Hamar vs B.Í.

Við lutum í gras á móti B.Í. í fyrsta heimaleik okkar í deildinni og jafnframt á Grýluvelli. Leikurinn fór fram í slagveðri, rigningu og roki á laugardag og endaði leikurinn 2-0 fyrir gestina. Fyrri hálfleikurinn fór fram á vallarhelmingi B.Í. manna og má telja á annari hendi þau skipti sem að þeir komust yfir á okkar helming og fengu þeir afar fá færi. Við aftur á móti lágum á þeim með vindinn í bakið og sóttum látlaust allan hálfleikinn. En þrátt fyrir ítrekaðar tilraunir fundum við ekki netið og áttum erfitt með að troða tuðrunni fram hjá þéttri vörn Bíaranna. Í seinni hálfleik sóttu þeir í sig vonda veðrið og fengu færi á 65. mínútu Þar sem að þrír komust inn fyrir á móti tveimur. Við reyndum hvað við gátum að sækja á vindinn en erfiðlega gekk að fá hratt spil og skiptingar á boltanum og því auðvelt fyrir Bíara að verjast okkur. Við náðum þó að spila þokkalega á köflum en allt kom fyrir ekki. Siggi litli var útaf með ærnar í haga á áttugustu mínútu og svo skoruðu Bíarar aftur á nítugustu mínútu með Júguslavneskum þrumufleyg og lá Kárahnkjúkatröllið óvígt eftir. Maður leiksins var kosinn af leikmönnum eftir leikinn og var Það Bjössi striker sem að varð hlutskarpastur í þeirri kostningu og hlaut hann veglegan skilding í verðlaun fyrir það. Hann var vel að titlinum kominn því hann barðist eins og rautt ljón allan leikinn og mættu aðrir leikmenn taka hann sér til fyrirmyndar. Að mínu mati vorum við óheppnir að vera ekki löngu búnir að skora og hefðum unnið Þennan leik ef við hefðum gert það. Við mætum þeim aftur á föstudag og verðum brjaaaaaaaálaðiiiiiiiir!


Hasta la victoria siempre
Ásgeir Bo

skrifað af bab @ 14.6.04 Umræða: 0