Jónas Guðnason / Jarðýtan / MatarmálaráðherraStaða: Varnarmaður
Leikir: 11 - Mörk: 1 - Tímabil- 04
Fyrri félög: Selfoss, Árborg.
Jónas snéri aftur í Hveragerði fyrir síðasta tímabil eftir að hafa spilað með knattspyrnufélagi Árborgar sumarið 2003. Hann spilaði ellefu leiki fyrir Hamar í sumar og skoraði eitt mark. Það mark kom í Fífunni á móti Drang og var jafnframt upphafið að endurkomu okkar í þeim leik. Jónas byrjaði sem sóknarmaður á sínum yngri árum í boltanum en hefur svo færst aftar á völlinn, eins og hann segir svo oft frá bitrum tóni. Hann færðist á miðjuna til að byrja með og spilar nú yfirleitt í vörn. Hann þykir þó frambærilegur á miðjunni þar sem baráttugleðin er mikil hjá kappanum ásamt góðri yfirsýn og lesskilningi uppá nokkur orð á mínútu. Hann var mikill styrkur fyrir okkur síðasta sumar, hann var annar fyrirliði og var í lok sumars hylltur með verðlaunum. Hann var valinn trukkur ársins ásamt því að vera valinn félagi ársins. (sjá nánar í september færslu) Hann söng svo nokkur vel valin lög í rútunni, í tilefni þess, á heimleiðinni. Jónas er gættur mikilli liðshollustu og er jafnframt síðstur manna til að gefast upp þegar á móti blæs. Matmaður er hann einnig mikill. Hann á án efa eftir að setja mark sitt á komandi sumar með Hamri og vera liðinu góður félagi enda núverandi félagi ársins.
