klukkan 15:00.

Hamar-Afríka

2006-07-17T18:36:00.000Z

Bjössi girðir sig í brók

Lið Afríku mætti til Hveragerðis á föstudaginn í mun betra veður en bestu veðurfræðingar þorðu að vona. Útlitið var slæmt framan af degi og um tíma leit út fyrir að leiknum yrði frestað. Grýluvöllur var einn stór pollur þangað til Rafn, Siggi og Björn Aron skrúfuðu litla rifu á bílrúðuna og sögðu fylgdarhóp sínum að ná í gafla og stinga göt á völlinn. Það, ásamt veðrinu sem Afríkumenn komu með, gerði leikinn mögulegan og Gylfi Þór Orrason flautaði leikinn á klukkan 20:00 að staðartíma í ágætu veðri.

Leikurinn byrjaði svipað og síðasti heimaleikur Hamars og lengi leit út fyrir að Hamarsmenn væru hreinlega ekki mættir á völlinn. Það gerði þó lítið til því að lið Afríku var arfaslakt og náði ekki að nýta sér það. Siggi Gísli skoraði fyrsta markið á 5. mínútu upp úr engu. Hann bætti svo við öðru og þriðja markinu á 8. og 13. mínutu og bætti þar með eigið met með því að skora þrjú mörk á innan við átta mínútum. Eftir það voru örlagaríkar mínútur í vændum því að á 30. mínútu var Björn Ásgeir (ég) rekinn af velli en hann (ég) fékk beint rautt eftir að hafa dottið á sóknarmann Afríku sem féll skömmu síðar kylliflatur. Nokkrum mínútum síðar var nafni hans (minn) er kenndur er við rautt felldur í vítateig andstæðingana og vítaspyrna dæmd. Marri tók spyrnuna en arfaslakur markvörður Afríku varði. Ekki voru þetta einu hamfarir Hamarsmanna á þessum mínútum því í næstu sókn skoruðu Afríkumenn eftir sól og spól í vörninni. Marri bætti svo upp fyrir vítið á 44. mínútu og þar við sat í hálfleik en hamarsmenn einum leikmanni færri og það engum smá leikmanni.

Í seinni hálfleik urðu Afríkumenn aðeins þreyttir og fóru að detta í svæsnar tæklingar hér og þar á vellinum og uppskáru tvö gul spjöld. Einn leikmaður þeirra fékk svo beint rautt á 68. mínútu og því var jafnt í liðum það sem eftir lifði leiks. Seinni hálfleikur var þófkenndur, eins og reyndar allur leikurinn, og mátti vart sjá góðan fótbolta. Eina mark seinni hálfleiksins kom ekki fyrr en á 80. mínútu en það var enginn annar en Helgi Jónasarbróðir sem að setti sitt fyrsta mark í íslandsmóti með meistaraflokk og er hann nú næstum því orðinn markahærri en bróðir sinn. Annað markvert gerðist ekki í þessum leik sem skildi eftir tvö lið sem hvorugu leið eins og sigurvegara.

Byrjunarliðið á móti Afríku

Byrjunarliðið
Aftari frá vinstri: Robert, Árni Geir, Marri(Þ), Mladen, Björn Ásgeir, Rabbi(F).
Fremri frá vinstri: Milos hestur, Bjössi Red, Björn Aron, Siggi Gísli, Árni tvíbbi.

Skiptingar
55. Steini tvíbbi
55. Rabbi

75. Helgi Guðna
75. Bjössi Red

80. Heimir Logi
80. Marri

83. Haffi Björns
83. Siggi Gísli

Liðsstjórn
Hjörtur Sveinsson
Valgeir Ásgeirsson

Spjöld
30. Björn Ásgeir

Mörk
5. Siggi Gísli
8. Siggísli
13. Skýsli
44. Kristmar
80. Helgi Guðna

Maður leiksins: Siggi Gísli

Siggi Gísli bætti sitt eigið met í leiknum en hann skoraði þrennu á innan við átta mínútum. Fyrra metið hans var rétt tæpar 15 mínútur en það var hans fyrsta þrenna í meistaraflokk sem hann skoraði einmitt gegn Afríku sumarið 2003 á Grýluvelli.

Siggi siglir nú fram úr öllum sem skorað hafa fyrir Hamar og er kominn með 19 mörk en Óli Jó skoraði 13 mörk fyrir Hamar á sínum tíma og Gummi Baldurs er þriðji markahæstur frá upphafi með 10 mörk.

Helgi Guðna var að skora sitt fyrsta mark í Íslandsmóti fyrir Hamar.

Björn Ásgeir fékk sitt fyrsta rauða spjald á ferlinum í leiknum eftir að hafa spilað um 50 leiki í íslandsmóti fyrir Hamar.

Hamar hefur mætt Afríku fjórum sinnum og aldrei tapað. Markatalan er 15/2 Hamar í vil.

Það voru um það bil 110 áhorfendur á leiknum. . .

Frétt Sudurland.is um leikinn

Leiksýrsla Ksí

Þið getið smellt á myndirnar til að sjá þær stærri. . .

Fyrir leik...

2006-07-12T22:34:00.000Z

A.L.Á.= Afríka leikur ágætlega

Á föstudaginn mun knattspyrnulið Afríku mæta til Hveragerðis og spila gegn Hamri á Grýluvelli. Afríka er sennilega eitt af þekktari liðum þriðju deildarinnar en þeir gáfu út heimildarmynd um lið sitt fyrir stuttu sem fékk góðar móttökur. Í myndinni mátti sjá Hamarsmönnum bregða fyrir því þessi lið mættust tvisvar á meðan á upptökum stóð sumarið 2003. Þá var Yngvi Karl Jónsson þjálfari Hamars en Hamar vann báðar viðureignir liðanna það sumarið, 0-1 á Þróttarvelli og 7-1 á Grýluvelli og er það stærsti sigur Hamars eftir að við hófum þátttöku í deildarkeppni KSÍ að nýju. Í þeim leik skoraði Sigurður Gísli Guðjónsson sína fyrstu þrennu í meistaraflokki og það gerði hann á einungis 15 mínútna kafla, á 60., 70., og 75. mínútu, og setti þar með met hjá Hamri.

Afríka sendir nú lið sitt til Íslandsmóts í fjórða skipti og heimsóttu Hamarsmenn
liðið í Laugardalinn í fyrstu umferð sumarsins. Hamar hafði þar betur 0-2 með mörkum frá nýliðunum Mladen og Milos sem skoruðu þar báðir í sínum fyrsta leik fyrir Hamar. Lið Afríku hefur marga góða einstaklinga innan sinna raða sem þurfa ekki mikið pláss til að klára leiki en þeim hefur þó ekki gengið nógu vel að stilla saman strengi í sumar og eru neðstir í A-riðli. Þeir eru án efa orðnir hungraðir í sigur og koma því til Hveragerðis til þess að ná í sinn fyrsta sigur. Hamarsmenn þurfa því að mæta tilbúnir til leiks því Afríka er sýnd veiði en ekki gefin. Heildar markatala liðanna frá fyrri viðureignum er 10-1 Hamar í vil en Hamarsliðið hefur aldrei tapað
fyrir Afríku.

Með stuðningi bæjarbúa er ætlunin að halda því þannig þetta árið og sigra lið Afríku í þessari fjórðu viðureign liðanna og hvetjum við því alla Hvergerðinga til að fjölmenna á völlinn og láta í sér heyra og þiggja kaffi og kleinur á sanngjörnu verði hjá fulltrúum yngri flokka Hamars. Þá mun Kjörís einnig bjóða yngri kynslóðinni uppá frían frostpinna.

Sjáumst á vellinum.
ÁFRAM HAMAR!!!

Um daginn...

2006-07-11T23:09:00.000Z

Andlit Hamars útávið (fyrir utan Milos)

Gaf meistaraflokkur knattspyrnudeildar Hamars, ásamt styrktaraðilum, öllum yngri flokkum deildarinnar peysur merktar félaginu og styrktaraðilunum þess fyrir Borgarnesmótið sem haldið var 23. til 25. júní.

Stjórn knattspyrnudeildar Hamars hélt fund með iðkendum yngri flokkana ásamt foreldrum og forráðamönnum þeirra þar sem farið var yfir dagskrá mótsins ásamt því að kynna helstu áherslur og skipulag félagsins fyrir helgina. Húsfyllir var á fundinum sem haldinn var á gamla hótelinu í Hveragerði og í kjölfarið fór fjölmennur hópur Hvergerðinga í Borgarnes yfir helgina. Eftir kynninguna á mótinu og svör við hinum ýmsu spurningum mættu nokkrir leikmenn meistaraflokks Hamars á fundinn og gáfu öllum yngri iðkendum Hamars æfingapeysur fyrir mótið.

Eftirtalin fyrirtæki veittu stuðning við afhendingu peysanna; Dvalarheimilið Ás, Pípulagnir Helga, Ópus, Lagnaþjónustan, Kjörís, KB Banki, ÍsMynd, Vífilfell, KGB málun, Kaffi Hveró, Eykt, Góa-Linda, Kynnisferðir, Café Kidda Rót, Vinnuvélar A.Michelsen og Raföld.

Knattspyrnudeild Hamars vill þakka fyrirtækjunum veittan stuðning.

Á meðfylgjandi mynd er hluti kakkanna sem fóru á Borgarnesmótið ásamt nokkrum leikmönnum meistaraflokksins. Ferðin lukkaðist vel og vann fjórði flokkur til dæmis mótið sem lofar góðu fyrir framtíð Hamars.

Ægir-Hamar

2006-07-07T23:18:00.000Z

Myndarlegur bekkur

Hamar mætti Ægi í níundu opinberu viðureign liðanna í Þorlákshöfn á föstudaginn. Ægismenn tóku vel á móti Hvergerðingum með fínu veðri en sólin skein og örlítil gola lék um hrokkna sem og slétta lokka leikmanna en vindinn hægði þó með kvöldinu.

Það var ljóst um leið og dómarinn flautaði leikinn á að stemmningin var allt önnur í Hamarsliðinu en í síðasta leik og ljóst að menn ætluðu sér ekkert annað en sigur. Fljótlega náðum við undirtökum leiksins og boltanum var haldið innan liðsins. Boltinn rúllaði vel í öftustu línu og Hamarsmenn teygðu á Ægisliðinu og leituðu þolinmóðir af glufum í þéttum varnarmúr Ægismanna. Eftir þó nokkra spretti Hamars með góðu þrýhyrningaspili kom frábær sókn sem endaði með skoti Mladens framhjá Hlyni í marki Ægismanna. Leikurinn var þó enn opinn, þó Hamar væri töluvert líklegri til, en staðan var eitt núll í hálfleik.

Í seinni hálfleik hélt Hamar áfram að ráða leiknum en mörkin stóðu á sér þrátt fyrir mörg færi. Sigga Gísla tókst þó loks að koma boltanum í netið á 51. mínútu en hann fékk ófá færin í leiknum. Tveimur mínútum síðar fengum við aukaspyrnu á okkar vallarhelmingi rétt við miðjulínuna. Mladen Ilic sem hafði verið latur við að skjóta á markið í undanförnum leikjum lét vaða á markið og það var ekki að spyrja að því, skotið var fast og alveg upp við slánna og Hlynur í markinu náði ekki að halda boltanum. Glæsilegt mark eða “dlæsile” eins og sumir myndu segja. Árni Geir var næstur í röðinni og eftir horspyrnu fékk hann boltan í teignum tók, 180 gráðu viðsnúning og hamraði boltan í netið með vinstri og skaut sóknarmönnum liðsins ref fyrir rass með einkar glæsilegu marki. Eftir þetta varð leikurinn losaralegri af beggja hálfu enda úrslitin ráðin. Öllum varamönnum Hamars var skipt inn á sem allir stóðu fyrir sínu en það var einna helst til tíðinda eftir að þeir komu inn á að litlu munaði að Sindri, a.k.a. Dúndri, skoraði á bróðir sinn sem stóð í marki Ægismanna. Síðasta mark Hamars í leiknum skoraði svo fyrirliðinn Rafa Benitez með einkar glæsilegum hætti en hann plataði Hlyn uppúr skónum með því að skalla í varnarmann Ægis og sendi hann þannig í vitlaust horn. Síðustu mínúturnar var lítið að gerast og boltinn gekk milli liðanna. Á 89. mínútu blés Heimrovich óvart á einn Ægismanna inn í teignum og dæmd var frekar ódýr vítaspyrna. Ægismenn skoruðu úr henni og nýttu þar með besta sóknarfæri sitt í leiknum en þeir áttu fá hættuleg færi .

Byrjunarliðið

Byrjunarliðið
Robert.
Árni tvíbbi, Árni Geir, Björn Ásgeir, Björn Aron
Rafn(F), Helgi, Marri(Þ) Mladen.
Siggi Gísli, Bjössi Red

Skiptingar
60. Tryggvi
60. Bjössi Red

65. Heimir
65. Helgi

75. Sindri
75. Siggi Gísli

78. Egill
78. Rabbi

85. Haffi Björns
85. Marri

Liðsstjórn
Valgeir Ásgeirsson (L/F)

Spjöld
80. Marri

Fyrir leik...

2006-07-06T22:26:00.000Z

Ægir næstir

Heil umferð fer fram í A-riðli í kvöld og lýkur þar með fyrri umferð mótsins. Leikirnir eru:

GG - Afríka á Grindarvíkurvelli
KV - Grótta á KR-velli
KFS - Víðir á Helgafellsvelli
Ægir - Hamar á Þorlákshafnarvelli

Hamarsmenn eiga fyrir höndum erfiða ferð niður í Þorlákshöfn og má búast við miklum nágrannaslag þar sem fyrr. Hópurinn verður töluvert breyttur frá fyrri leikjum þar sem mikið eru um meiðsli en báðir tvíbbarnir eru úti sem og Bjössi Red. Þá er Milos í leikbanni þannig að ljóst er að varnarlínan verður töluvert breytt. Leikir Hamars og Ægis eru jafnan harðir og óútreiknanlegir en liðin hafa mæst átta sinnum síðan þau sendu sameiginlegt lið í mót. Af þeim hefur Ægir unnið fjóra, Hamar þrjá og eitt jafntefli en markatalan er 19-14 Hamar í vil. Ægismenn hafa einungis tapað tveimur leikjum í sumar og aðeins einum leik á heimavelli og því ekki gefins að sækja þá heim.

Það er mæting klukkan 18:30 í íþróttahúsið í Hveragerði til að sameina í bíla en klukkan 18:50 í Þorlákshöfn fyrir þá sem fara beint.

Hamar-GG

2006-07-02T02:44:00.000Z

Rocky Balboa

Hamar fékk GG í heimsókn á föstudaginn en laut í lægra haldi fyrir gestunum frá Grindavík. Þar með tapaði Hamar öðrum leik sínum í röð og öðrum leiknum í röð sem var barátta um sæti í riðlinum. Hamar er því núna komið úr því að deila fyrsta sætinu og niður í fjórða sæti og er sex stigum frá topp sætinu. Þetta er fyrsti tapleikur Hamars á heimavelli í sumar.

SKÝRSLA VÆNTANLEG!

Fyrir leik...

2006-06-28T23:23:00.000Z

G.G. = Geggjuð geit

Nú er komið að þriðja heimaleik Hamars í sumar þegar lið GG frá Grindavík heimsækir Hveragerði. Hamar hefur einu sinni áður mætt GG en það var í deildarbikarkeppni KSÍ vorið 2005 og höfðu GG menn betur í það skiptið. Þetta er annað árið í röð sem GG sendir lið í deildarkeppni KSÍ eftir nokkuð hlé en þeir voru hársbreidd frá því að komast í úrslitakeppni 3. deildar í fyrra þegar þeir höfnuðu í þriðja sæti A-riðils. Lið GG er byggt upp af góðri blöndu ungra leikmanna með reynslubolta inn á milli en þeir leikmenn sem Hamarsmenn þurfa að varast eru til dæmis leikmaður númer sex, Davíð Arthur Friðriksson, sem skorað hefur þrjú mörk í fjórum leikjum í deildinni og leikmaður númer fimm, fyrirliðinn Leifur Guðjónsson, sem skorað hefur tvö mörk í fjórum leikjum.

GG gerði jafntefli við Gróttu, sem er í öðru sæti riðilsins, en Hamar tapaði einmitt illa fyrir því liði á Seltjarnarnesinu fyrir stuttu. Jafnframt er GG eina liðið sem hefur unnið topplið riðilsins, Víðir í Garði, en GG menn gerðu sér lítið fyrir og unnu þá 5-0 á Grindarvíkurvelli. Þeir hafa því sannað að þeir eru með hörku lið og eru til alls líklegir í sumar og verður því spennandi að sjá hvort Hamarsmenn nái að halda áfram sigurgöngu sinni á heimavelli gegn þessu sterka liði, en Hamar hefur unnið báða heimaleiki sína í sumar og vilja gjarnan halda því áfram.

Það er mikilvægt að Hvergerðingar haldi áfram að fjölmenna á völlinn og styðja við bakið á Hamarsmönnum í heimaleikjunum því að dyggur stuðningur gefur heimamönnum byr undir báða vængi. Mætum öll á völlinn og styðjum okkar menn til sigurs.

Fulltrúar yngri flokka Hamars munu bjóða áhorfendum upp á rjúkandi heitt kaffi og kleinur á sanngjörnu verði og Kjörís býður öllum krökkum, sem og öðrum dyggum stuðningsmönnum, frían frostpinna.

Sjáumst á vellinum

ÁFRAM HAMAR!!!

Víðir-Hamar

2006-06-26T18:35:00.000Z

Steini ekki sáttur

Hamar og Víðir deildu topp sætinu í A-riðli með níu stig hvor fyrir leik liðanna á Garðsvelli á fimmtudaginn. Leikurinn byrjaði fjörlega og ágætis fótbolti var í gangi hjá báðum liðum og bæði lið fengu færi. Á 11. mínútu fékk Mladen boltan rétt við miðju og átti í góðu þríhyrningsspili að vítateig þar sem hann hamraði boltan í þverslánna. Hamarsmenn gegnu á lagið eftir færið og komust meira inn í leikinn eftir því sem á leið en Víðismenn beittu hröðum sóknum og tóku góðar rispur en þeir þurftu ekki mikið pláss til að skapa sér hættuleg færi. Um miðbik fyrri hálfleiks fékk Marri frábæra sendingu inn fyrir vörnina og brunaði á 200 kílómetra hraða upp að markinu en í stað þess að skjóta reyndi hann sendingu inn í markteig þar sem Víðismenn náðu að hreinsa boltan svo vel að hann varð sem nýr á eftir. Bæði lið hefðu hæglega getað verið búin að skora en á 41. mínútu fengu Hamarsmenn hornspyrnu sem að Mladen tók. Hann spyrnti boltanum inn á markteig en boltin tók Beckham boga og stefndi í samskeytin fær þar sem Víðismaður bjargaði á línu. Boltinn barst út í tegin og aftur inn að marki þar sem Árni Geir fékk boltan óvænt við markteiginn en var ekki í jafnvægi og sendi boltan í þverslánna. Víðismenn náðu boltanum eftir það og sóttu hratt, eins og þeir gerðu gjarnan, og einn Víðsmanna átti skot sem Rocky varði. Annar Víðsmaður fékk þá boltan fyrir opnu marki, að menn héldu, en einhvern veginn í ósköpunum náði Rocky að stökkva á lappir og blaka boltanum rétt yfir þvertslánna og framkvæma þar með eina af flottustu markvörslum sem síðuhaldari hefur séð.

Í seinni hálfleik mættu Víðismenn mjög ákveðnir til leiks og aðeins fimm mínútum eftir að hálfleikurinn hafði veriði flautaður á barst boltinn út á vinstri kant og fjórir Hamarsmenn mættu út á kant og því sendi kantarinn boltan rétt út fyrir teig þar sem Víðsmaður kom aðvífandi og hamraði boltan í stöngina og inn. Restin af leiknum fór í mikið moð og einkenndist sóknarleikur Hamarsmanna af háum sendingum í miklum mæli en þær enduðu allar á sköllóttum risa í Víðisvörninni og því fátt um hættuleg færi Hamars í seinni hálfleik. Rétt áður en flautað var til leiksloka var Steina tvíbba svo vikið af leikvelli eftir að hann fékk sitt annað gula spjald og því spiluðu Hamarsmenn einum færri síðustu mínútur leiksins. Lokatölur leiksins því 1-0 fyrir Víði sem tryggði sér toppsætið í riðlinum með sigrinum.

Byrjunarliðið

Byrjunarliðið
Robert, Milos, Árni Geir, Steini, Björn Aron, Árni Tvíbbi, Rafn(F), Mladen,
Marri(Þ), Helgi og Siggi Gísli

Skiptingar
60. Bjössi Red
60. Helgi

Bekkurinn
Björn Ásgeir
Haffi Björns
Haukur
Tryggvi

Liðsstjórn
Hjörtur Sveinsson (L/F)
Binni

Spjöld
12. Siggi Gísli
74. Steini Tvíbbi
87. Milos
90. Steini Tvíbbi

Hamar-Víðir

2006-06-22T23:42:00.000Z

Steini sá rautt

Hamar tapaði 1-0 fyrir Víði í Garði á Garðsvelli nú í kvöld. Sem fyrr hefðum við getað verið búnir að klára leikinn en nýttum ekki okkar færi en við áttum til dæmis tvö sláarskot í fyrri hálfleik og bjargað var á línu eftir hornspyrnu. Mark Víðismanna kom þegar fimm mínútur voru liðnar af seinni hálfleik eftir fyrirgjöf sem barst út fyrir teiginn þar sem einn þeirra fékk frítt skot og settan í stöngina og inn og tryggði þar Víði þrjú stig og toppsætið í riðlinum. Steina tvíbba var vikið af leikvelli eftir að hann fékk sitt annað gula spjald eftir smá öxl í öxl og því spiluðu Hamarsmenn tíu síðustu mínútur leiksins. Meira eftir auglýsingar...

Fyrir leik...

2006-06-22T08:00:00.000Z

Víðir 70 ára í ár

Heil umferð fer fram í A-riðli þriðjudeildar um helgina sem byrjar í dag með leikjum Ægis og Gróttu í Þorlákshöfn annarsvegar og Víðis og Hamars á Garðsvelli hins vegar. Á morgun mætast svo KV og GG í Vesturbænum og svo lýkur umferðinni á laugardaginn í eyjum þegar KFS tekur á móti Afríku.

Hamar hefur ekki mætt Víði opinberlega e.fcb. en þeir tróna nú á toppi A-riðils með níu stig eftir fjóra leiki líkt og Hamar. Víðismenn eru með gríðarlega sterkt lið sem fyr en þeir eru nú að hefja sitt annað tímabil í þriðju deild eftir að hafa spilað í mörg ár í annari deild. Þeir unnu sinn riðil örugglega í fyrra án þess að tapa leik og fengu aðeins á sig sex mörk í öllum tólf leikjum sumarsins en skoruðu 43 sem eru 3.58 mörk skoruð og 0.5 fengin á sig að meðaltali í leik. Þeir náðu hins vegar ekki að klóra sig í gegnum úrslitakeppninaí fyrra en í ár voru þeir fyrirfram taldir einna líklegastir til þess að vinna A-riðil og eru meðal þeirra liða sem spáð var að myndu fara upp. Hamarsmenn verða því augljóslega að mæta með allt sem þeir eiga í þennan erfiða útileik því það verður enginn skemmti-Garður sem Víðismenn munu bjóða Gestunum uppá.

Hamar-KV

2006-06-21T17:33:00.000Z

Þessi settan (eða hinn)

Hamar fékk KV í heimsókn á föstudaginn og bauð uppá 10-15 metra og 10.000 lítra á sekúndu. Vind hægði þó örlítið þegar á leikinn leið eða um leið og Hamar átti að fá vindinn í bakið, það ringdi án afláts allan leikinn.

Grýluvöllur var ein stór sundlaug þegar Kjartan Björnsson flautaði á annan opinbera leik Hamars og KV sem byrjaði á venjulegum þreyfingum af beggja hálfu. Eftir byrjunarþóf fyrstu 15-20 mínúturnar voru það Hamarsmenn sem voru meira með boltan en við náðum þó ekki að skapa okkur nein markverð færi. Ekki fyrr en að Siggi Gísli komst einn á móti markmanni KV sem að kippti undan honum nýrökuðum legggjunum rétt fyrir utan teig. Markmaðurinn var heppinn og slapp með gult spjald og heppnin lék svo aftur við hann þegar Mladen skaut yfir úr aukaspyrnunni. Fleiri færi litu dagsins ljós hjá báðum liðum, ívið hættulegri hjá Hamarsmönnum sem hefðu margoft getað klárað leikinn en þess í stað þurfti markmaður KV einungis einu sinni að verja boltan í fyrri hálfleik.

Seinni háfleikur byrjaði svipað og sá fyrri og áttu bæði lið erfitt með að fóta sig á blautum vellinum en það voru hins vegar ekki liðnar nema um fímm mínútur þegar dæmd var vítaspyrna á varnarmann KV. Marri tók spyrnuna og skoraði úr henni. Eftir það skiptust liðin á að halda boltanum en Hamar fékk þó fleiri hættuleg færi. Þau færi sem Hamar fékk, bæði í fyrri og seinni hálfleik, einkenndust af því að Hamarsmenn ætluðu að sóla eða spila boltanum í gegnum markið í stað þess að klára færin þegar þau gáfust. Hamarsmenn fengu ótal færi sem hæglega hefðu getað klárað leikinn en það var ekki fyrr en á 70. mínútu að hugrakkur drengur úr vörninni brá sér fram og ákvað að slútta þessu fyrir framlínuna. Það var Árni tvíbbi sem að setti boltan inn fyrir marklínuna en hann ákvað hins vegar að spara netið og setja hann bara rétt nægilega langt yfir línuna. KV minnkaði svo muninn mínútu síðar og eftir það var leikurinn í járnum. Leikmenn KV lifnuðu við eftir markið og hefðu hæglega getað haft af heimaliðinu stig en Hamar hélt hreinu með góðri vörn. Leikurinn í heild var góður fyrir Hamar en það er ljóst að við verðum að klára færin sem við fáum ef við ætlum að vinna leikina sem frammundan eru.

Byrjunarliðið

Byrjunarliðið
Robert, Milos, Árni Geir, Steini, Björn Aron, Árni Tvíbbi, Rafn(F), Mladen,
Marri(Þ), Helgi og Siggi Gísli

Skiptingar
75. Bjössi Red
75. Siggi Gísli

80. Björn Ásgeir
80. Árni Tvíbbi

Bekkurinn
Binni
Haukur
Tryggvi

Liðsstjórn
Hjörtur Sveinsson (L/F)
Sindri Kára

Spjöld
56. Siggi Gísli
71. Árni Tvíbbi
75. Árni Geir

Mörk
53. Kristmar (úr víti)
69. Árni Tvíbbi

Maður leiksins: Steini Tvíbbi

Hamar-KV

2006-06-17T23:47:00.000Z

Grýluvöllur á góðum degi

Hamar vann KV 2-1 í sundlauginni Grýluvelli í gærkveldi. Hamar hefði getað klárað leikinn margoft en náði því ekki þrátt fyrir mjög mörg góð færi. Í staðinn minnkaði KV munin í 2-1 eftir að Hamar hafði komist í 2-0. Síðustu mínúturnar einkenndust af mikilli baráttu á þungum vellinum en þrjú stig komust í höfn. Skýrsla er í vinnslu og birtist hér korter yfir eitthvað á morgun sunnudag.

2006-06-16T10:33:00.000Z

Breytingar á hópnum fyrir leikinn á móti KV.

Ásgeir og Bjössi "Red" koma inn fyrir Haffa Björns og Hannes.

Muna súpu á Cafe Kidda Rót kl:17:00.

Mæting í íþróttahúsið ekki síðar en kl:18:45.

Mæta út úr brjálaðir í leikinn og með stemmarann í lagi.

Fyrir leik...

2006-06-15T23:01:00.000Z

Hver á þetta?

Nú er þremur umferðum lokið í A-riðli 3. deildar og Hamar, sem unnið hefur tvo leiki og tapað einum, er einungis einu stigi frá toppsætinu. Á föstudaginn er komið að fjórðu umferð og öðrum heimaleik Hamars í sumar þegar KV, knattspyrnufélag Vesturbæjar, mun leggja leið sína til Hveragerðis. Þetta er annað tímabil KV í þriðju deildinni en í fyrra enduðu þeir í fimmta sæti A-riðils. Hamar og KV mættust fyrst opinberlega nú í vor í deildarbikarkeppni KSÍ og unnu KV þann leik 4-0 í vesturbænum en þeir voru gríðarlega sterkir í deildarbikarnum. KV-menn fóru taplausir í gegnum okkar riðil og spiluðu úrslitaleikinn í C-deildinni gegn Hvíta Riddaranum. Í Visa-bikarnum komst KV alla leið í þriðju umferð en var þar slegið út af 2. deildar liði Aftureldingar.

KV liðið samanstendur af mörgum góðum einstaklingum og má þar til dæmis nefna Magnús Bernhard Gíslason sem skoraði níu mörk í fimm leikjum í deildarbikarnum og Steindór Odd Ellertsson sem skoraði 4 mörk í fjórum leikjum í deildarbikarnum í vor. KV hefur ekki enn náð sigri í deildinni í sumar en þeir töpuðu 3-1 gegn Víði á útivelli, gerðu jafntefli við Ægismenn í vesturbænum og töpuðu svo 2-0 í Eyjum gegn KFS. Vesturbæjardrengirnir mæta því væntanlega banhungraðir til leiks á Grýluvöll á föstudaginn með það eitt að markmiði að ná í sinn fyrsta sigur í deildinni.

KV-menn segja þetta fyrir leik: www.fckv.com

Flautað verður til leiks klukkan 20:00 á föstudaginn og eru Hvergerðingar og nærsveitungar hvattir til að fjölmenna á völlinn og styðja Hamarsmenn í að verja heimavöllinn. Með áhorfendur sem tólfta mann geta Hamarsmenn tryggt sér dýrmæt stig á Grýluvelli í sumar sem er grundvöllur góðs gengis. Það verður heitt kaffi á könnunni, ís frá Kjörís fyrir börnin og hressandi tónlist í hálfleik.

sjáumst á vellinum.

Leikmenn: Árni G. Valgeirsson

2006-06-11T23:59:00.000Z

Árni Geir

Árni Geir Valgeirsson er einn af nýju leikmönnum Hamars og telst til hinnar nýju skagfirsku slagsíðu Hamarsliðsins. Geiri gekk til liðsins nú í vor en hann á að baki fjölda leikja í fyrstu, annari og þriðju deild með Tindastól, Skallagrím og Leikni Fáskrúðsfirði. Eins og með aðra nýliða Hamars sem síðuhaldari veit lítið um var hann googlaður en sú vinna skilaði litlum upplýsingum öðrum en þeim að hann stundar/stundaði nám við Reykjavík University. Geiri hefur á þeim stutta tíma sem hann hefur spilað fyrir Hamar fest sig í sessi í hjarta varnarinnar og hefur þegar sannað að hann er mikil styrkur fyrir Hamarsliðið. Geiri á vonandi eftir að finna fyrir hinni óendanlegu veðurblíðu í Hveragerði á komandi sumri og eiga mörg blómleg ár frammundan með Hamri. Hver veit nema kappinn byggi sér svo bara hús á endanum við hliðin á Marra.

Nafn: Árni Geir Valgeirsson
Gælunafn: Geiri, Shearer
Fæðingardagur/ár: 30. maí 1980
Hæð og þyngd: 182 cm og 74 kg
Staða á vellinum: Allar fjærri hliðarlínu
Uppáhalds númer: Allt gott nema 13
Leikir og mörk: c.a. 100 leikir og einhver hrúga af mörkum
Fyrri félög: Tindastóll, Skallagrímur, Leiknir F. og B52
Besti samherjinn: Ég er búinn að spila nógu lengi með Marra til að vita að ég er betri en hann... annars er allt opið.
Fallegasti Samherjinn: Ætli það sé ekki Binni með strípur (síðan 1994), annars er Robert Mitrovic looker.
Eftirminnilegasti leikurinn: Súra bragðið eftir tap gegn KS í úrslitaleik 3. deildarinnar 1997 fer seint. Af góðum minningum þá var leikurinn gegn ÍR í 1. deildinni, sem hélt okkur uppi það ár mjög sætur (þar dugði jafntefli ekki). Sigurinn skilaði okkur í 6. sæti - sem er besti árangur UMFT í Íslandsmótinu.
Knattspyrnumottó: Time to make friends
Markmið: Koma stórklúbbi Hamars upp í 2. deild.
Annað: Af einhverjum ástæðum eru allir klúbbar á Íslandi sem ég hef spilað með komnir í 3. deild. Ég virðist vera eitthvert langtíma Jinx... því er gott að vita til þess að Hamar getur bara farið uppávið.

E-mail: arnigv@gmail.com
MSN: arnigv@hotmail.com
Sími: 866 4443

Grótta-Hamar

2006-06-08T00:31:00.000Z

Einbeittur fyrir vítið

Hamar sótti Gróttu heim á Seltjarnarnesið í kvöld þar sem leikið var opnunarleik á nýju gervigrasi Gróttu. Grótta gjörsigraði leikinn og kýldu Hamarsmenn heldur betur niður á jörðina eftir sigur í síðustu tveim leikjum. Það var mjög hvasst og svalt framan af leik en það hægði þó þegar leið á kvöldið.

Grótta byrjaði leikinn með vindi og náði snemma undirtökunum á meðan Hamar beitti snörpum skyndisóknum. Grótta átti allnokkur færi snemma leiks en náðu ekki að gera sér mat úr þeim og vörn Hamars stóð vel. Á 17. mínútu náðu Hamarsmenn skyndisókn, Sigurður Gísli komst einn í gegn en brotið var á honum áður en hann náði að klára. Vítaspyrna var dæmd og Kristmar skoraði örugglega af punktinum. Markið blés líf í leik Hamars sem átti þó erfitt uppdráttar gegn Gróttu og vindinum. Þeir héldu því áfram að vera meira með boltan en Sigurður Gísli hefði þó hæglega getað komið Hamar í tvö núll úr nokkrum færum stuttu eftir markið en í stað þess skoruðu Gróttumenn jöfnunarmarkið á 30. mínútu. Eftir það skiptust liðin á að reyna búa sér til færi en Grótta skapaði sér meira pláss með tímanum. Markið lá í loftinu og á 40. mínútu fékk dómarinn þá einkennilegu flugu í höfuðið að dæma hornspyrnu eftir að einn Gróttumaður hafði skallað boltan í hendina á sér og fram hjá marki Hamars. Úr hornspyrnunni unnu Grótta svo aðra sem endaði með skalla í Hamarsmann og upp í loftið og svo fyrir fætur Gróttumannsinns aftur sem skoraði úr auðveldu færi. tveim mínútum síðar skoraði sami maður aftur og kom Gróttu í 3-1.

Í seinni hálfleik fékk Hamar vindinn í bakið en það var ekki nóg til að rífa Hamarsmenn upp af ra*****inu. Menn héldu sig hæfilega langt frá Gróttumönnum til þess að eyðileggja örugglega ekki flott spil þeirra og Grótta hélt því áfram að einoka boltan. Þegar boltinn vannst náði Hamar sjaldan eða aldrei að senda boltan oftar en tvisvar innan liðsins, rétt eins og í fyrri hálfleik, og ef þeir dirfðust til að sækja stoppaði línuvörðurinn það eins og skot. Sá ágæti vörður var valinn af handahófi af Seltjarnarnesinu fyrir leik í stöðu sína og hafði rétt tæpum þrem mínútum áður en flautað var til leiks hlotið hraðnámskeið í rangstöðu og var frammistaða hans eftir því. Það var þó ekki honum að kenna greyinu að Hamarsmenn væru áhorfendur af leiknum á meðan Grótta lék fótbolta og eftir um tíu mínútna spil hjá Gróttu náðu þeir að skora sitt fjórða mark. Andlausir Hamarsmenn náðu lítið að skapa sér færi til að minnka munin og virtust ekki á því að prófa markmann andstæðinganna. Grótta hélt áfram að spila boltanum þangað til á 72. mínútu þegar Robert felldi Gróttumann rétt fyrir utan teig sem var kominn einn í gegn. Hann fékk hins vegar bara gula spjaldið og var heppinn að hanga inná. Eftir aukaspyrnuna skoraði Grótta svo fimmta markið og svo það sjötta átta mínútum síðar og fullkomnaði þar með niðurlægingu Hamars.

Erfiður dagur hjá Rocky

Byrjunarliðið
Robert, Milos, Árni Geir, Steini, Björn Aron, Árni Tvíbbi, Rafn(F), Mladen, Marri(Þ), Helgi og Siggi Gísli

Varamenn
83. Binni
83. Helgi Guðna

88. Haukur
88. Rafn

88. Hannes Bjartmar
88. Marri

89. Hafþór Björns
89. Árni Tvíbbi

89. Tryggvi Freyr
89. Mladen

Liðsstjórn
Hjörtur Sveinsson (L/F)
Björn Ásgeir (AÞ)
Sindri Kára

Spjöld
38. Árni Tvíbbi
72. Robert

Mörk
17. Kristmar (úr víti)

Maður leiksins: Enginn!

Fyrir leik...

2006-06-06T22:19:00.000Z

Attórg

Hamarsmenn leggja leið sína út á Seltjarnarnes í dag og mæta þar Gróttu á nýja gervigrasvellinum þeirra. Kvöldið verður væntanlega kaldlynt á nesinu en veðurspáin er svo hljóðandi.

Gróttumenn gerðu jafntefli við sterkt lið GG í fyrstu umferð og sýndu svo hversu sterkt lið þeirra er í síðasta leik gegn Afríku sem þeir unnu með fimm mörkum gegn engu. Þeir voru fyrirfram taldir einna líklegastir til að fara í úrslitakeppnina enda með ungt og sprækt lið. Þeir gerðu ágæta hluti í deildarbikarnum í vor og komust í aðra umferð í Visa-bikarnum. Hamar hefur aldrei mætt Gróttu opinberlega en liðin hafa att kappi í æfingaleikjum og hefur Grótta ávallt haft betur.

Það er mæting klukkan 18:00 í íþróttahúsið fyrir þá sem fara frá Hveragerði en annars klukkan 19:00 á Seltjarnarnesi. Hópur Gróttu er svona.

Leikmenn: Björn A. Magnússon

2006-06-02T21:48:00.000Z

Krullur rokka!!!

Björn Aron Magnússon er Hamarsmaður í húð og hár og hefur spilað meira og minna undir merkjum Hamars á ferlinum. Hann hefur þó spilað með Selfoss-liðunum báðum og það við góðan orðstír enda úrvals leikmaður. Hann spilaði með Selfoss síðasta sumar og tók þar þátt í ellefu leikjum. Það er óhætt að segja að Bakaradrengurinn, eins og hann er gjarnan kallaður, sé búinn að vera að safna reynslu á Selfossi til þess að færa í Hveragerði því hann kemur nú sterkari en nokkru sinni fyr til liðs við Hamar. Hann getur spilað flestar stöður á vellinum en hans sterkustu stöður, sem hann hefur helst spilað, eru bakvörður, útherji eða á miðjunni og sómir hann sér vel í þeim öllum sem segir margt um hann sem knattspyrnumann. Markmið Bjössa er að taka þátt í spennandi sumri með Hamri og færa þeim þá reynslu sem hann hefur aflað sér austan við Inghólsfjallið og hann mun án efa verða liðinu drjúgur í sumar.

Nafn: Björn Aron Magnússon
Gælunafn: Krulli, Bjössi, Snoði
Fæðingardagur/ár: 24. júní 1985
Hæð og þyngd: 173 cm og 65 kg
Staða: Bakvörður, miðja, vængur
Uppáhalds númer: Ekkert svoleiðis
Leikir og mörk: 15 með Selfoss / 13 með Hamri
Fyrri félög: Selfoss
Besti samherjinn: Þessir krullhærðu eru oftast þeir sem bera af...
Fallegasti samherjinn: Held að hann sé á leiðinni frá Serbíu
Eftirminnilegasti leikurinn: Örugglega þegar ég nefbrotnaði og braut tönn í leik síðasta sumar (það situr eftir)
Knattspyrnumottó: Hjálpa til við að gera Hamar að stórveldi
Markmið: Vinna 3. deildina í sumar
Annað: Menn með krullur kunna að rokka!

E-mail: bjornaron@hotmail.com
MSN: bjornaron@hotmail.com
Sími: 868 9078

Hamar-KFS

2006-05-30T12:15:00.000Z

Marri kominn á hnéin?

Hamar mætti KFS á Grýluvelli í gær í fyrsta heimaleik sumarsins við mjög góðar aðstæður. Örlítil vestan gola var í lofti og rétt dregið fyrir sólu en það kólnaði með kvöldinu.

Í byrjun leiks voru þreyfingar af beggja hálfu en greinilegt að bæði lið ætluðu sér sigurinn. Eftir um tíu mínútur fóru þó línur að skýrast og það voru Hamarsmenn sem voru búnir að ná undirtökum leiksins og voru meira með boltan enda með dyggan stuðning áhorfenda. Nokkur hálffæri litu dagsins ljós en ekkert rataði rétta leið. Kristmar átti svo fyrstu hættulegu tilraun leiksins þegar hann fékk boltan fyrir utan teig eftir um 15. mínútna leik. Hann skaut að marki fyrir utan en markmaður KFS varði skotið niðri við jörðu en litlu mátti muna. Það var svo á 20. mínútu eftir að Hamarsmenn voru búnir að vera að sækja og Þorsteinn Vigfússon var kominn framarlega á völlinn. Boltinn kom fyrir og Steini skallaði boltan fast og snyrtilega með vinstri eyrnasneplinum og setti boltan örugglega fram hjá markmanni KFS. Þetta mark gaf Hamarsmönnum meira sjálfstraust og fimm mínútum síðar var Marri aftur á ferðinni rétt fyrir utan teig, staðráðinn í að hefna sína á markmanninum sem hafði varið skot hans tíu mínútum áður. Siggi Gísli sendi boltan út í teigin, Marri lagði boltan fyrir sig með einni snertingu og þrumaði honum svo í fjær hornið niðri við jörðu, alveg útvið stöng og markmaður KFS átti ekki séns. Fyrsta mark Marra í íslandsmóti fyrir Hamar og það stórglæsilegt. En eftir markið sóttu KFS menn í sig veðrið og sóttu meira fram að hálfleik. Robert sagði brandara á 43. mínútu sem að dómarinn náði ekki og gaf honum því gult spjald fyrir.

Seinni hálfleikur byrjaði eins og sá fyrri endaði, það var eins og sigurinn væri í höfn í Hornafirði hjá Hamri. KFS nýttu sér það og gegnu á lagið og voru mun meira með boltan. Þeir leituðu grant af glufum í vörninni og fundu hana á 52. mínútu þegar síðuhaldari var að hella uppá kaffi og sá þar af leiðandi ekki markið en af sögn viðstaddra var það mjög flott. Eftir að KFS hafði skorað greip eitthvað stress Hamarsmenn og fáir vildu halda boltanum, hvað þá fá hann. Hamarsmönnum gekk illa að halda boltanum og skapa sér færi en bæði lið áttu þó nokkur hálffæri en KFS menn voru nær því að jafna en Hamar að bæta við. Þeir voru til dæmis óheppnir að jafna ekki leikinn í einhverjum af þeim mörgu hornspyrnum sem þeir fengu en allt kom fyrir ekki.

Hamar fékk sitt annað gula spjald á 70. mínútu en það var ekki fyrir slæman brandara enda var það var Rabbi litli sem kann sko sitt hvað fyrir sér í þeim efnum. En eftir það var komið að Sigurðar Gísla "Þætti" Guðjónssonar. Kristmar fékk boltan í lappirnar frammi og Siggi kom brokkandi fram á við með hárið flaksandi í vindinum. Skyndilega datt Sigginn á blússandi skeið og Marri greip tækifærið og gaf honum 9.5 í einkun fyrir líkamsburð. Um leið og hann var búinn að því sendi hann boltan í gegn þar sem Siggi stakk vörnina af og kláraði færið eins og sannur sóknarmaður. Stuttu seinna var svipuð sókn á ferðinni nema nú stóð Helgi rétt fyrir innan rangstöðu. Marri sendi boltan inn fyrir en Helgi tók hins vegar hárrétta ákvörun og skokkaði til baka. Línuvörðurinn fór næstum því af stað með flaggið en hann mat það svo þannig að Helgi hefði ekki haft áhrif á leikinn og hætti því við að flagga. Þá kom Siggi, sem var aftur kominn á blússandi skeið, og stakk sér inn fyrir vörnina og kláraði færið vel, nú nýbúinn að bleyta í greiðslunni og því kominn í einkunnina 9.8 fyrir líkamsburð og 10 fyrir útlit. Eftir þetta var sigurinn aldrei í hættu og ferskir leggir komu inná. Þeir leikmenn sem komu inn stóðu sig með prýði og KFS menn náðu ekki að skapa sér nein markverð færi, lokatölur 4-1 Hamar í vil.

Kátt á hjalla

Byrjunarliðið
Robert, Milos, Árni Geir, Þorsteinn, Björn Aron, Árni Vigfússon, Rafn(F), Mladen, Kristmar(Þ), Helgi og Siggi Gísli

Varamenn
84. Brynjar Elefsen
84. Kristmar Geir

84. Haffi Björns
84. Helgi Guðna

84. Tryggvi Freyr
84. Siggi Gísli

87. Hannes
87. Rafn

88. Haukur
88. Mladen

Liðsstjórn
Hjörtur Sveinsson
Björn Ásgeir
Björn Björnsson
Egill Örn

Spjöld
43. Robert
70. Rafn

Mörk
20. Þorsteinn
25. Kristmar
73. Siggi G.
75. Siggi G.

Maður leiksins: Kristmar Geir

Siggi Gísli bætti met Ólafs Jósefssonar í þessum leik á móti KFS en Óli hafði skoraði 13 mörk í 36 leikjum á sínum tíma með Hamri. Sigurður Gísli hafði fyrir tímabilið skorað 12 mörk í 24 leikjum í Íslandsmóti en er nú kominn í 14 mörk í 26 leikjum í Íslandsmóti.

Guðmundur Baldursson er þriðji markahæstur frá upphafi með 10 mörk í 32 leikjum.

Þorsteinn Vigfússon var að skora sitt fyrsta mark fyrir Hamar

Rafn Haraldur Rafnson var frekar svekktur eftir leikinn enda er þetta í fyrsta skipti í sögu Hamars sem hann spila ekki allar mínútur í leik sem hann tekur þátt í. Hann sagðist Þó líta á þetta sem heiðursskiptingu.

Hamar hefur mætt KFS fjórum sinnum og tvisvar unnið og tvisvar tapað. Markatalan er 19/7 KFS í vil.

Það voru um það bil 150 áhorfendur á leiknum

Þið getið smellt á myndirnar til að sjá þær stærri

Þetta eru að sjálfsögðu bara staðreyndir um opinbera leiki Hamars eftir endurreisn. Með öðrum orðum eftir FC Bjórvömb...

Fyrir leik...

2006-05-28T23:01:00.000Z

Mæta sterkir til leiks

Fyrsti heimaleikur Hamars í sumar er gegn sterku liði KFS frá Vestmannaeyjum. Liðin hafa þrisvar áður mæst opinberlega og fyrsta viðureignin, og jafnframt fyrsti leikur Hamars eftir fjögurra ára hlé frá keppnum KSÍ, var einmitt gegn KFS í VISA-bikarnum sumarið 2003. KFS var á þeim tíma að spila í 2. deild og var með feiknar sterkt lið. Þessi leikur endaði 1-4 KFS í vil þrátt fyrir mikla baráttu Hamarsmanna. Hinar tvær viðureignirnar voru síðasta sumar og er fyrri leikurinn, sem fór fram á Grýluvelli, af flestum sem hann spiluðu talinn eftirminnilegasti leikur Hamars það tímabil. Sumarið hafði verið liðinu erfitt fram að leiknum og illa hafði gengið vegna þess hve ungt og óreynt það var. En Hamar gerði sér lítið fyrir og sigraði leikinn 3-2, í fyrsta leik undir stjórn Rafn H. Rafnssonar, með tvemur mörkum frá Rafni sjálfum og einu frá Birni Björnssyni. Síðasti leikur liðanna fór svo fram í ágúst í fyrra og vann KFS þann leik auðveldlega en Hamar sendi fámennan hóp út til eyja og fékk þar af leiðandi slæma útreið.
Lið KFS hefur verið mjög sterkt í gegnum tíðina og ýmist spilað í annari deild eða verið í toppbaráttunni í þriðju deild. Þeir hafa sterkan og kraftmikinn hóp manna sem hefur spilað lengi saman. Í broddi þeirrar fylkingar er gamla ÍBV hetjan Hjalti Jóhannesson en aðrir leikmenn KFS sem hafa spilað allar viðureignir Hamars og KFS eru Yngvi Magnús Borgþórsson sem skorað hefur fimm mörk í þeim þremur leikjum gegn Hamri og Trausti Hjaltason hefur skorað tvö mörk í þeim.
KFS hefur verið að gera ágæta hluti nú í vor og gerðu til dæmis 3-3 jafntefli við fyrstu deildarliði Hauka og unnu Ægi frá Þorlákshöfn 5-0 í VISA-bikarnum. Það má því búast við hörkuleik þegar eyjapeyjarnir mæta á Grýluvöll og ljóst að Hamarsmenn verða að gefa allt sem þeir eiga í leikinn til þess að ná þremur stigum af þessu reynslumikla liði. Nú hvetjum við alla Hvergerðinga til að fjölmenna á völlinn og styðja Hamarsmenn til sigurs sem þeirra tólfti maður í baráttunni.

Maður leiksins

2006-05-26T10:11:00.000Z

Úr skíragulli

Nú styttist óðum í fyrsta heimaleik Hamars þetta tímabilið en liðið mætir KFS frá Vestmannaeyjum á mánudaginn. Eins og eftir alla heimaleiki Hamars í deildarkeppni frá árinu 2003 verður kosinn maður leikins eftir leikinn af leikmönnum og fylgdarliði. Kosið er lýræðislegri kosningu áður en að farið er í sturtu að leik loknum og er sigurvegarinn svo jafnan krýndur hreinn og fínn á Adamsklæðunum. Ef um jafntefli er að ræða fá báðir skilding þannig að ef að allir kjósa sjálfan sig þá fá allir eitt stig og allir vinna. Síðustu þrjú ár hefur skildingurinn verið eins og á myndinni en í ár verður hann veglegri en áður og því væntanlega enn eftirsóttari.

Aftan á skildinginn er ígrafið:

Maður leikins
Hamar - nafn mótherja
Árið 200?
Grýluvelli

Afríka-Hamar

2006-05-23T22:13:00.000Z

Serbarnir taka
við af Sigga

Hamar mætti Afríku í Laugardalnum í gær og vann leikinn 0-2. Það var varnarmaðurinn Milos Milojevic sem skoraði fyrra mark Hamars eftir frákast eftir um það bil 10 mínútna leik í sínum fyrsta leik fyrir félagið og það sem meira er í fyrsta leik sínum á Íslandi. Seinna markið skoraði kollegi hans frá Serbíu, miðjumaðurinn Mladen Ilic, þegar um 15 mínútur voru eftir af leiknum einnig í sínum fyrsta leik fyrir Hamar.

Lokatölur í öðrum leikjunum í riðlinum voru 3-1 fyrir Víði gegn KV og í Þorlákshöfn vann Ægir lið KFS 3-1. Það eru nokkuð óvænt úrslit vegna þess að KFS vann Ægi 5-0 í bikarnum fyrir skömmu. Leik Árborgar og Ými, sem fór fram á Selfossi, lyktaði með 0-2 sigri Ýmis en Árborg vann einmitt það lið 1-0 fyrir skömmu og því einnig nokkuð óvænt úrslit þar á ferðinni.

Gulldrengurinn, súkkulaði Sigurður Gísli Guðjónsson var gripinn í viðtal eftir leikinn og spurður um framgang leiksins.

Síðuhaldari: Jæja Siggi, sigur í fyrsta leik, hvernig spilaðist þetta?
Siggi: Þessi leikur var afar erfiður, það var hávaða rok og erfitt að spila boltanum. Ég var í basli með hárið, vildi lúkka vel, en við létum hins vegar boltan ganga vel á miðjunni með stuttum sendingum.

Síðuhaldari: Serbía settan snemma leiks?
Siggi: Jú, markið sem við skoruðum kom eftir aukaspyrnu þar sem að Lati (Ilic) átti skot/sendingu sem markmaður þeirra náði ekki að halda og frændi hans Milos fylgdi eftir og skoraði með öruggri sendingu í markið.

Síðuhaldari: Átti Afríka ekkert í leiknum?
Siggi: Jú, en við fórum mjög varkárir af stað og gáfum ekki mikið séns á okkur. Þeir áttu þó engin færi fyrir utan eitt skot sem Robbi greip örugglega. Afríka er með mun betra lið núna en þegar við mættum þeim sumarið 2003 þegar við vorum síðast með þeim í riðli, þó að taktarnir séu alltaf til staðar;)

Síðuhaldari: Hvað kom fram í hálfleiksræðunni?
Siggi: Það var bara lagt upp með að ana ekki í neitt og halda sama striki. Ég var eitthvað að reyna að bleita upp í hárinu til að stífa það af en ég var með ónýtt vax þannig að það gekk ekki. Að öðru leiti ætluðum við bara að vera með boltan og spila okkar leik. Það gekk eftir og seinna markið kom þegar brotið var á Marra að mig minnir. Lati skoraði svo beint úr spyrnunni, einstaklega flott mark.

Síðuhaldari: Þess má geta að ég heyrði í því marki í beinni útsendingu til Búlgaríu. Var í símanum að tala við Hjört og spyrja um stöðu mála þegar hann öskraði í eyrað á mér og ég hoppaði hæð mína á fyrstu hæð á hótel Dionis. En nóg um það, kom Afríka eitthvað við leikinn í seinni?
Siggi: Seinni hálfleikur spilaðist svona 50/50 þó svo að við hefðum boltan aðeins meira. Miðað við aðstæður, hávaða rok og lélegt gervigras, þá voru þetta góð úrslit og við komumst vel frá þessu.

Síðuhaldari: Þú skoraðir ekki, eru Serbarnir búnir að gera þig óþarfan?
Siggi: Jah, sko... þegar maður er ungur hugsar maður meira um mörkin. Núna er ég orðin stór strákur og hugsa fyrst og fremst um liðið. Ég fór t.d. í ljós og setti vax í hárið fyrir leikinn til þess að liðið myndi líta vel út. Þannig færi ég liðinu smá klassa, ég var ekki valinn súkkulaði strákur Hamars síðasta tímabil mitt fyrir liðið fyrir ekki neitt.

Síðuhaldari: Jahá, það er misjaft hvar áherslurnar eru. En þú hefur væntanlega fengið spjald/spjöld í þessum leik eins og öðrum með einni af sóknarmanna tæklinunum þínum?
Siggi: Já ég fékk spjald... og það fyrir ekki ra****t!!! Það voru svo líka aðrir sem fengu spjöld, ég var ekki einn um það. Tryggvi átti t.d. líka eina sóknarmanna tæklingu og Þjálfarinn fékk gult spjald fyrir peysutog þannig að ég var ekkert eini sem fékk spjald þadna!

Síðuhaldari: Voru einhver fleiri færi sem hægt er að tala um?
Siggi: Já við sköpuðum okkur nokkur færi eða hálffæri. Ég átti eitt skot í hliðarnetið eftir sendingu frá Bjössa. Binni átti skot á beint á markmanninn eftir góða sendingu frá Ilic og svo átti Ilic sjálfur skot sem markmaðurinn varði vel.

Síðuhaldari: Ljósir punktar?
Siggi: Þeir eru eflaust að við héldum hreinu og að við vorum ekki að gefa mikið færi á okkur.

Síðurhaldari: Einhver maður leiksins?
Siggi: Öll vörnin spilaði mjög vel þannig að það er ekki úr vegi að velja þann aftasta, Milos, og jafnframt markaskorara liðsins mann leiksins. Hins vegar áttu fleiri menn góðan leik eins og Haffi Björns sem átti mjög góða innkomu og leysti vel hlutverkið á miðjunni.

Byrjunarliðið

Byrjunarliðið
(Mark) Robert
(Sópari) Milos
(miðv) Árni Geir og Þorsteinn
(Bakv) Björn Aron og Árni Vigfússon
(Mið) Rafn
(Sóknar mið) Mladen og Kristmar
(Sókn) Siggi Gísli og Binni

Varamenn
75. Haukur
75. Brynjar

80. Tryggvi
80. Siggi Gísli

85. Haffi Björns
85. Kristmar

Egill Örn
Hannes Bjarmar

Liðsstjórn
Hjörtur Sveinsson
Siggi Gústafs
Sigurjón Unnar

Spjöld
Siggi Gísli
Tryggvi
Kristmar

Mörk
ca. 10. Milos Milojevic
ca. 75. Mladen Ilic

Milos Milojevic skoraði í sínum fyrsta leik fyrir Hamar og það tók hann ekki nema 10 mínútur að skora á Íslandi...

Kollegi hans frá Serbíu Mladen Ilic var líka að spila sinn fyrsta leik og skoraði einnig...

Aðrir sem hafa skorað í sínum fyrsta leik fyrir Hamar eru Siggi Gísli, Bjössi Red, Brynjar Elefsen og Árni Geir...

Siggi Gísli er eini sem hefur skorað eftir styttri tíma í leik með Hamri en Milos (samkvæmt núverandi upplýsingum) Siggi skoraði eftir aðeins 8 mínútur í leik með Hamri á móti KFS árið 2003. Hann kom inn á á 74. mínútu og skoraði á þeirri 84.

Stærsti sigur Hamars frá upphafi var 7-1 gegn Afríku á Grýluvelli sumarið 2003...

Í þeim leik skoraði einmitt Sigurður Gísli fyrstu þrennuna sína og fyrstu þrennu Hamars....

Þetta eru að sjálfsögðu bara staðreyndir um opinbera leiki Hamars eftir endurreisn. Með öðrum orðum eftir FC Bjórvömb...

Andstæðingurinn

2006-05-21T08:21:00.000Z

Upptökur hafnar á mynd 2.
Muna eftir að greiða sér!

A-riðill 3. deildar verður flautaður í gang á Seltjarnarnesi annað kvöld þegar Grótta fær GG frá Grindavík í heimsókn. Á þriðjudaginn verða svo hinir leikirnir þrír í fyrstu umferð leiknir og mun Hamar mæta Afríku á gervigrasinu í Laugardal. Liðin hafa tvisvar áður mæst og vann Hamar báðar þær viðureignir, fyrri leikinn 0-1 á Þróttarvelli og seinni 7-1 á Grýluvelli. Lið Afríku hefur þó breyst mikið frá því að þessar viðureignir áttu sér stað sumarið 2003 og hafa verið að gera góða hluti í vor. Þeir unnu til dæmis Hvíta Riddaran 2-0 (reyndar töpuðu þeir honum svo á kæru), Ægir 4-1 og gerðu 2-2 jafntefli við Árborg. Það verður því engin lautarferð að sækja þrjú stig í Laugardalinn gegn þessu spræka sóknarliði og ljóst að gefa verður allt í leikinn. Þeir 16 leikmenn sem verða í leikmannahópi Hamars verða tilkynntir á síðustu æfingu fyrir leik, nánar tiltekið á mánudaginn, og svo settur inn á spjallsíðuna af fyrirliða liðsinns við fyrsta tækifæri.

Leikmenn: Brynjar E. Óskarsson

2006-05-15T09:57:00.000Z

Brynjar Elefsen

Þá er komið að því að kynna til sögunnar fyrsta nýja leikmann Hamars þetta tímabilið, maður er nefndur: Brynjar Elefsen Óskarsson. Brynjar er síðuhaldara alls ókunnur fyrir utan skýrslu og internetþekkingu og því lá beinast við að googla bara kvikindið. Við það kom í ljós að drengurinn var í fyrsta sæti í Tópas-golfmótröðinni í Bakkakoti þann 24. ágúst síðasta sumar þannig að eitthvað kann skagfirðingurinn að sveifla priki. Nú þá kom einnig í ljós að Brynjar var á skrá utandeildarliðsins Metró í fyrra sumar og er að sjá í fljótu bragði að hann hafi allavega skorað einu sinni fyrir þá. Brynjar skipti þó yfir í Hamar frá Tindastól ásamt fleirum í vor og spilaði fjóra leiki í deildarbikarnum og byrjaði þar feril sinn glæsilega. Í fyrsta leik sínum skoraði hann tvö mörk og skráði sig þar með í heimsmetabók Hamars með því að verða fyrsti leikmaðurinn til þess að skora tvö mörk í fyrsta leik fyrir félagið. Önnur tölfræði hjá drengnum er ekki leiðinleg en hann er með 4 mörk í 4 deildarbikarleikjum sem gerir hann annan markahæstan fyrir Hamar í þeirri keppni en í heildina 4 mörk í 5 leikjum fyrir Hamar og samkvæmt þessari byrjun verður Binni mikilvægur Hamarsliðinu á komandi sumri og mun líklega halda áfram að skrá sig í metabækur Hamars. Meira verður ekki sagt um þennan dreng að svo stöddu nema að hann og Árni Geir, annar skagfirskur hnokki sem kynntur verður bráðlega, héldu fyrstu skagfirsku þjöppu Hamars um helgina og er vonandi að hún hafi skilað tilætluðum árangri og hafi góð áhrif á hópinn fyrir framhaldið.

Nafn: Brynjar Elefsen Óskarsson
Gælunafn: Buster, Sandmaðurinn, Full house (í körfunni, spila allar stöður)
Fæðingardagur/ár: 18. október 1979
Hæð og þyngd: 184/86 svipað og blóðþrýstingurinn
Staða á vellinum: Norð-vestan garri
Uppáhalds númer: 5 og 11
Leikir og mörk með Hamri: 5 leikir og 4 mörk
Fyrri félög: KS (til 6 ára aldurs), Tindastóll, svo eitt Neista mót í 5. flokk með Glóðafeiki.
Besti samherjinn: Marri, þegar hann er kominn í hvítu skóna.
Fallegasti samherjinn: Ef það má ekki velja sjálfan sig þá verð ég að segja að rauða eldingin, Bjössi sé nokkuð metró-sætur en Steini tvíbbi lítur alltaf svakalega vel út!!!
Eftirminnilegasti leikurinn: 3-2 sigur á móti KFS í fyrrs, eða svo segja allir hinir. En svo hlýjar mér það alltaf um hjartaræturnar að hugsa til þess þegar ég varði vítið á móti Dalvík í 5. flokk og við unnum 1-0. Synd að mar lagði hanskana á hilluna, næsti Campos sagði mamma.
Knattspyrnumottó: Hætta að spila þunnur, þótti töff í gamla daga.
Markmið: Miða á markið.
Annað: Ef 11 manns standa í hring og helmingurinn öskrar "Hamar" og restin "Berjast" þá hljómar það eins og "Hamast".... ég er ekki viss um að fólk geri sér grein fyrir því!!!

E-mail: brynjare@ru.is
MSN: binnisega@hotmail.com
Sími: 822-9905

Drangur - Hamar

2006-05-13T18:26:00.000Z

Siggi skoraði sitt annað
mark í bikar fyrir Hamar

Hamar og Drangur mættust í Visa-Bikarnum á laugardaginn og voru lokatölur voru 2-1 fyrir Drang. Drangur var í þetta skipti aðalega skipaður leikmönnum úr Fjölni, Fram, Þrótti Reykjavík og fleiri en liðið spilar í utandeildinni undir nafninu Vængir Júpiters. Áfram fylgir því Hamri draugurinn sem vofað hefur yfir liðinu í bikarleikjum en liðið hefur ekki unnið neinn af þeim fimm bikarleikjum sem liðið hefur spilað síðan 2003(nema einn á kæru).

Síðuhaldari: Jæja Hjörtur, af hverju ertu svona rauður í framan?
Formaðurinn: Jahh!! ætli það sé ekki útaf þessu fo*****s au******m sem geta ekki dr****st til að spila eins og menn! Mæta hérna með hausinn undir hendi og hugan í vasanum ég bara....

Síðuhaldari: Svona, svona, róaðu þig. Þú ert orðin blár, hvernig var þetta?
Formaðurinn: Jahh, eins og ég segi þá byrjuðu Hamarsmenn leikinn með hangandi haus og greinilega ekki tilbúnir í leikinn. Drangsmenn voru svo sem ekkert sterkir en fyrst og fremst vorum við bara ömurlega lélegir. Rabbi reyndi að gefa Drangsmönnum eitt mark í forgjöf með sendingu til heiðurs Steven Gerrard til baka á sóknarmann þeirra sem skaut þó framhjá þegar hann var kominn rétt inn fyrir teiginn.

Síðuhaldari: Er Rabbi kannski annar vængur Júpiters?
Formaðurinn: Engin er sekur uns sekt er sönnuð en rannsóknarnefnd hefur verið skipuð til að athuga tengsl Rabba við mótherjana og rannsakað verður ítarlega hvort um mútuþegni sé að ræða. Annars áttum við einhver færi í fyrri hálfleik, til dæmis skot í stöng um miðjan hálfleik en boltinn var ekki að ganga nógu vel á milli manna og við vorum flestir mjög óöryggir að halda boltanum og leikurinn þróaðis í það að gefa langa bolta fram á sóknarmenn okkar. Drangur fékk svo aukaspyrnu eftir að Bakarinn hafði tekið sóknarmann þeirra niður þegar hann var að sleppa í gegn og mátti Björninn teljast heppinn að hanga inn á vellinum. Varnarveggurinn var illa staðsettur í aukaspyrnunni því að skot Drangsmannsinns fór framhjá honum og í markhornið sem að veggurinn átti að verja. Og þá erum við ekki að tala um í bláhornið heldur erum við að tala um það bil 50 cm frá stönginni, 1-0 fyrir Drang í hálfleik og ekkert fleira markvert sem gerðist í hálfleiknum.

Síðuhaldari: Hvað sagði Marri við þessu? hann hefur ekki verið sáttur ef ég þekki hann rétt? (aldrei hitt manninn)
Formaðurinn: Hann sagði mönnum til að dr****st til að vakna og spurði hvort að menn væru komnir með hugan við þjöppuna sem skipulögð hafði verið fyrir kvöldið. Svo virtist allavega vera á spilamennsku okkar. Það breytti þó litlu því að það var sama dr****stöffið í seinni hálfleik, ekkert að ganga. Drangur komst því í 2-0 eftir að Ómar hafði varið en ekki náð að halda boltanum og hann barst til baka í klafsið í teignum til sóknarmanns Drangs sem setti boltan í autt markið.

Síðuhaldari: Fengum við engin færi?
Formaðurinn: Jú, Árni Geir fékk háa sendingu fyrir markið en hann hitti boltan ekki, nánast fyrir opnu markinu. Haukur sem hafði komið inn á fyrir Binna átti viðstöðulaust skot beint á markmanninn sem að varði skotið yfir. Siggi Gísli skoraði svo fyrir okkur eftir klafs í teignum. Í stöðunni 2-1 þegar ein mínúta var eftir af leiknum átti Haukur skalla í stöngina fjær eftir góða fyrirgjöf frá hægri.

Síðuhaldari: Tvö stangarskot, opið mark og hvaðeina hvað vantaði til að klára leikinn?
Formaðurinn: Auka talandan, vantar réttar færslur varnar og miðju en fyrst og fremst þurfa menn að fara í andlega íhugun og skapa sér hugarfar sigurvegara.

Síðuhaldari: Einhverjir ljósir punktar?
Formaðurinn: Ekki að svo stöddu, allt í myrki, ekkert ljós.

Síðuhaldari: Maður leiksins kannski?
Formaðurinn: Enginn!

Byrjunarliðið á móti Drang

Byrjunarliðið
Ómar Freyr í markinu, Árni Geir og Þorsteinn í miðvörðum, Björn Aron og Árni V. í bakvörðum, Rafn og Hannes á miðjunni og Helgi fyrir framan þá, Siggi Gísli og Brynjar Elefsen á vængjunum og Kristmar Geir frammi.

Varamenn
??. Haukur Kristins
??. Brynjar Elefsen

??. Egill Örn
??. Hannes

Tryggvi Freyr
Siggi Gústafs
Hafþór Björns

Liðsstjórn
Hjörtur Sveinsson

Spjöld
??
??

Mörk
??. Siggi Gísli

Það voru sjö leikmenn að spila sínar fyrstu mínútur fyrir Hamar í bikar í þessum leik en það voru þeir Árni Geir, Árni Vigfússon, Björn Aron, Brynjar Elefsen, Egill Örn, Kristmar Geir og Þorsteinn Vigfússon.

Sigurður Gísli er markahæsti leikmaður Hamars í bikarleikjum með tvö mörk

Það er aðeins einn leikmaður sem hefur spilað alla fimm bikarleiki Hamars. Það er Rabbi en hann hefur jafnframt spilað allar 450 mínútur leikjanna og alltaf verið númer níu. Hann var fyrirliði í síðustu tveimur leikjum.

Leikmenn: Hannes B. Jónsson

2006-05-12T10:00:00.000Z

Hannes B. Jónsson

Hannes Bjartmar var einn af meðlimum Bjórvambar á sínum tíma og hefur spilað í Hamri meira en minna öll sumur frá því að sá klúbbur var og hét. Fyrri hluta ársins 2003 spilaði Hannes með Árborg en gekk svo til liðs við Hamar um mitt sumarið. Hann spilaði það sumar sex leiki skoraði þrjú mörk en ef talið er frá því að Hamar var enduvakin er Hálofta-Hannes, eins og hann er gjarnan nefndur, í hópi leikjahærri leikmanna Hamars sem tilheyra gömlu Björvömbinni enda samviskusamur drengur mjög sem mætir samkvæmt því samviskusamlega á æfingar sem og í alla leiki. Hannes hefur leikið 38 leiki og skorað fjögur mörk í öllum mótum fyrir Hamar og spilar oftast sem miðjumaður, útherji eða sóknarmaður en hefur þó brugðið sér í flestar stöður þegar þess hefur verið þörf. Hannes mun án efa verða liðinu mikilvægur í sumar og næstu sumur og spila mikilvæga rullu fyrir félagið.

Nafn: Hannes Bjartmar Jónsson
Gælunafn: Hálofta-Hannes
Fæðingardagur/ár: 13. mars 1983
Hæð og þyngd: 184 cm og 78 kg
Staða á vellinum: Miðja
Uppáhalds númer: 5
Leikir og mörk: 38 leikir og 4 mörk
Fyrri félög: Árborg, FC Bjórvömb, Selfoss og Ægir
Besti samherjinn: Rosa-Rafn
Fallegasti samherjinn: Úff..get ekki gert upp á milli!
Eftirminnilegasti leikurinn: Því miður þegar Bjössi Rauði klúðraði vítinu gegn Ægi
Knattspyrnumottó: Fara í hvern einasta leik til að vinna!
Markmið: Að spila með Hamri í 2. deildinni 2007
Annað: Áfram Liverpool!

E-mail: hbj1@hi.is
MSN: hannesbjartmar@hotmail.com
Sími: 8619095

Íslensk knattspyrna

2006-05-11T08:00:00.000Z

Íslensk knattspyrna
er veglegur gripur

Eins og kom fram á félagsfundi Hamars nú á dögunum býðst Hamarsmönnum og velunnurum félagsins nú áskrift af hinni veglegu bók Íslensk Knattspyrna. Bókin kemur út einu sinni á ári, og hefur gert frá árinu 1983, og er eitthvað sem að allir knattspyrnuáhugamenn verða að eiga. Bókin er eftir Víðir Sigurðsson blaðamann á Morgunblaðinu og í henni er fjallað ítarlega um efstu deildir karla og kvenna, landsleiki, Evrópuleiki og bikarinn. Einnig er fjallað um neðri deildirnar, yngri flokka, deildarbikarinn, Reykjavíkurmótið, innanhúsmót og atvinnumennskuna. Í bókinni er að finna úrslit allra leikja í mótum KSÍ á ári hverju og einnig er hún veglega skreytt með um 320 myndum á 224 blaðsíðum og þar af eru 64 blaðsíður í lit.

Áskriftartilboðið hljómar svona:
(Fullt verð út úr búð er 4.990 kr.)
Áskriftarverð fyrir eintakið býðst á 2.990 kr.

Þá býðst okkur tilboð á eldri eintökum hvort sem er stakar bækur eða í pakka frá árunum 1983 til 2005.

Eldri bækur:
20 bækur - allir eldri titlar 15.900 kr. (795 kr stk).
10 bækur – valdir eldri titlar 9.900 kr. (990 kr stk).
5 bækur – valdir eldri titlar 6.900 kr. (1380 kr stk).

Stakir titlar:
(Árg. 1984 uppseldur)
- árin 1983 - 1990: 1500 kr. eintakið
- árin 1991 - 1999: 2000 kr. eintakið
- árin 2000 – 2005: 2500 kr. eintakið

Allar séróskir um eldri eintök verða skoðaðar og reynt verður að verða við þeim. En til að leggja fram þær óskir eða fá áskrift af framtíðareintökum, sem alltaf er hægt að segja upp, þarf bara að hafa samband við Björn Ásgeir eða Hjört í gegnum tölvupóst eða síma. Við munum þá setja ykkur á blað og láta svo vita þegar varningurinn er kominn í hús. Þetta er einstakt tækifæri og hvetjum við alla til að grípa það því að 2.990 krónur á ári er ekki mikið fyrir jafn veglega bók og Íslensk Knattspyrna er.

Hjörtur formaður
Netfang: hjorturs@simnet.is
Sími: 866 0418

Björn Ásgeir (eftir 25. maí)
Netfang: bab3@hi.is
Sími: 8657035

Kveðja Stjórnin

Hamar - Árborg

2006-05-09T10:26:00.000Z

Bjössi skorar ekki bara
á fótboltavellinum

Björn Björnsson var fréttaritari Hamars á leik Hamars og Árborgar sem fór fram á Stokkseyrarvelli í gær. Björn sem á við smávægileg meiðsli að stríða var ekki með í leiknum en fylgdi að sjálfsögðu liðinu á völlinn og var okkar 12. maður á hliðarlínunni.

Síðuhaldari: Jæja Bjössi...
Bjössi: Já sæll, ég vill bara byrja á að biðjast afsökunar á þessu krullu gríni. Ég veit vel að menn með krullur rokka mest og vill bara að þú vitir að þetta er bara grín sem ég er með vegna lítils sjálfsálits.

Síðuhaldari: Já takk fyrir það, ég tók þetta nú aldrei nærri mér þar sem að ég veit betur, svo er ég líka hrokkinhærður.
Bjössi: Já þið rokkið allir feitt. Það hefði bara þurft fleiri fallega drengi eins og Björn Aron í leikinn þá hefðum við slúttað þesssu, hvar varst þú eiginlega?

Síðuhaldari: Jæja, taktu nú hausin út úr ra*******u á mér og byrjum þetta. Hvað gerðist í fyrri hálfleik?
Bjössi: Já, fyrsta færið okkar átti Siggi Gísli, hann komst í gott færi í fyrri hálfleik og smellti boltanum í slánna með einni af sínum margrómuðu vippum sem hann hefur skorað svo mörg mörkin með en ekki vildi boltinn inn í þetta skiptið. Seinna vann Siggi Gísli svo boltann af Argentíska varnarsóknarmanni Árborgar sem var eitthvað að sóla í vörninni, boltinn barst til Hákons sem setti boltann laglega í fjærstöngina og inn með skoti fyrir utan teiginn með tvo varnarmenn í sér.

Síðuspikaður: Ok, eitt núll í hálfleik eitthvað fleira markvert sem gerðist í hálfleiknum?
Bjössi: Já, skemmtilegt atvik átti sér stað í fyrri hálfleik þegar Rabbi fékk fast högg djásnið
í miðjunni og þurfti að fara af velli. Marri leysti hann af hólmi en var aðeins búinn að vera inn á vellinum í 5 mín þegar hann fékk boltann í djásnið og þurfti að fara að velli fyrir Rabba sem var búinn að jafna sig. Furðuleg taktík hjá Árborgurum að losna svona við okkar menn.

Síðuhaldari: Var eitt núll verðskuldað í hálfleik?
Bjössi: Já í heildina vorum við sterkari aðilinn í hálfleiknum og lentum aldrei í vandræðum í vörninni, sem var gott að sjá.

Síðuhaldari: Hvað sagði Kristmar í hálfleiksræðunni, hvernig var hann í djásninu?
Bjössi: Ég missti að hálfleiksræðunni þar sem ég var að éta nestið mitt í bílnum, sorry.

Síðuspikaður: Hvurskonar fréttamennska er þetta! Hvað fékkstu í nesti?
Bjössi: Bananagraut í svona lítilli sætri krukku, hrikalega gott, en samt svolítið lítið magn. Var þó með tvær aðra með perubragði.

Síðuhaldari: Já, þú meinar svona barnamat í krukku?
Bjössi: Þetta er ekkert barnamatur! Það er til fullt af þessu heima!

Síðuhaldari: Jájá, jæja hvernig var seinni hálfleikur?
Bjössi: Í síðari hálfleik hleyptum við Árborgurum alltof mikið inn í leikinn og þeir jöfnuðu leikinn snemma í síðari hálfleik. Við fengum möguleika á að jafna leikinn þegar Marri fékk stungusendingu inn fyrir vörn Árborgar og lék á markmanninn sem braut á honum og réttilega dæmd vítaspyrnu. Rabbi steig á punktinn en lét verja frá sér. Árborgara komust svo í 2-1 þegar 15 mín voru eftir. En á síðustu mínutu leiksins jafnaði Marri með marki úr vítaspyrnu eftir að hendi hafði verið dæmd á leikmann Árborgar. Annar tvíburinn meiddist svo lítillega en ég man ekki hvor en þetta voru síðan loka tölur leiksins og held ég að það hafi verið sanngjörn úrslit.

Síðuhaldari: En við unnum ekki þannig að eitthvað hýtur að mega gera betur?
Bjössi: Já það var margt sem betur má fara. Menn eru til dæmis sífellt að svindla á hlaupum og ekki að elta mennina sína til baka þegar við missum boltann í sókninni, og komu bæði mörkin þeirra upp úr slíkri leti. Svo erum við hreinlega allir alltof staðir þegar við erum að spila boltanum og erum þar afleiðandi að gera okkur þetta alltof erfitt fyrir.

Síðuhaldari: Ljósir punktar?
Bjössi: Ljósu punktarnir eru þegar við erum að spila stutt þríhyrnings spil. Þá komumst
við nánast undantekningalaust í færi og við erum að gera þetta mjög vel en þessir kaflar eru alltof fáir og alltof stuttir. Þess á milli erum við að hnoðast og moðast og ekki að skila boltanum nægilega vel frá okkur. En ljósasti punkturinn er samt án efa sá hvað við erum gríðarlega fallegir, svona flestir okkar. Þetta er greinilega eitthvað sem við þyrftum að byggja á Þó að það hafi bara verið einn okkar með krullur í þessum leik.

Síðuhaldari: Hvað er svo frammundan?
Bjössi: já það stendur mikið til á næstunni. Á laugardaginn verður fyrsti leikur okkar í bikarnum og er hann gegn Drang frá Vík í Mýrdal og eru menn fullir tilhlökkunnar. Eftir leikinn verður svo frumflutt nýja lag Meistaraflokks Hamars og einnig frumsýnt nýtt dansmyndband með Hirti Sveinssyni, ég vona að þú látir sjá þig Ásgeir minn, ég sakna þín.

Byrjunarliðið

Þá fór Björn heim til sín, límdi á sig mottuna og henti sér í hlírabolinn. Því næst nelgdi hann sér inn í eldhús og helti karlmannlega í sig einni krukku af hindberjagraut, og svo annarri með eplum. Um leið og hann skutlaði á sig kúreka hattinum á leiðinni út sagði hann við kellinguna: ,,Ekki vaka ekki eftir mér (rop), ég er að fara í keilu með strákunum og kíkja á einhverjar tjéllingar (prump)."

Byrjunarliðið: Simmi í marki. Árni Geir og Steini í miðvörðum. Bakverðir Björn Aron vinstri og Árni hægri. Miðja Rabbi, Hákon og Helgi. Frammi Binnni vinstri og Hannes Hægri með Sigga Gísl fyrir miðju. Svona var lagt upp í leikinn og spilað 4-3-3.

Varamenn: Siggi Gústafs, Tryggvi Freyr, Haffi Björns og Kristmar Geir. Allir varamenn komu inn á. Skipt var ótt og títt þannig að ekki verður nákvæmur tími gefinn upp.

Liðstjórn: Enginn en áhorfendur voru Bjössi og svo kom Hjörtur í seinni hálfleik.

Mörk: Hákon og Kristmar.

Baráttukveðjur
Björn Ásgeir

Árborg á mánudaginn

2006-05-06T20:28:00.000Z

Passið ykkur á þessum!
(Mynd stolið af www. arborgfc.net)

Hamar og Árborg munu mætast á Stokkseyri í æfingarleik á mánudaginn næstkomandi í annað skipti eftir að fyrrverandi leikmaður og þjálfari Hamars, hin viðkunnanlegi, en jafnframt einbeitti, Einsi tók við þjálfun Árborgar. Fyrri leikurinn fór 3-3 en leikir þessara liða eru jafnan fjörugir og aldrei tomma gefin eftir, eins og vera ber í nágrannaslögum, og búast má við að lítil breyting verði á því á mánudaginn. Liðin eru ekki í sama riðli í sumar þannig að tetta er líklega eini leikur erkifjendanna þetta árið, nema að sjálfsögðu að bæði lið komist í úrslitakepnina. þetta er fyrsti leikur Hamars í ár á grasi og tilvalið tækifæri fyrir leikmenn til að fá smá graslykt á nýju takkaskóna sína og fyrir þá sem eiga eftir að sanna eitthvað fyrir þjálfaranum að gera það.

Leikurinn fer fram mánudaginn 8. maí kl: 20:00 á Stokkseyrarvelli. Mæting í íþróttahúsið í Hveragerði klukkan 18:30. Allir leikmenn Hamars boðaðir.

Baráttukveðjur frá Grís
Björn Ásgeir

C-riðli lokið

2006-05-04T20:00:00.000Z

Hvað er líkt með þessum?

Í gær fóru fram síðustu tveir leikirnir í C-riðli deildarbikar Ksí. Einungis úrslitaleikurinn er eftir en hann er á milli KV og Hvíta Riddarans og fer fram á sunnudaginn. Í ár tók Hamar þátt í annað skipti í deildarbikarnum og náði betri árangri en árið áður. Við enduðum með 4 stig í fimmta sæti með markatöluna 12/16 og segir hún margt um hvað hefði mátt fara betur í mótinu. Annað hvort að skora miklu meira eða koma í veg fyrir að fá á sig 16 mörk í fimm leikjum sem er aldrei vænlegt til sigurs og þrátt fyrir ágætis sóknartilburði náðum við ekki að ná inn eins mörgum stigum og okkur fannst við eiga inni. En mótið í heild var gott, skilaði leikæfingu, framförum og samstillingu í liðinu sem að lofar góðu fyrir framhaldið. Sigurður Gísli Guðjónsson var markahæstur í mótinu fyrir Hamar með 5 mörk en fast á hæla hans kom nýliðinn Brynjar Elefsen með fjögur og greinilegt að hann mun veita Sigga harða samkeppni í markaskorun í sumar. Eitt mark var sjálfsmark og hin tvö skoruðu Bjössi Björns og Árni Geir.

Lokastaðan í riðlinum
13 stig - KV
12 stig - Snörtur
8 stig - Skallagrímur
6 stig - BÍ
4 stig - Hamar
0 stig - Bolungarvík

Það eru einungis tveir leikmenn sem hafa spilað alla deildarbikarleiki Hamars og aðeins tveir sem hafa skorað fleiri en eitt mark. Í þeim tíu leikjum sem við höfum spilað höfum við skorað 18 mörk, fengið á okkur 10 gul spjöld og eitt rautt.

Leikjahæstir í deildarbikar
10 leikir - Rafn H. Rafnsson (fyrirliði í öllum)
10 leikir - Helgi Guðnason
9 leikir - Hannes Bjartmar Jónsson
8 leikir - Björn Björnsson
8 leikir - Hafþór Vilberg Björnsson
5 leikir - Björn Ásgeir Björgvinsson
5 leikir - Jónas Guðnason
5 leikir - Kristmar Geir Björnsson
5 leikir - Sigmar Karlsson (M)
(Aðrir með færri en fimm)

Markahæstir í deildarbikar
5 mörk í 4 leikjum - Sigurður Gísli Guðjónsson
4 mörk í 4 leikjum - Brynjar Elefsen Óskarsson
(Engin annar hefur skorað meira en eitt mark)

Spjöld í deildarbikar
Það eru bara tveir leikmenn sem hafa fengið tvö gul spjöld í þeim deildarbikar leikjum sem Hamar hefur leikið og kemur ekki á óvart að Sigurður Gísli sé einn af þeim, en hin er ég sjálfur. Þá hefur einungis einu sinni verið veifað rauða spaldinu á okkur í deildarbikarnum en það var á móti Hvíta Riddaranum í fyrra þegar formaðurinn þaut inn völlinn og lét heldur betur finna fyrir sér. Hraustur maður hann er og gerði sér ekki alveg grein fyrir styrk sínum því að hann þaut útaf, eftir að hafa fengið beint rautt, eftir aðeins tíu mínútna leik. Ég held svei mér þá að það sé met hjá Hamri og ef engin hefur vitnisburð um annað þá er það hér með opinberað að Hjörtur Sveinsson á met í að láta reka sig útaf eftir stysta veru á vellinum eða frá 71. mínútu til 81. mínútu.

Nú er þessu vormóti lokið og Hamarsmenn geta farið að einbeita sér að næsta verkefni sem er Visa-Bikarinn. Fyrstu andstæðingar okkar í honum er Drangur og fer leikurinn við þá fram þann 13. maí á Víkurvelli. Svo fylgir Íslandsmótið í kjölfarið þann 23. maí þegar við mætum Afríku á gervigrasinu í Laugardal og svo KFS á Grýluvelli þann 29 maí.

Baráttukveðjur
Björn Ásgeir

Fundur!

2006-05-03T09:40:00.000Z

Formaðurinn flaggar til fundar

Stjórn meistaraflokks Hamars boðar hér með liðsmenn Hamars til fundar fimmtudaginn 4. maí klukkan 19:00. Þessi fundur er árlegur viðburður hjá meistaraflokknum og á honum er farið yfir helstu mál komandi sumars. Einnig geta á honum leikmenn og stjórnarmenn borið upp málefni sem brenna í hjörtum þeirra. Á fastri dagskrá verður umræða og stefnumótun fyrir komandi sumar, skósamningur meistaraflokksins verður kynntur sem og áskriftartilboð í hina veglegu bók "Íslensk knattspyrna" eftir Víði Sigurðsson.

Fundardagskrá:
19:00 - Mæting í íþróttahúsið
19:02 - Bjössi Rauði segir skrítlu
19:03 - Rabbi segir þrjár skrítlur
19:05 - Umræður og tillögur liðsmanna
19:15 - Markmið sumarsins og stefnumótun
19:45 - Skósamningur kynntur til sögunnar
19:55 - Áskrift að "Íslenskri knattspyrnu" kynnt til sögunnar
20:00 - Rabbi krýnir sjálfan sig brandarakóng Hamars
20:10 - Fundarslit

Stjórn Hamars áskilur sér þann rétt að skylda menn til að mæta. Þeir sem eru að vinna verða að fá einhvern til að leysa sig af og þeir sem eru að læra fyrir próf verða að taka smá pásu frá því, þó að það þýði að þeir þurfi að sleppa úr máltíð.

Fundurinn verður haldin í íþróttahúsinu
í Hveragerði fimmtudaginn 4. maí kl: 19:00.

ÞAÐ ER ALGJÖR SKYLDUMÆTINGT!!!

Kveðja Stjórnin

Snörtur - Hamar

2006-05-01T16:22:00.000Z

Rafn er furðulegur fýr!

Hamar og Snörtur frá Kópaskeri mættust í hádeginu á Ásvöllum í dag. Rafn Haraldur var af því tilefni tekin á spjall.

Fréttasnápur (eftir smá fund): Ok, Rabbi ertu með reglurnar á hreinu?
Rafn (fýldur): Já, ætli það ekki, en hvað er málið? Af hverju vill enginn finna þetta, þetta er ekkert smáræði?

Fréttasnápur: Rafn hættu nú við vorum búnir að ræða þetta! Snúum okkur að leiknum, hvernig þróaðist fyrri hálfleikur?
Rafn (ennþá fýldur): Við stjórnuðum honum að mestu leiti, Binni kom okkur yfir með ágætu marki eftir kannski svona 20 mínútna leik. Stuttu síðar fengu Snartarmenn vítaspyrnu sem margir hverjir voru nokkuð ósáttir með en Þeir skoruðu úr henni og jöfnuðu leikinn í 1-1. Stuttu eftir það fengu þeir aukaspyrnu rétt fyrir utan teig, þeir tóku hana og boltinn fór í slánna, sóknarmenn þeirra voru þó sneggri til og skölluðu í markið eftir að Simmi hafði reynt að stoppa þá. Rétt fyrir hálfleik jafnaði Binni svo með skoti sem fór upp í hornið og staðan því 2-2 í hálfleik og Binni með bæði mörk okkar.

Fréttasnápur: Þannig að það hefur verið þokkalega jafn á með liðunum?
Rafn (ekkert að lagast): Við áttum að vera búnir að klára þetta í fyrri hálfleik en allt kom fyrir ekki og í hálfleik kom vindur á mót okkur. Við vorum þó staðráðnir í að baka þetta lið og ég held að margir hafi verið búnir að því bara á staðnum. Marri gerði eina breytingu í hálfleik þar sem Árni fór út af fyrir Hannes.

Fréttasnápur: Ertu ekki að lagast í skapinu?
Rafn: Byrjun seinni hálfleiks þróaðist vel, við höfðum undirtökin og Siggi Gísli skoraði gott mark eftir langa sendingu frá Birni Aroni upp allan vinstri kantinn. Eftir það vorum við mun meira með boltann, létum hann rúlla í öftustu línu og á miðjunni og reyndum aðeins að brjóta vörnina þeirra á bak aftur. Þegar ca. hálftími var eftir af leiknum þá komu tvö mörk með stuttu millibil frá þeim eftir varnarmistök hjá okkur. Þegar um 10 mínútur voru eftir var sóknarþungi okkar svo mikill að við áttum aðeins einn mann eftir í vörninni hjá okkur og þegar þeir hreinsuðu fram eftir eina af okkar sóknum þá var hobbiti í hinu liðinu sem náði að smygla sér fram hjá aftasta varnarmanni og lauma honum í netið. Staðan 5-3. Við reyndum að sækja eins og við gátum eftir það og Sigurður Gísli sett´ann snyrtilega í netið eftir sendingu frá Þóri. Staðan 5-4 og það urðu lokatölur leiksins.

Fréttasnápur: Hvað er þetta Rabbi láttu ekki svona?
Rafn: Það var ekki mikið af spjöldum í þessum leik. Dómarinn hafði þetta allt ,,under control":) og hikaði ekki við að rökræða við menn ef þeir dirfðust að setja út á góða dóma hans. Siggi Gísli fékk eitt gult í restina þegar hann gerði atlögu að boltanum úti á kannti. Það var nú varla snerting, kannski eitthvað rétt meira en bara öxl í öxl.

Fréttasnápur: Ef ég man rétt var Bjössi rauði einmitt einu sinni kallaður hobbiti af andstæðingum okkar í Visa-Bikarnum 2004?
Rafn: Já, en hann er eymingi og var ekki með í dag.

Fréttasnápur: Ok, ég skal finna þetta hjá þér, komdu hérna.
Rafn (glaður í bragði): Þetta er rosalegt, er það ekki?

Fréttasnápur: Jú, jú Rabbi minn, en hvað var að klikka hjá okkur í dag?
Rafn: Númer eitt tvö og þrjú færanýtingin. Við erum að skapa okkur fullt af færum sem er gott, en við verðum greinilega að fara að æfa skotin. Einnig var ekki gaman að sjá vörnina og miðjuna missa boltan sem leiddi til færa og marka hjá þeim. Við þurfum að halda einbeitingu í 90 mínútur, ekki bara 70 eins og við gerðum í dag.

Fréttasnápur: Þannig að það er margt sem þarf að vinna að?
Rafn: Já, við þurfum að læra að byggja upp markvissar sóknir, allir þurfa að vita sitt hlutverk í liðinu sem og hlutverk samherjanna. Við höfum 10 daga fram að fyrsta mótsleik sumarsins og um 3 vikur að fyrsta leik mótsins. Þennan tíma þarf hver og einn að nota til að byggja upp leikform sem endist í rúmlega 90 mínútur á fullum krafti. Einnig væri gaman að sjá fullan varamannabekk svona af og til.

Fréttasnápur: Það er þó margt gott í gangi er það ekki?
Rafn: Jú, við stjórnuðum leiknum (eins og svo mörgum öðrum leikjum) og vorum að láta boltann rúlla vel aftast. Við sköpum okkur færi og að mínu mati höfum við hingað til verið með betri menn í flestum stöðum á vellinum heldur en andstæðingarnir einnig skoruðum við 4 mörk sem lofar góðu frammávið.

Fréttasnápur: Hverjir voru menn leiksins að þínu mati?
Rafn: Björn Aron, Siggi Gísli og Binni koma sterklega til greina.

Þá fer hin furðulegi fýr Rafn Haraldur að skrúbba á sér... jahh, þessa áhugaverðu líkamsparta og við rennum yfir staðreyndir.
Byrjunarliðið: Var skipað Simma í markinu, Árna Geir og Þorsteini í miðvörðum, Birni Aroni og Árna Vigússyni í bakvörðum. Á miðjunni voru Rafn og Kristmar djúpir og Helgi fyrir framan þá. Binni og Haukur voru á köntunum og Siggi Gísli á toppnum.
Varamenn: Hannes, Siggi Gústafs, Tryggvi og Þórir.
Skiptingar: 45. mínúta: Hannes inn fyrir Árna
55. mínúta: Tryggvi inn fyrir Hauk
80. mínúta: Siggi Gú inn fyrir Helga
80. mínúta: Þórir inn fyrir Binna

Mörk: Binni með tvö og Siggi Gísli tvö.

Baráttukveðjur
Björn Ásgeir