Áríðandi tilkynning!
Samkvæmt búningadeild Hamars vantar stuttbuxur númer sex og buxur úr upphitunarsetti eftir síðustu leiki. Stuttbuxur númer sex voru síðast notaðar af Brynjari Elefsen í leik Bolungarvík - Hamars og hafa ekki sést síðan. Buxurnar úr upphitunarsettinu týndust eftir Hamar - BÍ en ekki er vitað hver var síðast í þeim. Leikmenn Hamars eru vinsamlegast beðnir um að róta í föggum sínum og láta búningadeild vita ef þetta leynist þar.Rannsóknardeild Hamars mun fara í ítarlega rannsókn ef þessu mikilvægu þættir liðsins lagast ekki hið snarasta. Ef viðkomandi gefur sig fram innan sólahrings mun hann ekki hljóta dóm. Ef búningurinn finnst hins vegar í fórum einhvers eftir þann tíma og viðkomandi er fundin sekur um að hafa vísvitandi leynt upplýsingum mun sá hin sami, og samstarfsmenn hans, hljóta harða refsingu.
Með kveðju og von um samvinnuþýði
síðuhaldari, formaður, búningadeild, rannsóknardeild og dómstólar Hamars
